Dungdung-aw 4:17 - Ti Baro a Naimbag a Damag Biblia

¹⁷ Nagsapulkam iti tulong ngem awan nasarakanmi agingga a naumakami. Inur-uraymi ti tulong ti maysa a nasion nga awan ti maitedna kadakami.

Ti Biblia (1973)

¹⁷ Dagiti matami mapacapuyanda pay laeng iti panangimatang iti awan capapayanna a tulong: iti panagpadaanmi nacauraycami iti maysa a nacion a di macaisalacan.

Dungdung-aw 4:17 Iomraidhean Croise

2 Ar-ari 24:7

Saanen a rimmuar iti ilina ti ari ti Egipto ken ti armadana. Ngamin, sinakup ti ari ti Babilonia ti amin a daga ti Egipto, manipud Karayan Eufrates agingga iti akin-amianan a beddeng ti Egipto.

Isaias 20:5

Maupay ken mariribukto dagiti nagtalek iti Etiopia ken nangitangtangsit iti Egipto.

Isaias 28:18

Mawaswasto ti nagtutulaganyo iti patay ket mapunasto ti nagnunumoanyo iti lubong dagiti natay. Inton dumteng ti didigra, maparukmakayto.

Jeremias 2:18

Ania ti maal-alam no mapanka idiay Egipto tapno uminumka iti Karayan Nile? Ania ti gunggonam no mapanka idiay Asiria tapno uminumka iti Karayan Eufrates?

Jeremias 2:36

Imbabam ta dayawmo babaen iti panagkamangmo kadagiti didiosen dagiti sabali a pagilian. Paayennakanto ti Egipto a kas iti panangpaay kenka ti Asiria.

Jeremias 2:37

Panawamto ti Egipto a nakadumogka gapu iti bainmo. Siak, ni Yahweh, linaksidko dagiti tattao a pagtaltalkam; awan pagimbagan a maitedda kenka.”

Jeremias 8:20

Isangit dagiti tattao, “Limmabasen ti kalgaw, nalpasen ti ani, ngem saankam pay a naisalakan.”

Dungdung-aw 1:19

“Inayabak dagiti kaduak ngem didak kayat a tulongan. Natay dagiti papadi ken agtuturay kadagiti kalsada iti panagbirbirokda iti taraon a pagbiagda.

Dungdung-aw 1:7

Nadadaelen ti Jerusalem ket itan agmaymaysa. Malagipna ti napukaw a kinapintasna. Idi parmeken dagiti kabusor, awan timmulong kenkuana. Kinatkatawaan dagiti kabusor ti pannakatnagna.

Dungdung-aw 5:6

Tapno makaalakami iti makaanay a taraon a pagbiagmi, napankam idiay Egipto ken Asiria a nagdawatanmi.

Ezekiel 29:16

Saanton nga agtalek ti Israel iti tulong dagiti Egipcio. Ti daksanggasat a napasamak iti Egipto ti mangipalagipto iti Israel a nagbiddutda iti panagtalekda kadagiti Egipcio. Iti kasta, maammoanto ti Israel a siak ti Apo a Dios.”