Dungdung-aw 2:10 - Ti Baro a Naimbag a Damag Biblia

¹⁰ Naulimek dagiti lallakay iti Jerusalem. Agtutugawda iti daga. Tapoktapok dagiti uloda ket nakersang a lupot ti kawesda. Nakadumog dagiti babbalasitang ket mulmulenglenganda ti daga.

Ti Biblia (1973)

¹⁰ Dagiti panglacayen ti anac a babai ti Sion agtugawda iti daga, agulimecda; nangicabilda iti tapuc iti rabaw dagiti ol-oloda; nagbarikesda iti lupot a nakersang; dagiti babbalasang ti Jerusalem itamedda dagiti ol-oloda iti daga.

Dungdung-aw 2:10 Iomraidhean Croise

2 Samuel 13:19

Winarakiwakan ni Tamar ti ulona iti dapu. Rinay-abna ti kawesna sana intakkab ti imana iti rupana ket agsangsangit a nagawid.

Isaias 15:3

Kadagiti kalsada, nakaarruat dagiti tattao iti nakersang a lupot. Kadagiti plasa ken tuktok dagiti balbalay, agdudung-aw ken agsasangit dagiti tattao.

Isaias 3:24

Imbes nga agayamuonda iti bangbanglo, agadiwaradanto iti buyok. Imbes a napintas a barikes, nakersang a tali; imbes a naurnosto ti buok, kalbodanto; imbes a napintas ti pagan-anayda, rutayrutaydanto. Pakaibabainandanto ti pintasda.

Isaias 3:26

Agdung-aw ken agsangitto dagiti ruangan ti siudad, ket mayarigto ti mismo a siudad iti babai a lamolamo nga agtugtugaw iti daga.

Isaias 36:22

Kalpasanna, rinay-ab da Eliakim, Sebna ken Joas ti pagan-anayda iti ladingitda sada napan impakaammo iti ari ti imbaga ti ofisial a taga-Asiria.

Isaias 47:1

Kuna ni Yahweh, “Bumabaka iti tronom, Babilonia, ket agtugawka iti tapok iti daga. Mayarigka idi iti maysa a birhen, maysa a siudad a di pay naparmek. Saankan a nalibnos, nagkupasen pintasmo! Maysakan a tagabu!

Isaias 47:5

Kuna ni Yahweh iti Babilonia, “Agtugawka iti naulimek ken nasipnget a lugar; didakanton awagan iti reyna dagiti pagilian!

Jeremias 8:14

“Apay nga agtutugawtayo nga awan ti ar-aramidentayo?” saludsoden dagiti tattao ti Dios. “Umaykayon, intayo kadagiti nasarikedkedan a siudad ket mataytayo sadiay. Inkeddeng ti Apo a Diostayo a mataytayo. Inikkannatayo iti nasabidongan a danum nga inumentayo agsipud ta nagbasoltayo kenkuana.

Dungdung-aw 1:1

Naglidayen ti kasasaad ti Jerusalem! Adu idi ti taona ngem ita nabaybay-anen. Raraemen idi ti lubong, ngem ita kasla maysan a balo. Katan-okan idi kadagiti siudad ngem nagbalin a tagabu.

Dungdung-aw 1:4

No dumteng dagiti nasantoan nga aldaw, Awanen ti umay iti Templo nga agdaydayaw. Agsagsagaba dagiti babbai a para-kanta sadiay, Awanen ti maaramid dagiti papadi no di agsennaay. Kadagiti ruangan ti siudad awanen tattao. Ket agsagsagaba ti Sion iti napalalo.

Dungdung-aw 3:28

No agsagabatayo, masapul nga agmaymaysatayo, ket aganustayo a siuulimek.

Dungdung-aw 4:16

Awan pangaramatan kadakuada ti Apo; isu met la ti nangwarawara kadakuada. Dina binigbig dagiti papadi ken papangulomi.

Dungdung-aw 4:5

Matmatay iti bisin kadagiti kalsada dagiti tattao a naimas idi ti taraonna. Dagiti dimmakkel iti nanam-ay a panagbiag agsuksukainda iti basura nga agbirok iti kanenda.

Dungdung-aw 5:12

Tiniliw ken binitayda dagiti pangulomi, saanda a rinaem dagiti panglakayenmi.

Dungdung-aw 5:14

Saanen a dumar-ay dagiti panglakayen iti taripnongda, dagiti agtutubo saanen a mangngeg ti panagtokarda.

Ezekiel 27:30

Dung-awandaka amin iti nasaem; purruakanda ti uloda iti tapok; agtulidtulidda iti dapu.

Ezekiel 27:31

Kuskosanda ti uloda gapu kenka, ket agpanesda. Madudog ti pusoda, bayat ti panagsangitda.

Ezekiel 7:18

Agarruatdanto iti nakersang a lupot. Agtigergerdanto. Makuskosanto dagiti uloda ket maibabaindanto.

Joel 1:8

Agdung-awkayo a kas iti balasang a mangdung-aw iti ipapatay ti pakayasawaanna.

Amos 5:13

Dakes dagiti kasta a tiempo ket nasaysayaat nga agulimek ti manakem a tao.

Amos 8:13

Iti dayta nga aldaw, matalimudawto iti waw uray pay dagiti napipintas a babbalasang ken napipigsa a babbaro.

Amos 8:3

Iti dayta nga aldaw, agbalinto a dung-aw dagiti kankanta iti palasio. Agkaiwaranto dagiti bangkay. Maibellengdanto iti ruar nga awan arimekmek.”

Jonas 3:6

Idi madamag daytoy ti ari ti Nineve, timmakder iti tronona sana inuksob ti pagan-anayna. Nagkawes met iti nakersang a lupot ket nagtugaw iti nabunton a dapu.

Josue 7:6

Iti ladingit ni Josue ken dagiti pangulo ti Israel, rinay-abda ti pagan-anayda, inikkanda iti tapok dagiti uloda ket nagpaklebda iti daga iti sango ti Lakasa ti Tulag ni Yahweh agingga iti sumipnget.

Paltiing 18:19

Inikkanda dagiti uloda iti tapok ket kinunada a sililiday: “Nakabutbuteng! Nakaam-amak ti napasamak iti agdindinamag a siudad! Dayta a siudad ti bimmaknangan dagiti amin nga adda barkona nga agbibiahe. Ngem napukawna amin iti uneg ti maysa nga oras!”