Dungdung-aw 2:22 - Ti Baro a Naimbag a Damag Biblia

²² Inawismo dagiti kabusorko a mangaramid iti nakabutbuteng a panagrarambak iti likmutko. Awan ti makalibas uray maysa iti dayta aldaw ti pungtotmo. Pinapatayda dagiti annakko a pinadakkel ken inay-ayatko.

Ti Biblia (1973)

²² Inayabam, cas iti aldaw ti gimong a nangayed, dagiti pagbutbutngac iti isu-amin nga aglicmut; ket awan ti nacatalaw wenno nabati iti aldaw ti pungtot ni Jehova: dagidi impallayogco ken pinadackelco inibus ti cabusorco.

Dungdung-aw 2:22 Iomraidhean Croise

2 Cronicas 36:17

Imbaon ni Yahweh ti ari ti Babilonia a mangraut kadakuada. Pinatay ti ari dagiti lallaki nga agtutubo ti Juda iti Templo. Awan ti kinaasianna—ubbing wenno nataengan, lallaki wenno babbai, masakit wenno nasalun-at. Inyawat amin ida ti Dios iti pannakabalin ti ari.

Dagiti Salmo 31:13

Mangngegko ti arasaas dagiti adu a kabusorko; buteng ti adda iti amin a lawlawko. Agtutulagda a mangpatay kaniak.

Isaias 28:19

Ulit-ulitennakayto a pagsagabaen ket binigatto nga agsubli. Aldaw ken rabii a masapul nga ibturanyo ti ipalak-amna. Tunggal adda ipakaammo ti Dios, yegna ti baro a panagbuteng.

Jeremias 11:11

Iti kasta, siak, ni Yahweh, iballaagko kadakuada a dadaelekto ida ket saanda a makalisi. Uray no agpatulongda kaniak, saankonto nga ipangag ida.

Jeremias 14:19

O Apo, tinallikudam aya a namimpinsan ti Juda? Kaguram aya dagiti tattao ti Sion? Apay a dinangrannakami iti kasta unay ket saankam a maimbagan? Sapsapulenmi ti talna, ngem awan ti naimbag a mauraymi. Namnamaenmi ti maagasan, ngem panagdanag ketdi ti maipaay.

Jeremias 20:3

Iti sumuno a bigat, kalpasan a winayawayaannak ni Pasur, kinunak kenkuana, “Saan a Pasur ti impanagan ti Apo kenka no di ket ‘Pagbutbutngan iti amin a Lugar.’

Jeremias 21:7

Patiliwkonto ni Zedekias nga ari ti Juda, dagiti ofisialesna ken dagiti tattao a makalasat iti gubat, bisin ken sakit. Tiliwento ida ni Ari Nebucadnesar ken dagiti kabusorda nga agtarigagay a mangpatay kadakuada. Papapataynanto ida ket awanto ti ispalen wenno kaasianna. Siak, ni Yahweh, ti nagsao iti daytoy.”

Jeremias 44:7

“Ngarud, siak, ni Yahweh a Mannakabalin-amin a Dios ti Israel, saludsodek man no apay nga agaramidkayo iti kasta a kinadakes? Kayatyo kadi a yegko ti pannakadadael iti Juda: lallaki ken babbai, ubbing ken maladaga tapno awan ti matda kadakayo?

Jeremias 46:5

“Ngem ania ti makitak?” saludsoden ni Yahweh. “Agsanudda a sibubuteng. Maparmek dagiti soldadoda. Gapu iti butengda, alistoanda ti agtaray ket saanda a tumalliaw.

Jeremias 6:25

Dimi maitured ti mapan kadagiti away wenno magna kadagiti kalkalsada. Ngamin, nakaarmas dagiti kabusor, ket nakabutbuteng ti aglawlaw.”

Deuteronomio 28:18

“Ilunodnakayto ti Apo ket bassitto laeng ti iparaburna nga annakyo; nakirangto ti apityo ken bassitto ti baka ken karneroyo.