Dungdung-aw 5:16 - Ti Baro a Naimbag a Damag Biblia

¹⁶ Awanen ti nabati iti amin a pagtangtangsitmi, nagbasolkami ket ita, agsagsagabakami.

Ti Biblia (1973)

¹⁶ Ti balangat natnag nanipud iti olomi: asicami pay! ta nagbasolcami.

Dungdung-aw 5:16 Iomraidhean Croise

Ti Libro ni Job 19:9

Innalana amin a sanikuak, ket inuksobna ti dayag ken dayawko.

Dagiti Salmo 89:39

Winaswasmo ti tulagmo iti adipenmo, ket imbarsakmo ti koronana iti daga.

Dagiti Proverbio 14:34

Ti kinalinteg ti mamagbalin a naindaklan ti maysa a nasion; ti basol ti pakaumsian ti aniaman a nasion.

Dagiti Proverbio 27:24

agsipud ta saan nga agpaut ti kinabaknang. Uray dagiti nasion saanda nga agtalinaed iti agnanayon.

Isaias 3:8

Wen, nasentensiaanen a madadael ti Jerusalem! Marmarban ti Juda! Maibusor ken ni Yahweh ti amin a sao ken aramidda. Insultoenda ti Dios iti sango dagiti tattao.

Jeremias 13:18

Kinuna ti Apo kaniak, “Ibagam iti ari ken iti inana a reyna nga umulogda manipud iti tronoda, agsipud ta naikkaten dagiti napintas a korona iti uloda.

Jeremias 2:17

Israel, sika a mismo ti nangyeg iti daytoy a dusa ta binaybay-annak, ni Yahweh a Diosmo, idi kibkibinenka iti dalanmo.

Jeremias 2:19

Ti mismo a kinadakesmo ti pakadusdusaam; maukomkanto gapu iti panangtallikudmo kaniak. Maammoamto ti kinapait ken kinadakes iti panangbaybay-am ken ni Yahweh a Diosmo, ken saanmon a panagbuteng kaniak. Daytoy ti saok nga Apo a Dios a Mannakabalin-amin.”

Jeremias 32:23

Ngem idi immayda iti daytoy a daga ket tinagikuada, dida nagtulnog kadagiti bilinmo wenno nagbiag a mayannurot kadagiti pannursurom. Awan tinungpalda kadagiti imbilinmo nga aramidenda. Daytoy ti gapuna nga inyegmo kadakuada amin dagitoy a pannakadadael.

Jeremias 4:18

Juda, sika met la ti akimbasol iti pannakadusam; dakes ngamin ti panagbiag ken aramidmo. Ti basolmo ti nangyeg iti daytoy a panagsagaba; sinalputna ta pusom.

Dungdung-aw 1:1

Naglidayen ti kasasaad ti Jerusalem! Adu idi ti taona ngem ita nabaybay-anen. Raraemen idi ti lubong, ngem ita kasla maysan a balo. Katan-okan idi kadagiti siudad ngem nagbalin a tagabu.

Dungdung-aw 1:18

“Nagsukirak ngem nalinteg ti inaramid ti Apo. Denggendak, tattao iti amin a disso, kitaenyo ti panagtutuokko. Naitalaw a kas balud dagiti annakko nga agtutubo.

Dungdung-aw 1:20

“Kitaem, O Apo, ti panagsagabak, iti panagtuok ti kararuak! Madudog ti pusok iti ladingit gapu kadagiti basbasolko. Iti kalsada, adda panagdung-aw gapu iti kampilan; iti uneg dagiti balay, adda met panagpapatay.

Dungdung-aw 1:8

Napukawen ti dayawna, lamolamo ken lalaisenda. Agasug ket sibabain a mangilemmeng iti rupana. Tinulawanna ti bagina gaput' nadagsen a basolna.

Dungdung-aw 2:1

Pinagsipnget ti Apo ti Sion gapu iti pungtotna. Pinagbalinna a rebrebba ti nailangitan a dayagna. Iti aldaw ti pungtotna, binaybay-anna uray pay ti pagbatayan dagiti sakana.

Dungdung-aw 4:13

Ngem kasta ti napasamak! Nagbasol dagiti papadi ken profetana ket inyegda ti ipapatay dagiti awan basolna.

Ezekiel 21:26

Siak ti Apo a Dios ti nagsao. Idissom ti koronam, ket ikkatem ta mitram. Nagbaliwen ti amin. Pagturayem dagiti nanumo, ipababam iti saad dagiti madama nga agtuturay.

Mikias 6:13

Ngem ita, rugiankan a dusaen ken dadaelen gapu kadagiti basolmo.

Paltiing 2:10

Dika agbuteng kadagiti panagsagaba a dumtengto kenka. Denggem, suotennaka ti Diablo babaen iti panangipisokna iti sumagmamano kadakayo iti pagbaludan. Agrigatkayto iti uneg ti sangapulo nga aldaw. Agtalinaedka ngarud a mapagtalkan uray pay no isut' pakatayam ket itedkonto kenka ti biag a kas gunggona ti balligim.

Paltiing 3:11

Umayak iti mabiit. Saluadam ngarud ti adda kenka tapno awan ti mangagaw iti gunggonam.

1 Samuel 7:6

Naguummongda ngarud idiay Mizpa. Simmakdoda iti danum sada imbuyat iti imatang ni Yahweh, kas datonda kenkuana. Nagmalmalem a nagayunarda iti dayta nga aldaw. “Nagbasolkami iti Apo,” kinunada. (Idiay Mizpa ti nagrisutan ni Samuel kadagiti parikut ti Israel.)