Dungdung-aw 2:12 - Ti Baro a Naimbag a Damag Biblia

¹² Umasugda kadagiti innada gapu iti bisin ken wawda. Mapasagda kadagiti kalsada a kasda la nasugatan. Main-inutda a matay iti saklot dagiti innada.

Ti Biblia (1973)

¹² Cunaenda cadagiti innada, sadino ti yan ti bagas ken arac? Indinto a matalimudawda cas cadagiti nasugat cadagiti lansangan ti ili, idinto a ti cararuada maibuyat iti saclot dagiti innada.

Dungdung-aw 2:12 Iomraidhean Croise

Ti Libro ni Job 30:16

Ita, umasidegen ti ipapatayko; di met laengen lumag-an ti sagsagabaek.

Dagiti Salmo 42:4

Lumdaangak no malagipko ti napalabas: kakuykuyogko idi dagiti mapmapan iti balay ti Dios. Ipanguloak ti naragsak a bunggoy a mangikankanta ken mangipukpukkaw iti pagdaydayaw iti Dios.

Dagiti Salmo 62:8

Tattaok, agtalekkay iti Dios iti amin a tiempo! Yamangyo kenkuana ti amin a parikutyo, ta isu ti pagkamangantayo.

Isaias 51:20

Iti nagsulian ti tunggal kalsada, mapasag dagiti tattaom iti kapsutda; kasda la ugsa a natiliw iti silo ti mangnganup. Nariknada ti bara ti pungtot ti Dios.

Isaias 53:12

Ikkakto ngarud iti natan-ok a saad, saad a maipaay kadagiti natan-ok ken nabileg a tattao. Siaayat a nangted iti biagna, ket naibilang kadagiti managdakdakes. Innalana ti lugar dagiti adu a managbasol, ket sinagabana ti dusa a maipatay kadakuada.”

Jeremias 5:17

Kanendanto dagiti apit ken taraonyo. Patayendanto dagiti amin nga annakyo. Alaendanto amin nga arban ken pangenyo. Ibusendanto dagiti ubas ken igosyo. Rebbaento ti armadada dagiti siudad a nasarikedkedan a pagtaltalgedanyo.

Dungdung-aw 1:11

Agasug dagiti tattaona nga agsapsapul iti kanenda. Isukatda dagiti gamengda iti taraon tapno agbiagda. “Kitaennak, O Apo,” isangit ti siudad. “Kitaennak nga agsagsagaba.”

Dungdung-aw 4:4

Bay-anda dagiti maladagada a matay iti bisin ken waw. Dumawat dagiti ubbing iti kanenda, ket awan ti mangted kadakuada.

Ezekiel 30:24

Kalpasanna, papigsaekto dagiti takkiag ti ari ti Babilonia ket ipaiggemkonto kenkuana ti kampilanko. Ngem tukkolekto dagiti takkiag ti ari ti Egipto ket agasugto agingga a matay iti sangoanan ti kabusorna.