Dungdung-aw 2:11 - Ti Baro a Naimbag a Damag Biblia

¹¹ Limtegen dagiti matak iti kasasangit; mariribuk ti kararuak. Napakapsutanak iti ladingit gapu iti pannakadadael dagiti kailiak. Matalimudaw dagiti ubbing ken maladaga kadagiti kalsada iti siudad.

Ti Biblia (1973)

¹¹ Dagiti matac agcapuyda gapu cadagiti lulua, ti pusoc mariribuc; ti dalemco maibelleng iti daga, gapu iti pannacadadael ti anac a babai ti ilic, ta dagiti ububbing a babassit ken dagiti agsuso matalimudawda cadagiti lansangan ti ili.

Dungdung-aw 2:11 Iomraidhean Croise

Ti Libro ni Job 16:13

ket panaenna ti amin a sikigak kadagiti pana a mangdunor ken mangsalput kaniak; uray kasta, pulos a dinak kaasian.

Ti Libro ni Job 30:27

Kasla marangrangkay toy bagik gapu iti danag ken rigat, panagsagaba laeng ti adda iti masakbayak.

Dagiti Salmo 119:82

Nasakiten dagiti matak nga agur-uray iti inkarim, ket kunak, “Kaanonto nga umayka tumulong kaniak?”

Dagiti Salmo 22:14

Naibusen ti amin a pigsak, kasla danum a naibuyat. Agkutukoten amin a tultulangko, toy pusok kasla allid a marunaw iti unegko.

Dagiti Salmo 31:9

O Apo, kaasiannak, ta adda pakariribukak. Iti kasasangitko napaksuyanen dagiti matak, agraman bagi ken kararuak.

Dagiti Salmo 38:8

Agkakapsutak ket awanen ti pigsak; mariribukan toy pusok, ket agasugak gapu iti ut-ot.

Dagiti Salmo 6:7

Kumudrepen ti panagkitak; lumlumtegen dagiti matak iti kasasangitko gapu kadagiti amin a kabusorko.

Dagiti Salmo 69:3

Nautoyanakon nga umaw-awag iti tulong, ket agmagan ti karabukobko; naapgesen dagiti matak a mangur-uray kenka.

Isaias 22:4

Ita, dakayo a tattao, bay-andak nga agsangit iti nasaem. Didak liwliwaen ta adu ti natay kadagiti tattaok.

Isaias 38:14

Nakapuy ken di makasngaw ti timekko, kaslaak kalapati iti panagas-asugko. Nabannog dagitoy matak a tumangtangad iti langit; O Apo, ispalennak kadagitoy amin a rigat.

Isaias 51:20

Iti nagsulian ti tunggal kalsada, mapasag dagiti tattaom iti kapsutda; kasda la ugsa a natiliw iti silo ti mangnganup. Nariknada ti bara ti pungtot ti Dios.

Jeremias 14:17

Imbilin ti Apo kaniak nga ibagak kadagiti tattao ti maipapan iti ladingitko ket kunak: “Aldaw ken rabii nga agarubos koma dagiti luluak, saanak koma a sumardeng nga agsangsangit agsipud ta nasaem ti sugat dagiti tattaok; wen, napalalo ti pannakadunorda.

Jeremias 4:19

Nagsakiten! Diak maibturan ti saemna. Aggutok-gutok ti pusok! Saanak a makatalna. Mangngegko ti uni ti trumpeta ken ti arimbangaw ti gubat.

Jeremias 44:7

“Ngarud, siak, ni Yahweh a Mannakabalin-amin a Dios ti Israel, saludsodek man no apay nga agaramidkayo iti kasta a kinadakes? Kayatyo kadi a yegko ti pannakadadael iti Juda: lallaki ken babbai, ubbing ken maladaga tapno awan ti matda kadakayo?

Jeremias 8:19

Denggenyo! Iti entero a daga mangngegko nga isangsangit dagiti tattaok, “Awanen aya ti Apo idiay Sion? Awanen aya sadiay ti ari ti Sion?” Sumungbat ni Yahweh nga arida, “Apay a pinagpungtotdak babaen iti panagdaydayawyo kadagiti imahen? Apay a nagtamedkayo kadagiti awan serserbina a didiosenyo?”

Dungdung-aw 1:11

Agasug dagiti tattaona nga agsapsapul iti kanenda. Isukatda dagiti gamengda iti taraon tapno agbiagda. “Kitaennak, O Apo,” isangit ti siudad. “Kitaennak nga agsagsagaba.”

Dungdung-aw 1:16

“Isut' gapuna nga agar-arubos dagiti luluak. Awan makaliwliwa ken makaparegta kaniak. Pinarmeknakami ti kabusor; awanen natda a sanikua dagiti tattaok.

Dungdung-aw 1:20

“Kitaem, O Apo, ti panagsagabak, iti panagtuok ti kararuak! Madudog ti pusok iti ladingit gapu kadagiti basbasolko. Iti kalsada, adda panagdung-aw gapu iti kampilan; iti uneg dagiti balay, adda met panagpapatay.

Dungdung-aw 5:17

Nadagsen dagiti barukongmi, nakudrep ti panagkitami gapu iti kasasangitmi.

San Lucas 23:29

Ta umasidegen dagiti aldaw a panagkunanto dagiti tat-tao, ‘Nagasat dagiti babbai a di nagan-anak, di nagsikog ken di nagpasuso!’