Dungdung-aw 5:19 - Ti Baro a Naimbag a Damag Biblia

¹⁹ Ngem sika, O Apo, arika iti agnanayon. Agturayka iti agnanayon nga awan inggana.

Ti Biblia (1973)

¹⁹ Sica, O Jehova, mataginayonca; ti tronom agtalinaed manipud caputotan agingga iti caputotan.

Dungdung-aw 5:19 Iomraidhean Croise

Dagiti Salmo 10:16

Ni Yahweh isu ti ari nga awan inggana; mapukawto dagiti agdaydayaw kadagiti didiosen iti dagana.

Dagiti Salmo 102:12

Ngem sika, O Apo, agnanayonka nga ari; laglagipendakanto dagiti amin a kaputotan.

Dagiti Salmo 145:13

Agnanayon ti panagarim; agpaut ti panagturaymo iti amin a kaputotan. Tungpalen ti Apo ti amin a karina; manangngaasi iti amin nga aramidna.

Dagiti Salmo 146:10

Agnanayon ti panagturay ti Apo; wen, O Sion, agarinto ti Diosmo iti amin a tiempo. Madaydayaw ti Apo!

Dagiti Salmo 29:10

Iturayan ni Yahweh ti layus; agari iti agnanayon nga awan inggana.

Dagiti Salmo 45:6

Mataginayon nga awan inggana ti pagariam, O Dios. Iturayam dagiti tattaom babaen iti hustisia;

Dagiti Salmo 9:7

Ngem agari ni Yahweh iti agnanayon; insaganana ti tronona a mangukom.

Dagiti Salmo 90:2

Sakbay a pinarsuam dagiti bantay, wenno ti panangpaaddam iti lubong, agnanayonkan a Dios, wen, Dios iti awan inggana.

Dagiti Salmo 93:2

Manipud un-unana, O Apo, natalgeden ti tronom; addakan sakbay ti panangrugi ti panawen.

Daniel 2:44

Iti panawen dagitoy nga agturay, mangipasdekto ti Dios ti langit iti pagarian a pulos a dinto agpatingga. Saanto a maparmek dayta a pagarian ngem gibusannanto dagiti amin a pagarian. Isu laeng ti agpaut iti agnanayon.

Daniel 7:14

Inawatna sadiay ti pannakabalin, dayaw ken ti naarian a panagturay tapno agserbi kenkuana dagiti tattao iti amin a nasion, puli ken pagsasao. Agnanayonto ti pannakabalinna, ket dinto agpatingga ti pagarianna.

Daniel 7:27

Maitedto ti pannakabalin ken ti kinatan-ok dagiti amin a pagarian ditoy lubong kadagiti tattao ti Kangatoan a Dios. Agturaydanto iti agnanayon ket agserbi ken agtulnogto kadakuada dagiti amin a pagarian ditoy daga.”

Habakuk 1:12

O Apo, sikan ti Dios manipud idi punganay. Sika ti Diosko a nasantoan ken agnanayon. O Apo a Diosko ken mangaywan kaniak, pinilim dagiti taga-Babilonia ket pinapigsam ida tapno mabalindakam a dusaen.

San Juan 1:38

Idi tumalliaw ni Jesus, nakitana ida a sumursurot kenkuana. “Ania ti sapsapulenyo?” sinaludsodna. “Sadino ti pagtaengam, Rabbi?” insungbatda. (“Maestro” ti kayat a sawen ti “Rabbi.”)

Deuteronomio 33:27

Ti Dios ti kanayon a nangsalsalaknib kadakayo, dagiti agnanayon a takkiagna ti mangtapaya kadakayo. Pinagtalawna dagiti kabusoryo iti isusungadyo, ket imbilinna a dadaelenyo ida a sangapada.

1 Timoteo 1:17

Iti agnanayon nga Ari a saan a matay ken saan a makita, isu a kakaisuna a Dios, maited koma ti dayaw ken dayag iti agnanayon nga awan inggana. Amen.

Hebreo 13:8

Saan nga agbalbaliw ni Jesu-Cristo. Isu met laeng idi, ita ken iti agnanayon.

Paltiing 1:4

Siak, ni Juan: Kablaawak dagiti pito nga iglesia iti probinsia ti Asia. Adda koma kadakayo ti parabur ken talna nga aggapu iti Dios nga adda ita, adda idi ken umayto. Aggapu met daytoy kadagiti pito nga espiritu iti sangoanan ti tronona.

Paltiing 1:8

“Siak ti Alfa ken ti Omega,” kuna ni Apo Dios a Mannakabalin-amin, isu nga adda ita, adda idi ken umayto.