Dungdung-aw 4:2 - Ti Baro a Naimbag a Damag Biblia

² Idi, napateg a kas balitok kadakami dagiti agtutubo a lallaki ti Sion; ita, maibilangdan a gagangay a banga.

Ti Biblia (1973)

² Dagiti napateg nga annac ti Sion, maipadpad iti nasudi a balitoc, anian ti pannacaipategda cas cadagiti gorgorita a damili, ti aramid dagiti im-ima ti agdamdamili!

Dungdung-aw 4:2 Iomraidhean Croise

Isaias 30:14

Maburburakkayto a kasla iti banga a mawarawara a mamimpinsan ket pulos nga awan dakkel a pasetna a mabalin a pagadaw iti beggang wenno pagtako iti danum iti bubon.”

Isaias 51:18

Awan ti mangidalan kenka, awan kadagiti tattaom ti mangibin kenka.

Jeremias 19:1

Imbaga ti Apo a gumatangak iti karamba. Imbilinna a mangikuyogak iti sumagmamano a panglakayen ken sumagmamano a lallakay a papadi.

Jeremias 19:11

ket ibagak kadakuada ti sao ti Apo a Mannakabalin-amin, “Warawaraek dagitoy a tattao ken daytoy a siudad ket kas iti pannakaburburak daytoy a karamba, saanton a matarimaan. Agbalinto ti Tofet a pagitaneman agsipud ta awan sabali a lugar a pagitaneman.

Jeremias 22:28

Kinunak, “Nagbalin kadi ni Jeconias a kasla buong a karamba? Naibelleng ket awanen ti mangayat? Daytoy kadi ti gapu no apay a naipanaw agraman dagiti annakna ket naipanda iti daga a saanda pay a nadamdamag?”

Dungdung-aw 2:21

Kadagiti kalsada, agkaiwara't bangbangkay dagiti ubbing ken nataengan, dagiti agtutubo a babbai ken lallaki, isuda a napapatay iti kampilan. Awan asim a nangpapatay kadakuada iti aldaw ti pungtotmo.

Dungdung-aw 5:12

Tiniliw ken binitayda dagiti pangulomi, saanda a rinaem dagiti panglakayenmi.

Oseas 8:8

Nagbalin ti Israel a kas iti dadduma a pagilian ket awanen serserbina a kas iti nabuong a banga.

Zacarias 9:13

Aramatek ti Juda a kas bai ti soldado, ken ti Israel a kas pana. Usarek dagiti tattao ti Sion a kas kampilan a manggubat kadagiti tattao ti Grecia.”

2 Taga-Corinto 4:7

Ngem dakami nga addaan iti daytoy naespirituan a gameng, mayarigkami kadagiti narukop a banga tapno maipakita a ti kangatoan a pannakabalin ket kukua ti Dios, saan a dakami.

2 Timoteo 2:20

Iti dakkel a balay, adda amin a kita ti pinggan ken malukong. Adda naaramid iti pirak ken balitok. Adda met kayo ken damili. Adda para iti naisangsangayan a pasken, ket adda met dagiti agpaay kadagiti kadawyan nga aldaw.