Dungdung-aw 3:32 - Ti Baro a Naimbag a Damag Biblia

³² Nalabit a pagladingitennatayo ngem nabileg, di agbalbaliw ti ayatna kadatayo.

Ti Biblia (1973)

³² Ta nupay pinaldaangna, addanto pay laeng asina a cas mayalubog iti caadu ti kinamanangngaasina.

Dungdung-aw 3:32 Iomraidhean Croise

2 Ar-ari 13:23

Ngem pinaraburan ken kinaasian ida ni Yahweh. Dina impalubos a madadaelda, no di ket tinulonganna ida gapu iti karina kada Abraham, Isaac ken Jacob. Pulos a dina nalipatan dagiti tattaona.

Dagiti Salmo 103:11

Kas iti kalawa ti nagbaetan ti langit ken daga, kasta ti ayatna kadagiti agbuteng kenkuana.

Dagiti Salmo 30:5

Apagdarikmat laeng ti pungtotna; ngem saan nga agpatingga ti kinaimbagna. Mabalin nga iti rabii adda sangsangit, ngem iti bigat, ragsak ti sumukat.

Dagiti Salmo 78:38

Nupay kasta, kinaasian ti Dios dagiti tattaona, pinakawanna dagiti basolda ket dina pinukaw ida. Namin-adu a tinengngelna ti ungetna ken minedmedanna ti pungtotna.

Exodo 2:23

Limmabas ti adu a tawen. Natay ti ari ti Egipto, ngem nagtuloy latta ti pannakaparigat dagiti Israelita gapu iti pannakatagabuda. Immasugda a patulongan iti Dios

Exodo 3:7

Kinuna ni Yahweh, “Nakitak ti nakakaasi a kasasaad dagiti tattaok idiay Egipto. Nangngegko ti panagdawatda iti tulong gapu iti pannakaparparigatda. Wen, ammok dagiti sagsagabaenda.

Isaias 27:8

Kas pinangdusana kadagiti tattaona, pinapanawna ida iti dagada, ket naitalawda idi intayab ida ti nadawel nga angin-daya.

Isaias 54:7

“Iti apagkanito, binaybay-anka; iti nasged nga ayatko, isublika iti arpadko.

Jeremias 31:20

“Israel, napategka nga anakko, anakko a dungdungoek unay. Tunggal baliksek ti naganmo, maragsakanak a makalagip kenka. Kail-iliwnaka toy pusok; kaasiankanto.

Dungdung-aw 3:22

Saan nga agpatingga ti ayat ni Yahweh, agnanayon ti panangngaasina.

Oseas 11:8

“Israel, kasano nga isinaka? Kasano a baybay-anka? Kasano a dadaelenka a kas iti Adma? Kasano a pagbalinenka a kas iti Zeboim? Diak maaramid daytoy, ta timmaud ti panangngaasik.

Nahum 1:12

Kastoy ti kuna ti Apo kadagiti tattaona nga Israelita: “Uray no napigsa ken adu dagiti taga-Asiria, madadael ken mapukawdanto. Pinagsagabakayo, dakayo a tattaok, ngem dikayton pagsagabaen.

San Lucas 15:20

Pimmanaw ngarud sadiay ket nagrubbuat nga agsubli ken amana. “Adayo pay laeng iti balayda idi makita ni amana. Naasian ti ama ket timmaray a simmabat iti anakna. Inapungolna sana inagkan.

Uk-ukom 10:16

Imbellengda ngarud dagiti didiosenda ket nagdaydayawda ken ni Yahweh. Naasian ni Yahweh kadagiti Israelita ta dinan maibturan a kitaen ti kasasaadda.