Dungdung-aw 4:22 - Ti Baro a Naimbag a Damag Biblia

²² Nalpasen a nadusa ti Sion gapu kadagiti basolna; wayawayaannatayon ti Apo iti pannakaibaludtayo iti sabali a daga. Ngem dusaennakayto ti Apo, dakayo nga Edomita. Ibutaktaknanto dagiti basbasolyo!

Ti Biblia (1973)

²² Ti dusa ti kinadangkesmo natungpalen, O anac a babai ti Sion; saannacanton nga ipan iti pannacacayaw: sarungcarannanto ti kinadakesmo, O anac a babai ti Edom; lucasannanto dagiti basbasolmo.

Dungdung-aw 4:22 Iomraidhean Croise

Dagiti Salmo 137:7

Laglagipem kadi, O Apo, ti inaramid dagiti Edomita, idi pinarmekda ti Jerusalem. Laglagipem ti inulit-ulitda nga imbaga, “Rebbaentayo agingga a dumaga!”

Isaias 40:2

Paregtaenyo dagiti tattao ti Jerusalem. Ibagayo kadakuada nga umdasen ti nabayag a panagsagsagabada, ket napakawanen dagiti basbasolda. Naan-anay ti panangdusak kadakuada gapu kadagiti amin a basolda.”

Isaias 52:1

Jerusalem, bumilegka ket ipakitam ti kinatan-okmo manen! Nasantoan a siudad ti Dios, yarruatmo ti nadaeg a kawesmo! Dinton sumrek kadagiti ruanganmo dagiti saan a mamati iti Dios.

Isaias 60:18

Awanton ariwawa ti panagranggas iti dagam; awanton panagdadael a mangwarawara iti pagiliam. Kaslaakto bakud a mangsalaknib kenka; idaydayawnakto gapu ta insalakanka.

Jeremias 32:40

Makitulagakto kadakuada ket agnanayonto daytoy a tulag: diakto sumardeng nga agaramid iti naimbag kadakuada. Isurokto ida nga agbuteng kaniak iti amin a pusoda tapno saandak a tallikudan.

Jeremias 33:7

Parang-ayekto ti Juda ken ti Israel. Isublikto ida iti sigud a kasasaadda.

Jeremias 33:8

Dalusakto ida kadagiti biddutda. Pakawanekto dagiti basbasolda ken ti panagsukirda kaniak.

Jeremias 49:10

Ngem linabusak a namimpinsan dagiti kaputotan ni Esau ket linukasak dagiti paglemlemmenganda tapno awanen pagkamanganda. Nadadaelen dagiti tattao ti Edom, dagiti kakabagianda ken dagiti kaarrubada. Awanen ti nabati.

Jeremias 50:20

Inton dumteng dayta a tiempo, awanton ti basol a masarakan iti Israel ken ti kinadakes idiay Juda agsipud ta pakawanekto dagiti inispalko a tattao. Siak, ni Yahweh, ti nagsao iti daytoy.”

Dungdung-aw 4:21

Agkatawakayo latta, tattao ti Edom ken Uz; agragsakkayo ita ta adda pay panawenyo. Umayto met ti pannakadidigrayo. Agbasingbasingkayonto iti bartekyo. Maibabain gapu ta lamolamokayo.

Dungdung-aw 4:6

Nadagdagsen ti pannakadusa dagiti tattaok ngem dagiti agnaed iti Sodoma a kellaat a pinukaw ti Dios.

Ezekiel 37:28

Inton bangonek ti templok sadiay tapno addaak kadakuada iti agnanayon, maammoanto dagiti nasion, a siak, ni Yahweh, ti namagbalin kadagiti Israelita a kukuak.”

Ezekiel 6:12

Agsakit ken matayto dagiti adda iti adayo; ket dagiti adda iti asideg mataydanto iti gubat. Matayto iti bisin dagiti makalasat. Mariknadanto ti nakaro a pungtotko.

Obadias 1:10

“Gapu ta tinakawam ken pinapataymo dagiti kakabsatmo a kaputotan ni Jacob, madadael ken maibabainkanto iti agnanayon.

Malakias 1:3

ket ginurak ni Esau ken dagiti kaputotanna. Dinadaelko ti katurturodan a pagilian ni Esau ket binaybay-ak ti dagana a pagtaengan dagiti atap nga animal.”

Malakias 1:4

No kuna dagiti Edomita a kaputotan ni Esau, “Nadadael dagiti ilimi ngem bangonenminto manen ida,” daytoy ti sungbat ni Yahweh a Mannakabalin-amin, “Bangonenda latta ida ngem rebbaekto manen. Awaganto dagiti tattao ida iti ‘Ti managdakdakes a pagilian’ ken ‘Ti pagilian a kapungtot ti Apo iti agnanayon.’”