Dungdung-aw 2:8 - Ti Baro a Naimbag a Damag Biblia

⁸ Inkeddengen ti Apo a marpuog dagiti bakud ti Sion. Rinukodna ida tapno awan duadua ti pannakadadaelda. Agpapadan a narpuog dagiti pagwanawanan ken bakud.

Ti Biblia (1973)

⁸ Ni Jehova pinanggepna a dadaelen ti bacud ti anac a babai ti Sion; binennatna ti singdan, saanna nga inaccal ti imana iti panangdadael: ket pinagladingitna ti sarikedked ken bacud; isuda nagcapuyda nga agpada.

Dungdung-aw 2:8 Iomraidhean Croise

2 Samuel 8:2

Pinarmek met ni David dagiti Moabita. Pinagliliniana a nakaidda ida iti daga, ket pinapatayna dagiti adda iti dua a linia idinto nga inispalna dagiti adda iti maysa linia. Inturayanna dagiti Moabita ket nagbuisda kenkuana.

2 Ar-ari 21:13

Dusaek ti Jerusalem a kas iti inaramidko iti Samaria; dusaek a kas ken ni Ahab nga ari ti Israel ken kadagiti kaputotanna. Sagadekto ti Jerusalem agingga nga awan mabati a tattao ket nadalusto a kas iti pinggan a nadalusan ken naipakleb.

Ti Libro ni Job 13:21

Isardengmon ti panangparigatmo kaniak, ken dinak patayen iti buteng.

Isaias 22:5

Tiempo ita ti panagbuteng, pannakaparmek ken pannakariribuk iti Tanap ti Parmata, ket ti Dios, ti Apo Dios a Mannakabalin-amin, ti nangibaon kadagitoy nga umay kadatayo. Narban dagiti bakud ti siudadtayo, ket dagiti ikkis dagiti tattao nga agpatulong nagallangogan kadagiti turturod.

Isaias 28:17

Kinalintegto ti pagrukodan ti fondasion ket ti kinapudno ti agserbi a tinnagna.” Bagio ken layus ti mangyanudto iti amin a kinaulbod a talged ken kamangyo.

Isaias 3:26

Agdung-aw ken agsangitto dagiti ruangan ti siudad, ket mayarigto ti mismo a siudad iti babai a lamolamo nga agtugtugaw iti daga.

Isaias 34:11

Dagiti kullaaw ken wak ti agyanto iti daga. Pagbalinento manen ti Apo a langalang ken gusoguso ti Edom.

Isaias 5:5

“Kastoy ti aramidek iti kaubasak. Ikkatek dagiti mula a pannakaaladna. Rebbaek ti bakudna ket bay-ak nga araben ken payatpayaten dagiti atap nga animal.

Jeremias 14:2

“Agdungdung-aw ti Juda, agbugbugsot dagiti siudadna. Gapu iti ladingit, agid-idda dagiti tattaona iti daga, ket dumawat ti Jerusalem iti tulong.

Jeremias 5:10

Ibaonkonto dagiti kabusor a mangpatpat iti kaubasanda, ngem saan a mamimpinsan nga ikisapda. Ibagakto kadakuada nga ikkatenda dagiti sangsanga, ta saanko a kukua ida.

Jeremias 52:13

Pinuoranna ti Templo ken ti palasio ti ari, agraman ti amin a balbalay dagiti natan-ok a tattao idiay Jerusalem.

Dungdung-aw 2:17

Iti kamaudianna, inaramid ti Apo ti impangtana: awan asina a nangdadael kadatayo, kas imballaagna idi un-unana. Pinagballigina dagiti kabusortayo, pinagragsakna ida gapu iti pannakaparmektayo.

Dungdung-aw 2:18

O Jerusalem, bay-am dagiti bakudmo nga umasug iti Apo. Palubosam nga agayus dagiti luam a kas karayan iti aldaw ken rabii. Bannogem dayta bagim iti panagsangsangit ken panagladladingit.

Dungdung-aw 2:2

Dinadael ti Apo amin nga il-ili ti Juda, dina kinaasian ti uray maysa kadakuada. Rinakrakna dagiti sarikedked a nangsalaknib iti daga. Inyegna ti pannakaibabain ti pagarian ken dagiti ofisialesna.

Dungdung-aw 2:5

Kasla maysa a kabusor ti Apo a nangdadael iti Israel. Dinadaelna dagiti sarikedked ken dagiti palasiona. Inyegna ti di agpatingga a ladingit kadagiti tattao ti Juda.

Ezekiel 20:22

Ngem diak inaramid daytoy ta diak kayat a madadael ti naganko iti imatang dagiti pagilian a nakakita iti panangiruarko kadagiti Israelita idiay Egipto.