Dungdung-aw 5:13 - Ti Baro a Naimbag a Damag Biblia

¹³ Mapilit nga aggiling a kas tagabu dagiti agtutubo, makusbo dagiti ubbing a lallaki iti dagsen ti awitda a kayo.

Ti Biblia (1973)

¹³ Dagiti agtutubo a lallaki baclayenda ti gilingan; ket dagiti ububbing maitibcolda iti baba ti pagsungrod.

Dungdung-aw 5:13 Iomraidhean Croise

Ti Libro ni Job 31:10

isagana koma ti asawak ti kanen ti sabali a tao, ket makikaidda iti sabali a lalaki.

Exodo 1:11

Iti kasta, nangdutokda kadagiti narungsot a kapatas a mangparigat kadagiti Israelita nga agtrabaho iti nadagdagsen pay ngem iti sigud nga ar-aramidenda. Binangon dagiti Israelita ti Pitom ken Rameses, dua a siudad a pagidulinan iti makan.

Exodo 11:5

Matayto dagiti amin nga inauna nga annak a lallaki iti amin a paset ti Egipto, manipud iti anak ti ari nga agtawid iti tronona agingga iti anak ti tagabu a babai a para giling. Matayto met ti inauna nga anak dagiti amin nga animal.

Exodo 2:11

Iti maysa nga aldaw, idi maysan nga agtutubo ni Moises, sinarungkaranna dagiti kadaraanna a Hebreo. Naimatanganna ti pannakaparparigatda. Nadagsen ti trabahoda. Nakitana ti maysa nga Egipcio a mangkabkabil iti maysa a Hebreo.

Exodo 23:5

No nakusbo ti asnona gapu iti nadagsen nga awitna, diyo baybay-an ngem tulonganyo ketdi a mangpatakder.

Isaias 47:2

Alaem ti gilingan ket aggilingka iti arina! Ikkatem ta dalungdongmo, uksobem ta napintas a bado ket ballasiwem dagiti karayan.

Isaias 58:6

“Kastoy ti kayatko a panagayunar: Ikkatenyo ti kawar ti panangidadanes ken ti sangol ti kinakillo, ket wayawayaanyo dagiti maparparigat.

Jeremias 7:18

Agurnong dagiti ubbing kadagiti pagsungrod. Mangaron dagiti lallaki ken aggamay met dagiti babbai iti masa nga aramidenda a tinapay nga idatagda iti diosa nga awaganda iti Reyna ti Langit. Agidatagda iti daton nga inumen kadagiti dadduma a didiosen tapno pagpungtotendak.

San Mateo 23:4

Pabaklayanda dagiti tattao iti nadagsen a karga ngem dida met tumulong nga agawit.

Uk-ukom 16:21

Tiniliw dagiti Filisteo, sinuatda dagiti matana, sada impan idiay Gaza. Kinawaranda iti bronse, impanda iti pagbaludan, ket nagbalin a para giling.