Iti dalan a lumabas iti siudad, iwitwitiwit dagiti tattao ti im-imada a mangipakita iti pananglaisda. Agwingiwingda ket katawaanda ti narba a Jerusalem. Kastoy ti ikatawada, “Daytoy kadi ti kunada a napintas a siudad? Daytoy kadi ti pagtangtangsit ti lubong?”
Pagbalinennakayto ti Apo a Diosyo a pangulo kadagiti pagilian; saankayto a paspasurot. Narang-aykayto latta ket agballigikayto iti amin nga aramidyo no la ket agtulnogkayo a sipupudno kadagiti bilinna nga ipakaammok kadakayo ita nga aldaw.
Gapu iti mapasamak kadakayo, masdaawto dagiti tattao kadagiti pagilian a pakaiwarasanyo; dakayonto ti kanayon a sarsaritaen, rabrabaken ken katkatawaanda.