Dungdung-aw 3:29 - Ti Baro a Naimbag a Damag Biblia

²⁹ Saantayo koma nga agreklamo ta mabalin nga adda pay la namnama.

Ti Biblia (1973)

²⁹ Isu icabilna coma ti ngiwatna iti tapoc, iti casta adda coma inanama.

Dungdung-aw 3:29 Iomraidhean Croise

2 Cronicas 33:12

Gapu iti panagsagabana, nagpakumbaba, nagkamang ken ni Yahweh a Diosna ket nagpatulong kenkuana.

Ti Libro ni Job 16:15

Agladingitak ket agpanesak iti nakersang a lupot; agtugawak iti katapokan gapu iti pannakaparmekko.

Jeremias 31:17

Adda namnama iti masakbayanyo; agsublinto dagiti annakyo iti bukodda a daga. Siak, ni Yahweh, ti nagsao iti daytoy.

Ezekiel 16:63

Pakawanekto ti amin a dakes nga aramidmo, ngem malagipmonto ida, ket dikanto makapagtimek gapu iti napalalo a bainmo.” Daytoy ti kuna ti Apo a Dios.

Joel 2:14

Nalabit a baliwan ti Apo a Diosyo ti panunotna, ket paraburannakayto iti adu nga apit. Iti kasta, addanto makan ken arak nga idatonyo kenkuana.

Jonas 3:9

Nalabit a baliwan ti Dios ti panunotna, ket saanen nga agpungtot tapno ditay matay!”

Sofonias 2:3

Agkamangkayo iti Apo, dakayo a napakumbaba a tattao iti daga nga agtulnog kadagiti bilinna. Agaramidkay iti naimbag ket agpakumbabakay iti imatang ti Apo. Nalabit a malisianyonto ti pannakadusa iti dayta nga aldaw a panangiparangarang ti Apo iti pungtotna.

San Lucas 18:13

“Ngem nagtakder iti adayo ti agsingsingir iti buis ket dina pay itangad dagiti matana sadi langit. Dinandanogna ketdi ti barukongna ket kinunkunana, ‘O Dios, kaasiannak kadi a managbasol!’”

Taga-Roma 3:19

Ita, ammotayo a ti amin a linaon ti Linteg agpaayda kadagiti agbibiag iti babaen ti Linteg. Adda ti Linteg tapno sumardeng amin a pambar dagiti tattao ket idatagna ti entero a lubong tapno ukomen ti Dios.