Dungdung-aw 2:4 - Ti Baro a Naimbag a Damag Biblia

⁴ Mayarig ti Apo iti kabusor a nangipaturong kadagiti panana kadatayo. Pinapatayna dagiti amin a pagtangtangsit ken pagragsakantayo. Ditoy Jerusalem, nariknatayo ti gumilgil-ayab a pungtotna.

Ti Biblia (1973)

⁴ Biniatna ti ba-ina cas maysa a cabusor, nagtacder ket ti macanawan nga imana cas maysa a cumaniwas, ket pinatayna amin dagidiay macaay-ayo iti mata; iti tolda ti anac a babai ti Sion imbucbucna ti pungtotna a casla apuy.

Dungdung-aw 2:4 Iomraidhean Croise

2 Cronicas 34:21

“Inkayo makiuman iti Apo ket ammoenyo no ania ti pakainaigak ken dagiti tattao a nabati iti Israel ken Juda iti nailanad iti daytoy a libro. Nagdissuor kadatayo ti pungtot ti Apo gapu ta saan a tinungpal dagidi kapuonantayo ti sao ti Apo. Dida inaramid ti masapul a maaramid kas nailanad iti daytoy a libro.”

2 Cronicas 34:25

Linaksiddak ket nagidatagda kadagiti sakrifisio kadagiti sabali a didiosen. Daytoy ti gapuna a pinagpungtotdak kadagiti amin nga inaramidda. Rimmasuk ti pungtotko iti Jerusalem ket dinto agbaaw.

Ti Libro ni Job 19:11

Kasta unay ti pungtot ti Dios kaniak, ket imbilangnak a kadaksan a kabusorna.

Ti Libro ni Job 6:4

Sinalputnak dagiti pana ti Dios a Mannakabalin-amin ket nagwaras iti bagik ti sabidongda. Inturongna kaniak dagiti pammutbutengna.

Dagiti Salmo 37:14

Asuten dagiti managdakdakes ti kampilanda, biatenda ti bai ti panada tapno patayenda dagiti napanglaw ken marigrigat, ken gudasenda dagiti nalinteg ti aramidda.

Dagiti Salmo 7:13

Alaenna dagiti natatadem nga igamna, ket ipaturongna ti sumsumged a panana.

Isaias 42:25

Iti kasta, indissuorna kadatayo ti pungtotna, ket sinagabatayo ti kinadawel ti gubat. Kasla apuy ti ungetna a nanguram iti Israel ngem ditay ammo idi ti mapaspasamak; pulos a saantayo a nagnakem.

Isaias 63:10

Ngem nagsukirda kenkuana ket pinagladingitda. Ngarud, nagbalin ti Apo a kabusorda ket isu a mismo ti nakiranget kadakuada.

Isaias 63:6

Iti pungtotko, binaddebaddekko dagiti pagilian ket nawarawarada. Imbuyatko ti darada iti daga.”

Jeremias 10:20

Nadadael dagiti toldami; napugsaten dagiti tali a galutda. Nagtalawen dagiti lallaki nga annakmi, awanen mangbangon manen iti toldami, awanen ti mangibitin iti kurtinada.”

Jeremias 21:5

Siak a mismo ti manggubat kadakayo iti amin a pigsak, amin a pungtotko, rungsot ken ungetko.

Jeremias 30:14

Nalipatandakayo ti amin a kaayan-ayatyo; saandakayon a pagan-ano. Kaskayla kabusor a dinarupko, nadagsen ti pannakadusayo, agsipud ta adu dagiti basolyo, ken napalalo ti kinadakesyo.

Jeremias 36:7

Mabalin nga agkararagdanto iti Apo ket idiandanton dagiti dakes nga aramidda, ta no saan agdissuor kadakuada ti napalalo a pungtot ken ungetna.”

Jeremias 4:4

Tungpalenyo ti nakitulaganyo kaniak nga Apo yo ket idatonyo dagiti pusoyo kaniak, dakayo a tattao ti Juda ken Jerusalem. Ta no saan, gumil-ayabto ti pungtotko gapu kadagiti dakes nga aramidyo, ket sumged nga awan ti makaiddep.”

Jeremias 42:18

“Kuna ti Apo a Dios ti Israel, ‘No inkay idiay Egipto, idissuorkonto kadakayo ti unget ken pungtotko a kas iti indissuorko kadagiti taga-Jerusalem. Nakakaasinto ti kasasaadyo. Pagang-angawandakayto dagiti tattao ket pagilunoddanto ti naganyo. Saanyonton a makita daytoy a lugar.’”

Jeremias 7:20

Iti kasta, siak ni Yahweh a Dios, idissuorkonto ti nakaro a pungtotko iti daytoy a lugar, kadagiti tattao ken animal, uray pay kadagiti kayo ken kadagiti mula. Kaslanto apuy ti pungtotko nga awan ti makaiddep.

Dungdung-aw 1:13

“Intinnagna ti apuy a gimmil-ayab iti unegko. Impakatna ti silo a nangitublak kaniak. Kalpasanna, binaybay-annak ket kanayon a matutuokak.

Dungdung-aw 2:5

Kasla maysa a kabusor ti Apo a nangdadael iti Israel. Dinadaelna dagiti sarikedked ken dagiti palasiona. Inyegna ti di agpatingga a ladingit kadagiti tattao ti Juda.

Dungdung-aw 3:3

Awan asina a nangkabkabil kaniak.

Dungdung-aw 4:1

Napukawen ti rimat ti nasudi a balitokmi! Agkaiwara iti kalsada dagiti bato ti Templo.

Dungdung-aw 4:11

Binulosan ni Yahweh ti naan-anay a pungtotna; pinuoranna ti Sion agingga a dimmapu iti daga.

Ezekiel 13:13

“Ita, daytoy ti kuna ti Apo a Dios, ‘Iti pungtotko, yegkonto ti napigsa nga angin, bumayakabak a tudo, ken yelo tapno madadael ti bakud.

Ezekiel 20:34

Ipakitakto kadakayo ti pannakabalin ken pungtotko inton ummongenkayo ket alaenkayo kadagiti pagilian a nakaiwarawaraanyo.

Ezekiel 22:22

Malunagdanto idiay Jerusalem a kas iti pannakalunag ti pirak iti urno. Iti kasta, maammoandanto a marikriknada ti pungtotko.”

Ezekiel 24:25

Kinuna ni Yahweh, “Ita, anak ti tao, ikkatek ti natibker a Templo a pagtangtangsit ken pagragsakanda, pagay-ayatda a kitkitaen ken sarsarungkaran. Alaekto dagiti annakda.

Ezekiel 36:18

Impariknak kadakuada ti nakaro a pungtotko gapu iti panagpapatayda iti uneg ti pagilian ken gapu kadagiti imahen a pinangtulawda iti daga.

Ezekiel 5:13

“Mariknamto ti dagsen ti unget ken pungtotko agingga a mapnekak. Inton mapasamak amin dagitoy, mamatikanton a siak, ni Yahweh, ti nagsao a sipupungtot gapu iti saanmo a panagtalinaed a napudno.

Ezekiel 6:12

Agsakit ken matayto dagiti adda iti adayo; ket dagiti adda iti asideg mataydanto iti gubat. Matayto iti bisin dagiti makalasat. Mariknadanto ti nakaro a pungtotko.

Ezekiel 7:14

Mapuyotto dagiti trumpeta ket agsagananto ti amin ngem awan ti mapan makigubat ta agdissuor ti pungtot ni Yahweh iti tunggal maysa.

Levitico 26:17

Busorenkayto tapno parmekendakayto dagiti kabusoryo; iturayandakayto dagiti manggurgura kadakayo. Iti butengyo, agtataraykayto uray no awan mangkamkamat kadakayo.

Nahum 1:2

Ni Yahweh managimon a Dios ken managibales; dusaenna dagiti bumusor kenkuana. Iti pungtotna, balsenna ida.

Nahum 1:6

No agpungtot ni Yahweh, siasino ti makalasat? Siasino ti makalisi iti gumilgil-ayab nga ungetna? Idissuorna ti umap-apuy a pungtotna, matumtumek dagiti bato iti imatangna.

Deuteronomio 32:22

Sumgedto a kas apuy ti pungtotko, ket uramenna amin nga adda ditoy daga. Dumanonto iti akimbaba a lubong, ket uramenna dagiti puon ti bantay.

1 Samuel 28:16

Kinuna ni Samuel, “Apay nga awagannak no binaybay-annakan ti Apo ket nagbalinen a kabusormo?