Dungdung-aw 2:19 - Ti Baro a Naimbag a Damag Biblia

¹⁹ Bumangonka nga umidda iti rabii, ket umasugka iti Apo. Yebkasmo ti adda dita pusom, ket dawatem a kaasianna dagiti annakmo— dagiti annakmo a matmatay iti bisin iti amin a nagsulian ti kalsada.

Ti Biblia (1973)

¹⁹ Tumacderca, agickisca iti rabii, iti pangrugianan dagiti panagpuyat; ibucbucmo ta pusom a cas danum iti sangoanan ti Apo: itag-aymo dagiti imam kencuana gapu iti biag dagiti annacmo nga ububbing nga agtalimudaw iti bisin iti oloanan ti tunggal lansangan.

Dungdung-aw 2:19 Iomraidhean Croise

Ti Libro ni Job 3:24

Saanak a makapangan ngem agladingitak, ti panagas-asugko kasla danum a maibuyat.

Dagiti Salmo 119:55

Iti rabii, O Apo, sika ti malaglagipko, ket tungpalek ti lintegmo.

Dagiti Salmo 134:2

Agkararagkayo iti Templo a sitatag-ay dagiti imayo, ket agdaydayawkayo iti Apo.

Dagiti Salmo 141:2

Awatem koma kadi toy kararagko a kas maysa nga insenso ken toy sitatag-ay nga imak a kas maysa a daton iti rabii.

Dagiti Salmo 142:2

Yumanko kenkuana dagiti amin a sakit ti nakemko. Ibagak kenkuana dagiti amin a parikutko.

Dagiti Salmo 142:3

Ammona ti rumbeng nga aramidek, no mapukawko ti namnamak. Nangikabil dagiti kabusorko iti pangsiloda kaniak.

Dagiti Salmo 28:2

Denggennak kadi no umasugak a tulongannak, iti nasantoan a templom, sitatag-ay dagiti imak.

Dagiti Salmo 42:3

Aldaw-rabii nga agsangsangitak, ket pannakataraonko dagiti luluak. Kanayon a saludsoden dagiti kabusorko, “Sadino ti ayan ti Diosmo?”

Dagiti Salmo 42:4

Lumdaangak no malagipko ti napalabas: kakuykuyogko idi dagiti mapmapan iti balay ti Dios. Ipanguloak ti naragsak a bunggoy a mangikankanta ken mangipukpukkaw iti pagdaydayaw iti Dios.

Dagiti Salmo 42:8

Sapay koma ta inaldaw nga ipakita ni Yahweh ti di agbalbaliw nga ayatna tapno iti rabii agkantaak iti pagdaydayaw kenkuana, maysa a kararag iti Dios ti biagko.

Dagiti Salmo 62:8

Tattaok, agtalekkay iti Dios iti amin a tiempo! Yamangyo kenkuana ti amin a parikutyo, ta isu ti pagkamangantayo.

Dagiti Salmo 63:4

Agyamanakto kenka iti unos ti panagbiagko; itag-aykonto dagiti imak kenka iti panagkararagko.

Isaias 26:9

Iti rabii, tarigagayanka iti amin a pusok; no ukomem ti daga ken dagiti tattaona, masursurodanto ti kaipapanan ti hustisia.

Isaias 51:20

Iti nagsulian ti tunggal kalsada, mapasag dagiti tattaom iti kapsutda; kasda la ugsa a natiliw iti silo ti mangnganup. Nariknada ti bara ti pungtot ti Dios.

Jeremias 14:18

No mapanak iti taltalon, makitak dagiti bangkay dagiti natay iti gubat. No mapanak kadagiti ili, makitak dagiti tattao a matmatay iti bisin. Itultuloy dagiti profeta ken papadi ti trabahoda ngem saanda nga ammo ti ar-aramidenda.”

Jeremias 9:20

Kinunak, “Dakayo a babbai, denggenyo ti kinuna ti Apo, ket ipangagyo dagiti saona. Isuroyo nga agdung-aw dagiti annakyo a babbai isuroyo dagiti gagayyemyo nga agkanta iti kansion ti pumpon.

Ezekiel 5:10

Pagangayanna, idiay Jerusalem, sidaento dagiti amma ken inna dagiti annakda, ket sidaento met dagiti annak dagiti nagannak kadakuada. Dusaenkayto, ket iwarawarakto dagiti natda a sibibiag iti amin a suli ti lubong.

Ezekiel 5:16

Isardengkonto ti pannakaited ti taraonmo ket bay-ankanto a matay iti bisin. Mariknamto ti saem ti bisin a kasla natadem a pana a naibiat a mangdadael kenka.

Mikias 1:16

Tattao ti Juda, pakuskosanyo dagiti uloyo a mangipakita iti ladingityo. Dung-awanyo dagiti patpatgenyo nga annak. Wen, kuskosanyo dagiti uloyo a kas iti ulo ti tumatayab a buitre, ta maipanaw dagiti annakyo a kas balud iti sabali a daga.

Nahum 3:10

Ngem kaskasdi a naitalaw a kas balud dagiti taga-Tebes. Nakabkabil agingga a natay dagiti annakda iti amin a nagsulian ti kalsada. Naipanaw a sikakawar dagiti mararaem a tattaona, ket nagbibingayan dagiti nangitalaw kadakuada.

San Mateo 14:25

Iti parbangon, nagna ni Jesus iti rabaw ti danum a napan iti yanda.

San Marcos 1:35

Nasipnget pay laeng iti sumuno a bigat idi bumangon ni Jesus ket pimmanaw iti balay. Nagturong iti disso nga awan matagtagitao iti ruar ti ili, ket nagkararag sadiay.

San Marcos 13:35

“Agridamkayo ngarud, ta diyo ammo no kaano ti isasangpet ti akimbalay: mabalin nga iti sardam wenno iti tengnga ti rabii wenno iti parbangon wenno iti agsapa.

San Lucas 6:12

Iti dayta a tiempo, simmang-at ni Jesus iti bantay tapno agkararag. Nagpatpatnag sadiay a nagkararag iti Dios.

1 Timoteo 2:8

Iti amin nga iglesia, tarigagayak nga agkararag dagiti lallaki. Masapul a napudnoda iti Dios ket masapul nga ingatoda ti imada bayat ti panagkararagda, nga awan pungtot wenno tarigagay a makisuppiat.

Uk-ukom 7:19

Dimteng ni Gideon ken dagiti 100 a tattaona iti asideg ti kampo sakbay ti tengnga ti rabii, apaman a nagsukat ti guardia. Nagtangguyobda sada binurak dagiti karamba nga iggemda.

1 Samuel 1:15

“Saanak a nabartek, apo,” insungbat ni Ana. “Saanak a nakainum! Maladingitanak, ket agkarkararagak. Yeb-ebkasko dagiti parikutko iti Apo.

1 Samuel 7:6

Naguummongda ngarud idiay Mizpa. Simmakdoda iti danum sada imbuyat iti imatang ni Yahweh, kas datonda kenkuana. Nagmalmalem a nagayunarda iti dayta nga aldaw. “Nagbasolkami iti Apo,” kinunada. (Idiay Mizpa ti nagrisutan ni Samuel kadagiti parikut ti Israel.)