Dungdung-aw 3:22 - Ti Baro a Naimbag a Damag Biblia

²² Saan nga agpatingga ti ayat ni Yahweh, agnanayon ti panangngaasina.

Ti Biblia (1973)

²² Isu ti kinamanangngaasi ni Jehova a saantay a maibus, ta dagiti caasina saan nga aggibus.

Dungdung-aw 3:22 Iomraidhean Croise

2 Samuel 24:14

Insungbat ni David, “Narikut ti sasaadek! Ngem diak kayat a dusaendak dagiti tattao. Yantangay ta manangngaasi ti Apo, bay-am nga isu ti mangdusa kadatayo.”

Nehemias 9:31

Nupay kasta, gapu ta naindaklan ti asim, dimo binaybay-an wenno dinadael ida. Naasika a Dios, naparaburka.

Dagiti Salmo 103:10

Saannatayo a dusaen kas mayannatup iti basoltayo. Saannatayo met balsen kas mayannurot iti labsingtayo.

Dagiti Salmo 106:45

Gapu kadakuada, linagipna ti katulaganna, ket nagbabawi gapu iti naindaklan nga ayatna.

Dagiti Salmo 69:17

Dimo kad ilemmengan toy adipenmo; sungbatannak a dagus ta kasta unay ti panagtuokko!

Dagiti Salmo 77:8

Limmammiis ngatan ti di agbalbaliw nga ayatna? Saanna ngatan a tungpalen ti karina?

Dagiti Salmo 78:38

Nupay kasta, kinaasian ti Dios dagiti tattaona, pinakawanna dagiti basolda ket dina pinukaw ida. Namin-adu a tinengngelna ti ungetna ken minedmedanna ti pungtotna.

Dagiti Salmo 86:15

Ngem sika, O Apo, naasi ken managayatka a Dios; naparaburka, napudno ken naanus.

Jeremias 3:12

Imbagana kaniak nga innak idiay amianan ket ipakaammok daytoy iti Israel, “Mannakikamalala nga Israel, agsublika kaniak. Manangngaasiak ket saanak nga agpungtot. Saan nga agnanayon ti pungtotko kenka.

Jeremias 30:11

Umayakto kadakayo tapno isalakankayo. Pukawekto a mamimpinsan dagiti amin a nasion a nangiwarawaraak kadakayo, ngem saankayto a dadaelen. Dusaenkayto a dusaen, ngem no dusaenkayo, dikayto unay parigaten. Siak, ni Yahweh, ti nagsao iti daytoy.”

Jeremias 31:20

“Israel, napategka nga anakko, anakko a dungdungoek unay. Tunggal baliksek ti naganmo, maragsakanak a makalagip kenka. Kail-iliwnaka toy pusok; kaasiankanto.

Daniel 9:9

Manangngaasi ken sisasaganaka a mamakawan, uray no sinukirdaka.

Malakias 3:6

“Siak, ni Yahweh, ket saanak nga agbalbaliw. Ngarud, dakayo a kaputotan ni Jacob, saankayo pay a napukaw a namimpinsan.

San Lucas 1:50

Kaasianna dagiti agbuteng kenkuana, Manipud iti maysa a kaputotan agingga kadagiti sumarsaruno.