Dungdung-aw 2:2 - Ti Baro a Naimbag a Damag Biblia

² Dinadael ti Apo amin nga il-ili ti Juda, dina kinaasian ti uray maysa kadakuada. Rinakrakna dagiti sarikedked a nangsalaknib iti daga. Inyegna ti pannakaibabain ti pagarian ken dagiti ofisialesna.

Ti Biblia (1973)

² Ti Apo inalimonna amin dagiti pagtaengan ni Jacob, ket dina kinaasian: rineb-bana babaen ti pungtotna dagiti sarikedked ti anac a babai ti Juda; impababana ida iti daga; tinulawanna ti pagarian ken dagiti piprincipena.

Dungdung-aw 2:2 Iomraidhean Croise

Ti Libro ni Job 2:3

Sinaludsod ni Yahweh, “Napaliiwmo kadi ni Job nga adipenko? Awan ti masarakan iti daga a kas kenkuana iti kinapudno ken awan pakapilawanna. Managbuteng kaniak ket saan nga agaramid iti dakes. Dinawatmo kaniak tapno palubosanka a mangdangran kenkuana nga awan gapgapuna. Ngem kaskasdi a nagtalinaed a napudno kaniak.”

Dagiti Salmo 21:9

Inton agparang, dadaelennanto ida kas iti gumilgil-ayab nga apuy. Alun-onento ida ni Yahweh iti pungtotna, ket apuyto ti mangikisap kadakuada.

Dagiti Salmo 74:7

Rinakrakda ti Templom ket pinuoranda. Tinulawanda ti lugar a pagdaydayawan kenka.

Isaias 22:5

Tiempo ita ti panagbuteng, pannakaparmek ken pannakariribuk iti Tanap ti Parmata, ket ti Dios, ti Apo Dios a Mannakabalin-amin, ti nangibaon kadagitoy nga umay kadatayo. Narban dagiti bakud ti siudadtayo, ket dagiti ikkis dagiti tattao nga agpatulong nagallangogan kadagiti turturod.

Isaias 23:9

Inaramid daytoy ti Apo a Mannakabalin-amin tapno gibusanna ti kinapalangguadda gapu iti inaramidda ken tapno ibabainna dagiti natan-ok a tattaoda.

Isaias 25:12

Rebbaento ti Apo dagiti sarikedked ti Moab agraman dagiti nangato a bakudna ket tuangennanto ida iti tapok.

Isaias 26:5

Impababana dagiti napalangguad, dinadaelna ti natalged a siudadda; rinebbana agraman dagiti bakudna.

Isaias 27:11

Nalaylay ken natuktukkol dagiti sanga dagiti kayo ket alaen dagiti babbai a pagsungrodda. Gapu ta awan ti naawatan dagiti tattao, saanto a kaasian ida ti Dios a namarsua kadakuada ket dinanto paraburan ida.

Isaias 43:28

Tinulawan dagiti agtuturaymo ti santuario. Daytoy ti gapuna nga inyegko ti pannakadadael iti Israel; impalubosko a maibabain dagiti tattaok.”

Isaias 47:6

Nakaungetak kadagiti tattaok, ket diak imbilang idan a kukuak. Inyawatko ida iti pannakabalinmo, ket saanmo a kinaasian ida, uray dagiti duduogan pinarigatmo ida.

Jeremias 13:14

Kalpasanna, pagdidinnungparekto ida a kasla burnay, lallakay man wenno ubbing. Diakto kaasian wenno ilalaen ida. Diakto sumardeng agingga a mapapatayko ida.”

Jeremias 19:15

ti imbilin ti Apo a Mannakabalin-amin a Dios ti Israel: “Idissuorko ti amin a didigra nga imbagak nga aramiden iti daytoy a siudad ken kadagiti amin a kabangibangna nga il-ili gapu ta nasukirkayo ket diyo ipangag ti saok.”

Jeremias 21:7

Patiliwkonto ni Zedekias nga ari ti Juda, dagiti ofisialesna ken dagiti tattao a makalasat iti gubat, bisin ken sakit. Tiliwento ida ni Ari Nebucadnesar ken dagiti kabusorda nga agtarigagay a mangpatay kadakuada. Papapataynanto ida ket awanto ti ispalen wenno kaasianna. Siak, ni Yahweh, ti nagsao iti daytoy.”

Jeremias 5:10

Ibaonkonto dagiti kabusor a mangpatpat iti kaubasanda, ngem saan a mamimpinsan nga ikisapda. Ibagakto kadakuada nga ikkatenda dagiti sangsanga, ta saanko a kukua ida.

Dungdung-aw 2:17

Iti kamaudianna, inaramid ti Apo ti impangtana: awan asina a nangdadael kadatayo, kas imballaagna idi un-unana. Pinagballigina dagiti kabusortayo, pinagragsakna ida gapu iti pannakaparmektayo.

Dungdung-aw 2:21

Kadagiti kalsada, agkaiwara't bangbangkay dagiti ubbing ken nataengan, dagiti agtutubo a babbai ken lallaki, isuda a napapatay iti kampilan. Awan asim a nangpapatay kadakuada iti aldaw ti pungtotmo.

Dungdung-aw 2:5

Kasla maysa a kabusor ti Apo a nangdadael iti Israel. Dinadaelna dagiti sarikedked ken dagiti palasiona. Inyegna ti di agpatingga a ladingit kadagiti tattao ti Juda.

Dungdung-aw 3:43

“Kinamat ken pinapataynakami; awanen ti asim gapu iti pungtotmo.

Ezekiel 5:11

“Ngarud, agsipud ta siak, ni Yahweh, ti sibibiag a Dios, ken agsipud ta tinulawam ti templok kadagiti amin nga inaramidmo a dakes ken makarimon, awanto ti asik a mangpukaw kenka. Daytoy ti sao ti Apo a Dios.

Ezekiel 7:4

Dikanto pakawanen wenno kaasian. Dusaenkanto gapu kadagiti makarimon nga aramidmo tapno maammoam a siak ni Yahweh.”

Ezekiel 7:9

Dikayto pakawanen wenno kaasian. Dusaenkayto gapu kadagiti aramidyo. Iti kasta, maammoanyonto a siak ni Yahweh, ket siak ti mangdusa kadakayo.”

Ezekiel 8:18

Mariknadanto ti amin a dawel ti pungtotko. Diakto pakawanen wenno kaasian ida. Uray no ipukkawda ti kararagda iti ingga ti kabaelanda, diakto ipangag ida.”

Ezekiel 9:10

Aramidek kadakuada ti inaramidda kadagiti padada a tao.”

Mikias 5:14

Duprakekto dagiti imahen ni Asera a didiosen iti dagayo, ket dadaelekto dagiti siudadyo.

Malakias 1:4

No kuna dagiti Edomita a kaputotan ni Esau, “Nadadael dagiti ilimi ngem bangonenminto manen ida,” daytoy ti sungbat ni Yahweh a Mannakabalin-amin, “Bangonenda latta ida ngem rebbaekto manen. Awaganto dagiti tattao ida iti ‘Ti managdakdakes a pagilian’ ken ‘Ti pagilian a kapungtot ti Apo iti agnanayon.’”

San Mateo 18:33

Kinaasiam met koma ti padam nga adipen a kas iti panangngaasik kenka.’

2 Taga-Corinto 10:4

Saan a dagiti igam ti lubong ti aramatenmi a pakidangadang. Usarenmi ketdi dagiti nabileg nga armas ti Dios a pangrebba kadagiti sarikedked ti kabusor. Dadaelenmi dagiti ulbod a pannakisuppiat.

Deuteronomio 28:52

Darupendanto dagiti amin nga ili iti daga nga ited kadakayo ti Apo a Diosyo. Marbanto dagiti nangato ken nasarikedkedan a bakud a pagtaltalgedanyo.

Deuteronomio 32:22

Sumgedto a kas apuy ti pungtotko, ket uramenna amin nga adda ditoy daga. Dumanonto iti akimbaba a lubong, ket uramenna dagiti puon ti bantay.