Dungdung-aw 3:25 - Ti Baro a Naimbag a Damag Biblia

²⁵ Naimbag ti Apo kadagiti agbirok kenkuana.

Ti Biblia (1973)

²⁵ Ni Jehova naimbag cadagiti aguray kencuana, iti cararua nga agsapul kencuana.

Dungdung-aw 3:25 Iomraidhean Croise

Genesis 49:18

“Urayek ti panangispalmo, O Apo!

1 Cronicas 28:9

“Ket sika, Solomon nga anakko, ibilinko kenka a bigbigem ti Diosko. Agserbika a siaayat kenkuana ken iti amin a pusom, ta ammona amin ti pampanunoten ken tartarigagayantayo. No mapanka kenkuana, awatennaka. Ngem no tallikudam, laksidennakanto iti agnanayon.

2 Cronicas 15:2

ket napan kinasarita ni Azarias ni Ari Asa. Imbagana: “Denggendak, Ari Asa, ken dakayo amin a tattao ti Juda ken Benjamin. Adda kadakayo ti Apo no la ketdi addakayo met kenkuana. No birokenyo ti Apo, ipalubosna a masarakanyo ngem no paglikudanyo, baybay-annakayo.

2 Cronicas 19:3

Ngem uray no kasta, adda naimbag nga aramidmo. Dinadaelmo amin a simbolo ni Asera a diosa a pagdaydayawan dagiti tattao ket inkagumaam a tungpalen ti pagayatan ti Dios.”

2 Cronicas 30:19

“O Apo a Dios dagidi kapuonanmi, iti kinaimbagmo, pakawanem koma dagiti agdaydayaw kenka iti amin a pusoda nupay saanda a nadalus iti imatang ti linteg.”

2 Cronicas 31:21

Nagballigi ni Hezekias gapu ta napasnek iti amin nga inaramidna nga agpaay iti Templo wenno aniaman nga adda pannakainaigna iti Linteg. Naan-anay ti kinapudnona iti Diosna.

ESDRAS 8:22

Nakababain koma no dimmawatak iti ari iti maysa a bunggoy dagiti mannakigubat a nakakabalio a mangsalaknib kadakami kadagiti kabusormi, agsipud ta imbagak kenkuana a bendisionan ti Diosmi dagiti amin nga agtalek kenkuana, ket guraen ken dusaenna ti siasinoman a mangtallikud kenkuana.

Dagiti Salmo 105:3

Agrag-otayo ta kukuanatayo ti Apo; agragsak koma amin nga agserserbi kenkuana!

Dagiti Salmo 119:2

Nagasat dagiti mangtungpal kadagiti bilinna, wen, nagasat dagiti agtulnog kenkuana iti amin a pusoda.

Dagiti Salmo 22:26

Manganto koma dagiti napanglaw agingga a mapnekda; agdaydayawto iti Apo dagiti mangbirok kenkuana. Rumang-ayda koma iti awan inggana!

Dagiti Salmo 25:8

Nalinteg ken naimbag ni Yahweh; isurona dagiti managbasol iti rumbeng a pagnaanda.

Dagiti Salmo 27:14

Agtalekka iti Apo: Mamatika ket dimo pukawen ti namnamam. Wen, agtalekka iti Apo!

Dagiti Salmo 27:8

Idi kinunam, “Umaykayo kaniak,” insungbatko, “Umayak, O Apo.”

Dagiti Salmo 37:34

Mangnamnamaka iti Apo ket tungpalem dagiti bilbilinna. Padayawannakanto babaen iti pannangtedna iti daga, ket makitamto ti pannakapaksiat ti managdakdakes.

Dagiti Salmo 37:7

Aganuska ket urayem nga agtignay ti Apo. Dimo pakasikoran dagiti rumang-ay ti panagbiagda, wenno dagiti agballigi iti dakes a panggepda.

Dagiti Salmo 39:7

“Ket ita, O Apo, ania ngarud ti urayek? Adda kenka ti namnamak.

Dagiti Salmo 61:1

Denggem kadi, O Dios, ti asugko; ipangagmo koma toy kararagko!

Dagiti Salmo 61:5

Impangagmo dagiti karik, O Dios; ket intedmo kaniak ti agpaay kadagiti amin nga agdaydayaw kenka.

Dagiti Salmo 69:32

No makita daytoy dagiti maidadanes, agragsakda; dagiti agdaydayaw iti Dios, maparegtada.

Dagiti Salmo 71:14

Kanayon a mangnamnamaak kenka; ket ad-addanto pay nga idaydayawka.

Isaias 25:9

Inton mapasamak daytoy, kunanto ti tunggal maysa, “Isu ti Diostayo! Nagtalektayo kenkuana ket inispalnatayo. Isu ti Apo. Nagtalektayo kenkuana. Naragsak ken napnoantayo iti rag-o agsipud ta insalakannatayo!”

Isaias 26:9

Iti rabii, tarigagayanka iti amin a pusok; no ukomem ti daga ken dagiti tattaona, masursurodanto ti kaipapanan ti hustisia.

Isaias 30:18

Nupay kasta, agur-uray ti Apo a mangngaasi kadakayo. Wen, agur-uray a mangparabur kadakayo gapu ta kanayon a maiparbeng ti aramidna. Nagasat ti tao nga agtalek iti Apo.

Isaias 40:31

Ngem dagiti agpannuray iti Apo mapabaronto ti pigsada. Agtayabdanto a kasla iti agila; saandanto a mabannog no agtarayda, saandanto a kumapsut no magnada.

Isaias 55:6

Birokenyo ti Apo, ita ta masarakan pay, umawagkayo kenkuana, ita ta asideg pay.

Isaias 64:4

Awan pay ti nakakita wenno nakadamag iti Dios a kas kenka, Dios nga agaramid kadagiti kakasta a banag kadagiti agtalek kenkuana.

Dungdung-aw 3:26

Ngarud, nasayaat unay ti aguray a siaanus— aguraytay iti panangisalakanna.

Oseas 10:12

Kinunak idi, ‘Agaradokayo iti baro a daga para iti pagimbaganyo. Agmulakayo iti kinalinteg ket apitenyo dagiti bendision a nagun-odyo iti kinapudnoyo kaniak. Ta tiempon ti panagpatulongyo ken ni Yahweh ket umaykonto ibuyat dagiti parabur kadakayo.’

Sofonias 3:8

Kuna ni Yahweh, “Aguraykayo. Urayenyo ti aldaw a panagtakderko a kas ukom a mangidarum kadagiti nasion. Inkeddengko nga ummongen dagiti pagilian ken pagarian tapno ipariknak kadakuada ti napalalo a pungtotko. Madadaelto ti entero a daga iti gumilgil-ayab nga apuy ti pungtotko.

1 Taga-Tesalonica 1:10

Sarsaritaenda pay ti panagur-urayyo iti yaay ti Anakna nga aggapu sadi langit. Isu daytoy ni Jesus a pinagungarna ken mangisalakanto kadatayo inton ukomen ti Dios dagiti tattao gapu kadagiti basbasolda.

Santiago 5:7

Aganuskayo ngarud, kakabsatko, agingga iti yaay ti Apo. Kitaenyo ti anus ti mannalon iti panangurayna kadagiti napateg a bunga dagiti mulana. Siaanus nga aguray iti damo ken iti naladaw a tudo.