Dungdung-aw 4:10 - Ti Baro a Naimbag a Damag Biblia

¹⁰ Nakabutbuteng a buya ti inyeg ti didigra a nagdissuor kadagiti tattaok. Linuto dagiti naayat nga inna dagiti mismo nga annakda tapno adda kanenda.

Ti Biblia (1973)

¹⁰ Dagiti im-ima dagiti naasi a babbai linutoda dagiti annacda met laeng; isuda idi ti taraonda iti pannacarbec ti anac a babai ti ilic.

Dungdung-aw 4:10 Iomraidhean Croise

2 Ar-ari 25:3

Iti maikasiam nga aldaw iti maikapat a bulan iti isu met la a tawen, idi nakaro ti bisin ket awanen ti makan dagiti tattao,

Isaias 22:2

Kumaribuso ti entero a siudad. Umariwawa dagiti tattao. Dagiti soldadom a natay saanda a natay iti kampilan wenno napasag iti paggugubatan.

Isaias 49:15

Iti kastoy, daytoy ti sungbat ti Apo, “Mabalin aya a lipatan ti ina ti bukodna nga anak? Dina aya ayaten ti maladaga nga impasngayna? Uray no malipatan ti ina ti anakna, ni kaanoman dikanto lipatan.

Jeremias 19:9

Palawlawanto dagiti kabusor ti siudad ket panggepdanto a patayen dagiti tattaona. Nakabutbutengto ti yeg ti pannakalakub ti siudad agingga nga agkikinnaan dagiti tattao ket kanendanto uray dagiti bukodda nga annak.’”

Dungdung-aw 2:11

Limtegen dagiti matak iti kasasangit; mariribuk ti kararuak. Napakapsutanak iti ladingit gapu iti pannakadadael dagiti kailiak. Matalimudaw dagiti ubbing ken maladaga kadagiti kalsada iti siudad.

Dungdung-aw 2:20

Kitaem, O Apo, kitaem dagiti parparigatem! Rumbeng kadi a sidaen dagiti inna dagiti annak nga inay-ayatda? Rumbeng kadi a mapapatay dagiti papadi ken profeta iti uneg ti santuariom?

Dungdung-aw 3:48

Kasla karayan nga agayus ti luluak gapu iti pannakadadael dagiti tattaok.

Dungdung-aw 4:3

Uray ti lobo, pasusoenna dagiti urbonna. Ngem mayarig dagiti tattaok kadagiti abestrus a naranggas kadagiti annakda.

Ezekiel 5:10

Pagangayanna, idiay Jerusalem, sidaento dagiti amma ken inna dagiti annakda, ket sidaento met dagiti annak dagiti nagannak kadakuada. Dusaenkayto, ket iwarawarakto dagiti natda a sibibiag iti amin a suli ti lubong.

Levitico 26:29

Kasta unayto ti panagbisinyo ket kanenyonto dagiti mismo nga annakyo.