Dungdung-aw 2:18 - Ti Baro a Naimbag a Damag Biblia

¹⁸ O Jerusalem, bay-am dagiti bakudmo nga umasug iti Apo. Palubosam nga agayus dagiti luam a kas karayan iti aldaw ken rabii. Bannogem dayta bagim iti panagsangsangit ken panagladladingit.

Ti Biblia (1973)

¹⁸ Ti pusoda nagpuccawda iti Apo: O bacud ti anac a babai ti Sion, pagayusem coma dagiti lulua a cas carayan iti aldaw ken rabii; dica agsardeng; dica ipalubos ti tao-tao ti matam a sumardeng.

Dungdung-aw 2:18 Iomraidhean Croise

Dagiti Salmo 119:136

Kas karayan nga agayus dagiti luak, gapu kadagiti tattao a mangsukir iti lintegmo.

Dagiti Salmo 119:145

Umawagak kenka, O Apo, iti amin a pusok. Ipangagnak kadi, ket tungpalekto dagiti bilinmo.

Jeremias 13:17

No dikay mangipangag, sangitakto iti nalimed ti kinatangsityo. Agsangitakto iti napait ket agarubosto ti luak agsipud ta naipanaw a kas balud dagiti tattao ti Apo.

Jeremias 14:17

Imbilin ti Apo kaniak nga ibagak kadagiti tattao ti maipapan iti ladingitko ket kunak: “Aldaw ken rabii nga agarubos koma dagiti luluak, saanak koma a sumardeng nga agsangsangit agsipud ta nasaem ti sugat dagiti tattaok; wen, napalalo ti pannakadunorda.

Jeremias 4:31

Nakangngegak iti kasla asug ti agpaspasikal, kasla ikkis ti babai nga agdadamo nga aganak. Um-umkis ti Sion! Al-alawenna ti angesna. Igawgaw-atna dagiti imana a kunkunana, “Saanakon a makalisi! Umayen dagiti mangpapatay kaniak.”

Jeremias 9:1

Kasla koma bubon ti ulok, ket dagiti matak ubbog ti lua, tapno aldaw ken rabii nga agsangitak gapu kadagiti napapatay a tattaok.

Dungdung-aw 1:16

“Isut' gapuna nga agar-arubos dagiti luluak. Awan makaliwliwa ken makaparegta kaniak. Pinarmeknakami ti kabusor; awanen natda a sanikua dagiti tattaok.

Dungdung-aw 1:2

Agpatpatnag nga agsangsangit, agar-arubos dagiti luana. Kadagiti nangay-ayat kenkuana, awanen natda a mangliwliwa. Liniputan dagiti gagayyemna, nagbalinda amin a kabusorna.

Dungdung-aw 2:8

Inkeddengen ti Apo a marpuog dagiti bakud ti Sion. Rinukodna ida tapno awan duadua ti pannakadadaelda. Agpapadan a narpuog dagiti pagwanawanan ken bakud.

Oseas 7:14

Dida ipapuso ti agkararag kaniak; agiikkisda ketdi a kasda la pagano tunggal agkararagda. No agdawatda iti trigo ken arak, sugatsugatenda ti bagbagida.

Habakuk 2:11

Uray dagiti bato iti diding, umkisda a bumusor kenka. Tumulad met dagiti pasanggir ti balay.