Dungdung-aw 2:9 - Ti Baro a Naimbag a Damag Biblia

⁹ Nagaburan dagiti ruangan; natukkotukkol dagiti balunetda. Napagtalaw a kas balud ti ari agraman dagiti ofisialesna. Saanen a maisuro ti Linteg; awanen ti parmata dagiti profeta nga aggapu ken ni Yahweh.

Ti Biblia (1973)

⁹ Dagiti ruanganna limmedda iti daga; dinadaelna ken binungtolna dagiti balunetna: ti arina ken dagiti piprincipena addada cadagiti nasnacion idiay awanen ti linteg; wen, dagiti mammadtona awan ti masaracanda a sirmata nga aggapu ken Jehova.

Dungdung-aw 2:9 Iomraidhean Croise

2 Ar-ari 25:7

Iti imatang ni Zedekias, napapatay dagiti lallaki nga annakna ket nasuat met dagiti matana, kas imbilin ni Nebucadnesar. Kinawaranda ti ari sada impan idiay Babilonia.

2 Cronicas 15:3

Nabayag a tiempo a nagbiag dagiti Israelita nga awanan iti pudpudno a Dios, awan papadi a mangisuro kadakuada, awan ti lintegda.

Nehemias 1:3

Imbagada nga agsagsagabada iti kasta unay ket lalaisen ida dagiti ganggannaet nga agnanaed iti kabangibang a lugar. Saan pay kano a nabangon dagiti bakud ti Jerusalem, ket di pay natarimaan dagiti nauram a ruanganna.

Dagiti Salmo 74:9

Awanen dagiti milagro a makitami; awanen dagiti profeta. No kaano nga aggibus ti agdama a kasasaadmi, awan ti makaammo kadakami.

Isaias 24:12

Narba ti entero a siudad, ket narakraken dagiti ruanganna.

Jeremias 14:14

Ngem insungbat ti Apo, “Agul-ulbod dagiti profeta iti naganko. Saanko nga imbaon ida. Awan ti imbilinko kadakuada ket pulos a diak kinasao ida. Saan a naggapu kaniak dagiti sirmata nga ibagbagada. Awan serserbi dagiti padto nga ibagbagada; ar-arapaapda laeng dagita.

Jeremias 23:16

Kuna ti Apo a Mannakabalin-amin kadagiti tattao ti Jerusalem, “Pasig nga ulbod ti ipanamnama kadakayo dagiti profeta. Diyo ipangag ida ta ibagada dagiti arapaapda. Saan a nagtaud kaniak ti sasawenda.

Jeremias 39:2

Iti maikasiam nga aldaw iti maikapat a bulan ti maika-11 a tawen a panagari ni Zedekias, sinerrekda ti bakud ti Jerusalem. (

Jeremias 39:8

Pinuoran met dagiti taga-Babilonia ti palasio ken dagiti balay dagiti tattao sada rinebba dagiti bakud ti Jerusalem.

Jeremias 51:30

Nagsardengen a makigubat dagiti soldado ti Babilonia ket nagtalinaedda kadagiti sarikedkedda. Napukawdan ti turedda; awan dumadan kadagiti babbai. Narban dagiti ruangan ti siudad. Maur-uramen dagiti balbalay.

Jeremias 52:14

Rinebba dagiti soldadona ti bakud ti Jerusalem.

Dungdung-aw 1:3

Awan gawayna a tagabu dagiti tattao ti Juda. Napilitda a naitalaw kadagiti pagtaenganda. Agnaeddan iti sabali a dagdaga. Ket awan ti disso a mabalinda a kuna a kukuada. Linawlaw ida dagiti kabusorda ket awan ti paglisianda.

Dungdung-aw 4:15

“Umadayokayo!” ipukkaw dagiti tattao. “Natulawankayo! Didakam sagsagiden.” Nagalla-allada ngarud kadagiti pagilian; awan a pulos ti nangpasangbay kadakuada.

Dungdung-aw 4:20

Tiniliwda ti gubbuayan ti biagmi, ti ari a pinili ni Yahweh, ti ari a nagtalkanmi a mangikanawa kadakami iti amin a rumaut iti sakupmi.

Ezekiel 12:13

Ngem isarwagkonto kenkuana ti iketko, ket matiliwto. Ipankonto iti siudad ti Babilonia a pakatayanna nupay dina makita dayta a daga.

Ezekiel 17:20

Isarwagkonto kenkuana ti iket ti maysa a mangnganup ket matiliwto. Ipankonto idiay Babilonia ket dusaekto sadiay ta saan a nagtalinaed a napudno kaniak.

Ezekiel 7:26

Agsasarunonto a dumteng ti didigra, kasta met ti dakes a damag. Agpakpakaasikayto kadagiti profeta nga ipakaammoda dagiti mapasamak iti masakbayan. Awanto ti maisuro dagiti papadi kadagiti tattao. Awanto met ti maibalakad dagiti panglakayen.

Oseas 11:6

Addanto gubat nga agdakiwas kadagiti siudadda, ket marpuogto dagiti sarikedkedda. Madadaelto dagiti tattaok gapu ta sinurotda ti ammoda a nasayaat.

Oseas 3:4

Kastoyto ti rumbeng a panagbiag dagiti tattao ti Israel. Mabayag nga awanto ti ari wenno panguloda. Awanto met ti daton wenno nasantoan nga adigi. Awanto met iti balayda ti didiosen wenno imahen.

Amos 1:5

Lasanglasangekto dagiti ruangan ti siudad ti Damasco. Pukawekto dagiti agnanaed iti Tanap ti Aven ken ti pangulo ti Beteden. Maitalawto dagiti tattao ti Siria ket maipanda a kas balud iti daga ti Kir.”

Deuteronomio 28:36

“Ipannakayto ti Apo agraman ti ariyo iti ganggannaet a daga a diyo pay nagnaedan ken uray dagidi kapuonanyo. Agdaydayawkayto sadiay kadagiti didiosen a naaramid iti kayo wenno bato.

Deuteronomio 28:63

Naragsak ti Apo a nangparang-ay kadakayo ken nangpaadu iti bilangyo; kastanto met ti ragsakna a mangdadael ken mangpukaw kadakayo. Mapapanawkayto iti daga nga inkay tagikuaen.

1 Samuel 28:6

Sinaludsodna ken ni Yahweh no ania ti aramidenna, ngem pulos a saan a sinungbatan ni Yahweh, iti tagtagainep man wenno iti Urim wenno babaen iti maysa a profeta.