Dungdung-aw 4:20 - Ti Baro a Naimbag a Damag Biblia

²⁰ Tiniliwda ti gubbuayan ti biagmi, ti ari a pinili ni Yahweh, ti ari a nagtalkanmi a mangikanawa kadakami iti amin a rumaut iti sakupmi.

Ti Biblia (1973)

²⁰ Ti anges dagiti agongmi, ti pinulotan ni Jehova, natiliw cadagiti bitoda; isu a nagcunaanmi, iti baba ti linongna agbiagcamto cadagiti nasnacion.

Dungdung-aw 4:20 Iomraidhean Croise

Genesis 2:7

Nangala ni Yahweh a Dios iti daga sa nangbukel iti tao. Insang-awna ti anges ti biag iti agong daytoy ket naaddaan iti biag.

Genesis 44:30

“Ita, apo, no agsubliak a diak ikuyog ni Benjamin, awan duadua a matay ni tatang no saanna a makita ti ubing. Naisinggalut ti biagna iti dayta nga ubing ket gapu ta lakay unayen, mabalin nga ipatayna ti ladingit a yegmi kenkuana.

2 Samuel 1:14

“Apay a dika nagbuteng a nangpatay iti ari a pinili ti Apo?” kinuna ni David.

2 Samuel 1:21

“Sapay koma ta awan linnaaw wenno tudo nga agtinnag kadagiti turturod ti Gilboa. Sapay koma a kanayon a natikag dagiti kataltalonanna. Ta naiwalang sadiay dagiti kalasag dagiti mannakigubat—awanen silapda; aglatlati ti kalasag ni Saul.

2 Samuel 18:3

“Agbatika laengen iti siudad,” kinunada. “No kapilitan nga agsanud ken agtataraykami wenno uray matay ti kagudua kadakami—awan ti pategna iti kabusor. Ngem 10,000 a tattao ti kaibatogam. Nasaysayaat no mabatika ta patulodannakam iti tulong no kasapulan.”

2 Samuel 19:21

Nagsao ni Abisai nga anak ni Zeruyas. Kinunana, “Rumbeng a mapapatay ni Simei gapu ta inlunodna ti tao a pinili ti Apo.”

2 Cronicas 35:25

Nangputar ni profeta Jeremias iti dung-aw a maipaay ken ni Ari Josias; agpapan ita, daytoy pay laeng ti us-usaren dagiti kumakanta iti Israel no dung-awanda ni Josias. Nailanad daytoy a dung-aw iti Libro dagiti Dung-aw.

Isaias 32:2

Mayarigto ti tunggal maysa kadakuada iti pagkamangan no dumteng ti angin ken paglinongan no agbagio. Kasladanto karayan nga agay-ayus iti let-ang. Mayarigdanto iti anniniwan ti higante a bato iti natikag a daga.

Jeremias 39:5

Ngem kinamat ida ti armada dagiti taga-Babilonia ket tiniliwda ni Zedekias iti tanap iti asideg ti Jerico. Impanda ti ari ken ni Ari Nebucadnesar nga adda iti ili a Ribla iti sakup ti Hamat. Sadiay ti nangsentensiaan ti ari ken ni Zedekias.

Jeremias 52:8

Ngem kinamat ida ti armada ti Babilonia ket tiniliwda ni Zedekias iti tanap nga asideg ti Jerico. Intarayan dagiti amin a soldadona.

Jeremias 52:9

Naidatag ni Zedekias ken ni Ari Nebucadnesar nga adda idi idiay Ribla iti sakup ti Hamat. Sadiay ti nangsentensiaan ni Nebucadnesar kenkuana.

Dungdung-aw 2:9

Nagaburan dagiti ruangan; natukkotukkol dagiti balunetda. Napagtalaw a kas balud ti ari agraman dagiti ofisialesna. Saanen a maisuro ti Linteg; awanen ti parmata dagiti profeta nga aggapu ken ni Yahweh.

Ezekiel 12:13

Ngem isarwagkonto kenkuana ti iketko, ket matiliwto. Ipankonto iti siudad ti Babilonia a pakatayanna nupay dina makita dayta a daga.

Ezekiel 17:18

Sinalungasingna ti karina ken ti nakitulaganna. Inaramidna amin dagitoy, ket ita, dinto makalisi.”

Ezekiel 31:17

Agkukuyogdanto a mapan iti lubong dagiti natay tapno tumiponda kadagiti immuna a napapatay. Ket maiwarawara kadagiti pagilian dagiti amin a nagnaed iti linongna.

Daniel 4:12

Napintas dagiti bulongna. Nakaad-adu ti bungana nga umdas a kanen dagiti tattao iti entero a lubong. Naglinong dagiti atap nga animal iti sirokna. Nagumok dagiti billit iti sangana ket nangan dagiti amin a nabiag a parsua iti bungana.

Oseas 13:10

Nagkiddawkayo a maikkankayo iti ari ken papangulo, ngem kasano a maisalakanda ti pagilian?

Uk-ukom 9:15

“Simmungbat ti sisiitan a mula, ‘No pudno a kayatdak nga agbalin nga ariyo, umaykayo ngarud aglinong kaniak. No madikayo, rummuar ti apuy kadagiti sisiitan a sangak ket puoranna ti sedro ti Libano.’

1 Samuel 12:3

Sitatakderak ita iti sangoyo. No adda naaramidko a dakes, idarumdak iti imatang ti Apo ken iti ari a pinilina. Adda kadi baka wenno asno nga innalak iti siasinoman? Adda kadi sinaur wenno indadanesko? Nagawatak kadi kadagiti pasuksok tapno ikidemko dagiti matak? No adda inaramidko kadagitoy, bayadak ti aniaman nga innalak.”

1 Samuel 12:5

Insungbat ni Samuel, “Saksian ti Apo ken ti pinilina nga ari nga awan a pulos ti inaramidko a dakes kadakayo.” “Wen, ti Apo ti saksimi,” inyanamongda.

1 Samuel 16:6

Idi sumangpetda, nakita ni Samuel ni Eliab nga anak ni Jesse ket kinunana iti nakemna, “Awan duadua a daytoy a lalaki a sitatakder iti imatang ti Apo ti tao a pinilina.”

1 Samuel 24:10

Itay laeng, mismo a sika ti nakakita nga inyawatnaka ti Apo iti pannakabalinko dita uneg ti rukib. Adda dagiti tattaok a nangibaga kaniak a patayenka, ngem naasianak kenka ket imbagak kadakuada a pulos a saanka a dangran, agsipud ta sika ti ari a pinili ti Apo.

1 Samuel 24:6

ket kinunana kadagiti tattaona, “Yad-adayo koma ti Apo a dangrak ti apok a pinilina a kas ari! Diak mabalin a dangran, agsipud ta isu ti ari a pinili ti Apo!”

1 Samuel 26:16

Nagliwayka iti pagrebbengam, Abner! Iti nagan ti Apo a sibibiag, rumbeng a matayka agsipud ta dimo sinalakniban ti apom nga ari a pinili ti Apo. Ita, kitaem no sadino ti ayan ti gayang ti ari. Sadino ti ayan ti pagkargaan ti danum nga adda iti abay ti ulona?”

1 Samuel 26:9

Ngem kinuna ni David, “Saanmo a dangran! Awan duadua a dusaen ti Apo ti siasinoman a mangranggas iti pinilina nga ari.