Dungdung-aw 4:11 - Ti Baro a Naimbag a Damag Biblia

¹¹ Binulosan ni Yahweh ti naan-anay a pungtotna; pinuoranna ti Sion agingga a dimmapu iti daga.

Ti Biblia (1973)

¹¹ Ni Jehova tinungpalna ti ungetna, imbucbucna ti nacaamamac a pungtotna; ket ginangtanna ti apuy idiay Sion, a nangalun-un cadagiti pamuonna.

Dungdung-aw 4:11 Iomraidhean Croise

Isaias 51:20

Iti nagsulian ti tunggal kalsada, mapasag dagiti tattaom iti kapsutda; kasda la ugsa a natiliw iti silo ti mangnganup. Nariknada ti bara ti pungtot ti Dios.

Jeremias 13:14

Kalpasanna, pagdidinnungparekto ida a kasla burnay, lallakay man wenno ubbing. Diakto kaasian wenno ilalaen ida. Diakto sumardeng agingga a mapapatayko ida.”

Jeremias 17:27

Ngem masapul nga agtulnogda kaniak, ket ngilinenda ti Aldaw a Panaginana a kas nasagradoan nga aldaw. Saanda nga agawit iti uray ania nga iruar kadagiti ruangan ti Jerusalem iti dayta nga aldaw. Ta no saanda a tungpalen dagitoy, puorakto dagiti ruangan ti Jerusalem. Mauramto dagiti palasio ti Jerusalem, ket awanto ti makaiddep iti apuy.”

Jeremias 21:14

Ngem dusaenkanto gapu iti aramidmo. Puorakto ti palasiom ket padapuekto ti amin nga adda iti lawlawna. Siak, ni Yahweh, ti nagsao iti daytoy.”

Jeremias 36:7

Mabalin nga agkararagdanto iti Apo ket idiandanton dagiti dakes nga aramidda, ta no saan agdissuor kadakuada ti napalalo a pungtot ken ungetna.”

Jeremias 7:20

Iti kasta, siak ni Yahweh a Dios, idissuorkonto ti nakaro a pungtotko iti daytoy a lugar, kadagiti tattao ken animal, uray pay kadagiti kayo ken kadagiti mula. Kaslanto apuy ti pungtotko nga awan ti makaiddep.

Dungdung-aw 2:1

Pinagsipnget ti Apo ti Sion gapu iti pungtotna. Pinagbalinna a rebrebba ti nailangitan a dayagna. Iti aldaw ti pungtotna, binaybay-anna uray pay ti pagbatayan dagiti sakana.

Dungdung-aw 2:17

Iti kamaudianna, inaramid ti Apo ti impangtana: awan asina a nangdadael kadatayo, kas imballaagna idi un-unana. Pinagballigina dagiti kabusortayo, pinagragsakna ida gapu iti pannakaparmektayo.

Dungdung-aw 2:3

Winarawarana ti bileg ti Israel gapu iti pungtotna. Dina kayat ti tumulong kadatayo idi dumteng dagiti kabusor. Kasla apuy a nagdissuor kadatayo ket dinadaelna amin ket nagbalinda a dapu.

Dungdung-aw 2:4

Mayarig ti Apo iti kabusor a nangipaturong kadagiti panana kadatayo. Pinapatayna dagiti amin a pagtangtangsit ken pagragsakantayo. Ditoy Jerusalem, nariknatayo ti gumilgil-ayab a pungtotna.

Dungdung-aw 2:8

Inkeddengen ti Apo a marpuog dagiti bakud ti Sion. Rinukodna ida tapno awan duadua ti pannakadadaelda. Agpapadan a narpuog dagiti pagwanawanan ken bakud.

Dungdung-aw 4:22

Nalpasen a nadusa ti Sion gapu kadagiti basolna; wayawayaannatayon ti Apo iti pannakaibaludtayo iti sabali a daga. Ngem dusaennakayto ti Apo, dakayo nga Edomita. Ibutaktaknanto dagiti basbasolyo!

Ezekiel 22:31

Isut' gapuna nga idissuorko kadakuada ti pungtotko ket kas iti apuy, dadaelek ida a mamimpinsan gapu kadagiti aramidda.” Daytoy ti kuna ti Apo a Dios.

Ezekiel 36:18

Impariknak kadakuada ti nakaro a pungtotko gapu iti panagpapatayda iti uneg ti pagilian ken gapu kadagiti imahen a pinangtulawda iti daga.

Ezekiel 6:12

Agsakit ken matayto dagiti adda iti adayo; ket dagiti adda iti asideg mataydanto iti gubat. Matayto iti bisin dagiti makalasat. Mariknadanto ti nakaro a pungtotko.

Daniel 9:12

Tinungpalmo dagiti amin nga imbagam nga aramidem kadakami ken kadagiti agturay kadakami. Nakarkaro ti panangdusam iti Jerusalem ngem iti uray ania a siudad ditoy daga.

Levitico 26:28

bumtakto ti pungtotko kadakayo ket mamimpitonto a nadagdagsen ngem ti immuna nga idissuorko kadakayo a dusa.

Sofonias 2:2

sakbay a malaylaykayo ket mataykayo a kas iti sabong, sakbay nga agdissuor kadakayo ti gumilgil-ayab a pungtot ti Apo, sakbay a dumteng ti aldaw a panangiparangna iti pungtotna.

Zacarias 1:6

Babaen kadagiti adipenko a profeta, nangtedak kadagiti kapuonanyo kadagiti ballaag ken bilin. Saanda a nangikaskaso ket sinagabada ti dusa ti kinasukirda. Nagbabawida met laeng ket binigbigda a dinusak ida kas maikari kadakuada ken kas inkeddengko nga aramiden.’”

San Lucas 21:22

Ta dagitoy ‘Dagiti Aldaw ti Pannakadusa,’ tapno matungpal ti amin a kuna ti Nasantoan a Surat.