Dungdung-aw 2:15 - Ti Baro a Naimbag a Damag Biblia

¹⁵ Iti dalan a lumabas iti siudad, iwitwitiwit dagiti tattao ti im-imada a mangipakita iti pananglaisda. Agwingiwingda ket katawaanda ti narba a Jerusalem. Kastoy ti ikatawada, “Daytoy kadi ti kunada a napintas a siudad? Daytoy kadi ti pagtangtangsit ti lubong?”

Ti Biblia (1973)

¹⁵ Amin dagiti lumabas pagsipatenda dagiti imimada kenca; agsanamticda ken iwingiwingda dagiti ol-oloda iti anac a babai ti Jerusalem, a cunada, isu daytoy aya ti ili a ninagan dagiti tattao, Ti awan pagcuranganna a pintas, Ti ragsac ti sangalubongan?

Dungdung-aw 2:15 Iomraidhean Croise

2 Ar-ari 19:21

Kinunana, “Katawaannaka ti siudad ti Jerusalem, Senakerib, ket ang-angawennaka.

2 Cronicas 7:21

“Masdaawto dagiti aglabas inton makitada a narba metten daytoy nakadadaeg a Templo ket saludsodendanto: ‘Apay ngata a kastoy ti inaramid ti Apo iti daytoy a Templo ken iti daytoy a daga?’

Dagiti Salmo 109:25

Katawaandak dagiti tattao no makitadak; agwingwingiwingda a manglalais kaniak.

Dagiti Salmo 22:7

Amin a makakita kaniak, pagang-angawandak; guyguyaban ken wingwingiwingandak.

Dagiti Salmo 48:2

Nangato ken napintas ti Bantay Sion a pagtaengan ti Dios; ti siudad ti naindaklan nga Ari mangyeg iti rag-o iti sangalubongan.

Dagiti Salmo 48:3

Impakita ti Dios nga adda talged iti kaaddana iti uneg dagiti sarikedked ti siudad.

Dagiti Salmo 50:2

Agraniag ti Dios manipud iti Sion, ti nagpaidumat' pintasna a Sion, awan pagkuranganna.

Dagiti Salmo 64:8

Dadaelennanto ida gapu kadagiti balikasda, ket agwingiwingto dagiti amin a makakita kadakuada.

Isaias 28:21

Ta kas iti inaramidna idiay Bantay Perazim ken iti tanap ti Gabaon, tumakderto ti Apo a mangiparikna ti pungtotna tapno ibanagna ti panggepna nga aramiden, uray no kasla naidumduma ti aramidna. Leppasennanto ti trabahona ket nakaskasdaawto dayta a trabaho.

Isaias 37:22

kinuna ni Yahweh, “Senakerib, katawaannaka ti siudad ti Jerusalem ket pagang-angawannaka.

Isaias 64:11

Nauramen ti Templomi, ti nasagradoan ken napintas a lugar a nagdaydayawan idi kenka dagidi kapuonanmi. Nadadael amin a lugar nga impatpategmi.

Jeremias 18:16

Pinagbalinda a nakabutbuteng daytoy a daga; nagbalin a mauy-uyaw iti agnanayon. Makigtotto amin a lumabas iti makitada, agwingiwingdanto iti siddaawda.

Jeremias 19:8

Idissuorkonto ti nakabutbuteng a pannakadadael iti daytoy a siudad. Makigtot ken masdaawto dagiti lumabas a makakita iti napasamak iti daytoy a lugar.

Jeremias 25:18

Imminum ti Jerusalem, dagiti il-ili ti Juda, dagiti ari ken dagiti pangulo tapno aglangalangda ken agbalinda a nakabutbuteng ken nakakigkigtot a buya. Iti kasta, aramatento dagiti tattao ti naganda a pagilunod. (Kasta pay laeng agingga ita.)

Jeremias 25:9

‘Paayabakto dagiti amin a tattao iti amianan agraman ni adipenko a Nebucadnesar nga ari ti Babilonia. Ibaonkonto ida a manggubat iti daytoy a nasion, kadagiti nagnaed kenkuana ken kadagiti amin a nasion a kabangibangna. Pukawekto ida a mamimpinsan. Agnanayonto nga aglangalang ti dagada ket agbalindanto a pagsidsiddaawan ken pagbutbutngan. Siak, ni Yahweh, ti nagsao iti daytoy.

Jeremias 26:6

No itultuloyyo ti agsukir, aramidekto iti daytoy a Templo ti kas iti inaramidko iti Silo. Aramatento dagiti amin a nasion a pagilunod ti nagan daytoy a siudad.”

Jeremias 29:18

Kamatekto ida babaen iti gubat, bisin ken angol. Iti kasta, makigtotto dagiti amin a nasion iti lubong iti makitada. Sadinoman a pangiwaraak kadakuada, makigtot ken agalinggagetto dagiti tattao a makakita iti napasamak kadakuada. Rabrabakento ida dagiti tattao ket usarendanto ti naganda a pagilunod.

Jeremias 48:27

Moab, malagipmo ti panangrabrabakmo idi kadagiti Israelita? Imbilangmo ida a kasla ketdin tiniliw ida ti bunggoy dagiti tulisan.

Jeremias 51:37

Agbalinto dayta a pagilian a nagrebbaan a taeng dagiti atap nga animal. Nakabutbutengto ti buyana. Awanto ti agtaeng sadiay, ket makigtotto dagiti amin a makakita iti napasamak kenkuana.

Dungdung-aw 1:21

“Denggem dagiti asugko, awan mangliwliwa kaniak. Maragsakan dagiti kabusorko gapu iti indissuormo a didigra. Yegmo ti aldaw nga inkarim; pagsagabaem dagiti kabusorko a kas iti bukodko a panagsagaba.

Dungdung-aw 1:8

Napukawen ti dayawna, lamolamo ken lalaisenda. Agasug ket sibabain a mangilemmeng iti rupana. Tinulawanna ti bagina gaput' nadagsen a basolna.

Dungdung-aw 2:16

Laisendaka dagiti amin a kabusormo, napnoanda iti gura a mangmulagat kenka. Aglibbi ken guy-guyabandaka a kunada, “Dinadaelmin ti siudad! Daytoy ti tiempo nga inur-uraymi ket itan nakitami.”

Dungdung-aw 2:6

Binurakburakna ti Templo a nagdaydayawantayo kenkuana. Ginibusan ni Yahweh dagiti aldaw a nasantoan ken Aldaw a Panaginana. Agpada ti ari ken padi a nakarikna ti bileg ti pungtotna.

Ezekiel 16:13

Naaddaanka kadagiti alahas a pirak ken balitok ket kanayon nga agkaweska iti nabordaan a linen ken seda a pagan-anay. Nangnanganka iti tinapay a naaramid iti kasayaatan nga arina. Adda diro ken lana ti olibo a taraonmo. Nagpaiduma ti pintasmo ket nagbalinka a reyna.

Ezekiel 16:14

Nagdinamag ti pintasmo iti tunggal pagilian. Awan ti pagkurangan ti kinapintasmo ta pinagbalinka a nakapimpintas.” Daytoy ti kuna ti Apo a Dios.

Ezekiel 23:32

Kuna ti Apo a Dios, “Uminumkanto iti kopa ni kabsatmo, kopa a dakkel ken nauneg ti lansadna. Napno dayta a kopa ket lalaisen ken umsiendakanto ti amin.

Ezekiel 25:6

“Daytoy ti kuna ti Apo a Dios, ‘Nagtitipatkayo ket naglagtolagtokayo iti rag-o, kas pananglaisyo iti daga ti Israel.

Ezekiel 5:15

“No kaunget ken kapungtotka ket dusaenka, agbutengto dagiti amin a nasion iti lawlawmo. Karimondakanto a kitaen ket pagang-angawandakanto.

Daniel 9:16

Sinalaknibannakami iti napalabas isut' gapuna a dimo kadin kapungtot ti Jerusalem a siudadmo, ti nasagradoan a bantaymo. Dagiti amin a tattao kadagiti aglawlaw a pagilian, umsienda ti Jerusalem ken dagiti tattaom gapu kadagiti basolmi ken gapu kadagiti dakes nga inaramid dagiti kapuonanmi.

Mikias 6:16

Maaramid dagitoy ta tultuladem dagiti dakes nga ugali ni Ari Omri ken ni Ari Ahab nga anakna. Itultuloymo dagiti pagannurotanda. Ngarud, yegkonto ti pannakadadaelmo ket pagang-angawandanto dagiti amin a tattaom. Lalaisendakayto dagiti amin a tattao.”

Nahum 3:19

Saanen a maagasan dagiti dunormo, ket saanen a maimbagan dagiti sugatmo. Maragsakanto dagiti amin a makadamag, iti pannakadadaelmo ket agsipatdanto iti ragsakda. Adda aya nakalibas iti saan nga agpatingga a kinaranggasmo?

Sofonias 2:15

Daytoyto ti mapasamak iti siudad a natangsit unay gapu iti pannakabalinna. Ipagarupna a natalged ket awan ti pakaan-anoanna. Ipagarup dagiti tattaona a ti siudadda ti kabilgan iti lubong. Aglangalangto ket agbalinto nga apon dagiti atap nga animal. Agalinggagetto ti siasinoman a magna sadiay.

San Mateo 27:39

Winingwingiwingan dagiti aglabas ken linalaisda ni Jesus:

San Marcos 15:29

Nagngirsi dagiti tattao nga aglabas. Pinagsasaoanda ni Jesus: “Kinunkunam a rebbaem ti Templo samo bangonen met laeng iti uneg ti tallo nga aldaw.