Dungdung-aw 3:40 - Ti Baro a Naimbag a Damag Biblia

⁴⁰ Sukimatentayo ti wagas ken dalantayo ket agsublitayo iti Apo.

Ti Biblia (1973)

⁴⁰ Sukimaten ken imatangantayo coma dagiti dalantayo, ket agsublitayo manen ken Jehova.

Dungdung-aw 3:40 Iomraidhean Croise

2 Cronicas 30:6

Iti panagbilin ti ari ken dagiti ofisialesna, adda dagiti naibaon iti entero a Juda ken Israel ket impakaammoda daytoy nga awis: “Tattao ti Israel, agsublikayo iti Apo a Dios da Abraham, Isaac ken Jacob tapno agsubli met ti Apo kadakayo—dakayo a nakalisi iti pannakabalin dagiti ari ti Asiria a nangsakup iti daga.

2 Cronicas 30:9

No agsublikayo iti Apo, mawayawayaanto dagiti kakabagianyo a naitalaw a kas balud; kaasianto dagiti nangitalaw kadakuada ket pagawidendanto ida. Naayat ken manangngaasi ti Apo a Diosyo ket no agsublikayo kenkuana, awatennakayto.”

Dagiti Salmo 119:59

Usiseg dagiti wagasmo ket sumurotak iti panangidalanmo.

Dagiti Salmo 4:4

Agbutengkayo ket dikay agbasol; panunotenyo a naimbag daytoy a sao, no agiddakayo a naulimek iti katreyo.

Isaias 55:7

Masapul nga isardeng dagiti managdakdakes ti wagas ti panagbiagda, ket baliwanda ti panagpampanunotda. Agsublida koma iti Apo a Diostayo, isu a manangngaasi ken madadaan a mamakawan.

Ezekiel 18:28

Mabigbigna ti kinadakesna ket insardengna ti agbasol. Iti kasta, saanto a matay no di ket agtultuloy ti panagbiagna.

Oseas 12:6

Ngarud, dakayo a kaputotan ni Jacob, agtalekkayo iti Dios ket agsublikayo kenkuana. Agaramidkayo iti naimbag ken nalinteg, ket aguraykayo a siaanus kenkuana.

Oseas 5:15

“Panawakto dagiti tattaok agingga nga umdas ti panagsagabada gapu kadagiti basbasolda. Nalabit nga iti panagsagabada, ikagumaandakto a biroken.”

Oseas 6:1

Kuna dagiti tattao, “Agsublitayo iti Apo. Rinangrangkaynatayo, wen, ngem agasannatayto; sinugatnatayo ngem bedbedannanto dagiti sugattayo.

Dagiti Aramid 26:20

Immuna a nangaskasabaak idiay Damasco, ket kalpasanna, idiay Jerusalem ken kadagiti amin a lugar dagiti Judio ken kasta met kadagiti Hentil. Inkasabak a masapul nga agbabawida kadagiti basbasolda, agsublida iti Dios ket aramidenda dagiti banag a mangipakita a nagbabawidan.

1 Taga-Corinto 11:28

Ngarud, masapul nga umuna nga usigen ti tunggal tao ti bagina sakbay a mangan iti tinapay ken inumanna ti kopa.

1 Taga-Corinto 11:31

No usigentayo koma nga umuna ti bagitayo, dinatay ukomen ti Dios.

2 Taga-Corinto 13:5

Sukimatenyo ti bagiyo tapno maammoanyo no pudno met laeng nga agbibiagkayo iti pammati. Awan duadua nga ammoyo nga adda ni Jesu-Cristo kadakayo—malaksid no parparawpaw ti pammatiyo.

Deuteronomio 4:30

Ngem no dumteng ti riribuk ket mapasamak amin dagitoy kadakayo, agsublikayto met laeng iti Apo ket agtulnogkayo kenkuana.