Dungdung-aw 2:21 - Ti Baro a Naimbag a Damag Biblia

²¹ Kadagiti kalsada, agkaiwara't bangbangkay dagiti ubbing ken nataengan, dagiti agtutubo a babbai ken lallaki, isuda a napapatay iti kampilan. Awan asim a nangpapatay kadakuada iti aldaw ti pungtotmo.

Ti Biblia (1973)

²¹ Ti ubing ken ti lacay agpasagda iti daga cadagiti lanlansangan; dagiti babbalasangco ken babbaroc mapasagda babaen ti campilan: pinataymo ida idi aldaw ti pungtotmo; rinucrucmo, ket dica kinaasian.

Dungdung-aw 2:21 Iomraidhean Croise

2 Cronicas 36:17

Imbaon ni Yahweh ti ari ti Babilonia a mangraut kadakuada. Pinatay ti ari dagiti lallaki nga agtutubo ti Juda iti Templo. Awan ti kinaasianna—ubbing wenno nataengan, lallaki wenno babbai, masakit wenno nasalun-at. Inyawat amin ida ti Dios iti pannakabalin ti ari.

Ester 3:13

Naipan dagiti kopia daytoy a bilin iti amin a probinsia ti pagarian. Nailanad kadagitoy a bilin a mapapatay amin a Judio—agtutubo ken nataengan, babbai ken ubbing—iti maysa nga aldaw, iti maika-13 nga aldaw iti bulan ti Adar, ket masamsam dagiti sanikuada.

Isaias 27:11

Nalaylay ken natuktukkol dagiti sanga dagiti kayo ket alaen dagiti babbai a pagsungrodda. Gapu ta awan ti naawatan dagiti tattao, saanto a kaasian ida ti Dios a namarsua kadakuada ket dinanto paraburan ida.

Jeremias 11:22

Kinuna ngarud ti Apo a Mannakabalin-amin, “Dusaekto ida! Mapapatayto iti paggugubatan dagiti agtutuboda a lallaki. Matayto met iti bisin dagiti annakda.

Jeremias 13:14

Kalpasanna, pagdidinnungparekto ida a kasla burnay, lallakay man wenno ubbing. Diakto kaasian wenno ilalaen ida. Diakto sumardeng agingga a mapapatayko ida.”

Jeremias 18:21

Ngem ita, O Apo, bay-am a matay iti bisin dagiti annakda. Bay-am a matayda iti gubat. Bay-am a mabalo dagiti babbai ken matay dagiti annakda. Bay-am a matay iti sakit dagiti lallakay ken matay iti paggugubatan dagiti agtutubo a lallaki.

Jeremias 21:7

Patiliwkonto ni Zedekias nga ari ti Juda, dagiti ofisialesna ken dagiti tattao a makalasat iti gubat, bisin ken sakit. Tiliwento ida ni Ari Nebucadnesar ken dagiti kabusorda nga agtarigagay a mangpatay kadakuada. Papapataynanto ida ket awanto ti ispalen wenno kaasianna. Siak, ni Yahweh, ti nagsao iti daytoy.”

Jeremias 4:31

Nakangngegak iti kasla asug ti agpaspasikal, kasla ikkis ti babai nga agdadamo nga aganak. Um-umkis ti Sion! Al-alawenna ti angesna. Igawgaw-atna dagiti imana a kunkunana, “Saanakon a makalisi! Umayen dagiti mangpapatay kaniak.”

Jeremias 51:22

Inar-aramatka a nangpatay kadagiti lallaki ken babbai; kadagiti lallakay ken ubbing, kadagiti babbaro ken babbalasang.

Jeremias 6:11

O Apo, mariknak met a gumil-ayab iti unegko ti pungtotmo kadakuada; saankon a maitured.” Kinuna ngarud ti Apo, “Idissuormo ti pungtotko kadagiti ubbing iti kalsada ken kadagiti ummong dagiti lallaki nga agtutubo. Maipanawto dagiti agassawa ken uray pay dagiti babbaket ken lallakay.

Jeremias 9:20

Kinunak, “Dakayo a babbai, denggenyo ti kinuna ti Apo, ket ipangagyo dagiti saona. Isuroyo nga agdung-aw dagiti annakyo a babbai isuroyo dagiti gagayyemyo nga agkanta iti kansion ti pumpon.

Jeremias 9:21

Simrek ni patay kadagiti tawtawatayo, ket immuneg kadagiti palasiotayo. Pinatayna dagiti ubbing kadagiti kalsada ken dagiti agtutubo kadagiti tiendaan.

Dungdung-aw 1:15

“Amin a kapigsaan a soldadok kinatawaan ti Apo. Nangibaon iti armada a mangdadael kadagiti agtutubo. Imbaddebaddekna dagiti tattaok, kasda la ubas nga ipayatpayatna iti pagpespesan ti arak.

Dungdung-aw 1:18

“Nagsukirak ngem nalinteg ti inaramid ti Apo. Denggendak, tattao iti amin a disso, kitaenyo ti panagtutuokko. Naitalaw a kas balud dagiti annakko nga agtutubo.

Dungdung-aw 1:4

No dumteng dagiti nasantoan nga aldaw, Awanen ti umay iti Templo nga agdaydayaw. Agsagsagaba dagiti babbai a para-kanta sadiay, Awanen ti maaramid dagiti papadi no di agsennaay. Kadagiti ruangan ti siudad awanen tattao. Ket agsagsagaba ti Sion iti napalalo.

Dungdung-aw 2:17

Iti kamaudianna, inaramid ti Apo ti impangtana: awan asina a nangdadael kadatayo, kas imballaagna idi un-unana. Pinagballigina dagiti kabusortayo, pinagragsakna ida gapu iti pannakaparmektayo.

Dungdung-aw 2:2

Dinadael ti Apo amin nga il-ili ti Juda, dina kinaasian ti uray maysa kadakuada. Rinakrakna dagiti sarikedked a nangsalaknib iti daga. Inyegna ti pannakaibabain ti pagarian ken dagiti ofisialesna.

Dungdung-aw 3:43

“Kinamat ken pinapataynakami; awanen ti asim gapu iti pungtotmo.

Ezekiel 24:21

nga ipakaammok kadakayo nga Israelita ti mensahena. Tulawanto ti Apo ti templona—ti sarikedked a pagtangtangsityo ken pagay-ayatyo a kitkitaen ken sarungkaran. Matayto iti gubat dagiti ubbing a kameng ti familiayo a nabati iti Jerusalem.

Ezekiel 5:11

“Ngarud, agsipud ta siak, ni Yahweh, ti sibibiag a Dios, ken agsipud ta tinulawam ti templok kadagiti amin nga inaramidmo a dakes ken makarimon, awanto ti asik a mangpukaw kenka. Daytoy ti sao ti Apo a Dios.

Ezekiel 7:4

Dikanto pakawanen wenno kaasian. Dusaenkanto gapu kadagiti makarimon nga aramidmo tapno maammoam a siak ni Yahweh.”

Ezekiel 7:9

Dikayto pakawanen wenno kaasian. Dusaenkayto gapu kadagiti aramidyo. Iti kasta, maammoanyonto a siak ni Yahweh, ket siak ti mangdusa kadakayo.”

Ezekiel 8:18

Mariknadanto ti amin a dawel ti pungtotko. Diakto pakawanen wenno kaasian ida. Uray no ipukkawda ti kararagda iti ingga ti kabaelanda, diakto ipangag ida.”

Ezekiel 9:10

Aramidek kadakuada ti inaramidda kadagiti padada a tao.”

Amos 4:10

“Dinidigrakayo a kas iti panangdidigrak iti Egipto. Pinatayko dagiti agkabannuagyo iti gubat ket intalawko dagiti kabalioyo. Pinagbangsitko dagiti kampoyo ket nabuyok ti inang-angotyo. Ngem saankayo latta a nagsubli kaniak.

Amos 8:13

Iti dayta nga aldaw, matalimudawto iti waw uray pay dagiti napipintas a babbalasang ken napipigsa a babbaro.

Zacarias 11:6

Kinuna ti Apo, “Diak kaasianen dagiti agnaed iti daga. Siak a mismo ti mangyawat iti tunggal tao iti pannakabalin ti agturay ken arina. Dadaelento dagitoy nga agtuturay ti daga ket awanto ti ikanawak iti pannakabalinda.”)

Deuteronomio 28:50

Naranggasdanto ket awanto ti kaasianda, ubing man wenno nataengan.

Deuteronomio 32:25

Adunto ti matay kadagiti kalsada gapu iti gubat, adunto ti matay kadagiti balbalay gapu iti buteng. Matayto dagiti agtutubo a lallaki ken babbai, kasta met dagiti maladaga ken lallakay nga ubanan.

Josue 6:21

Inuloyanda babaen iti kampilan dagiti amin nga adda iti siudad, lallaki ken babbai, ubbing ken lallakay. Pinatayda met dagiti baka, karnero ken asno.

1 Samuel 15:3

Inka rauten dagiti Amalekita, ket dadaelem a mamimpinsan ti amin a sanikuada. Awan ti ibatim a sibibiag. Patayem amin a lallaki, babbai, ubbing ken maladaga, dagiti baka ken karnero, dagiti kamelio ken dagiti asno.”