Dungdung-aw 1:9 - Ti Baro a Naimbag a Damag Biblia

⁹ Nalaka idi a makita ti kinarugitna. Ngem dina inkankano ti pagbanaganna. Nakaal-alliaw ti pannakaparmekna, awan makaliwliwa kenkuana. Nagballigi dagiti kabusorna, ket agdawat ken ni Yahweh iti panangngaasina.

Ti Biblia (1973)

⁹ Ti kinarugitna adda idi cadagiti cainna; isu saanna a nalagip ti maududi a casasaadna; iti casta immulog a nacascasdaaw, awan ti mangliwliwa kencuana: kitaem, O Jehova, ti tuocco; ta ti cabusor pinadackelna ti bagina met laeng.

Dungdung-aw 1:9 Iomraidhean Croise

2 Samuel 16:12

Nalabit a makita ti Apo ti panagtutuokko ket bendisionannak a supapak dagitoy a pannakailunodko.”

2 Ar-ari 14:26

Naimatangan ni Yahweh ti nakaro a panagsagaba dagiti Israelita. Awan ti uray maysa a tumulong kadakuada.

Nehemias 9:32

“O Dios a Diosmi, naindaklanka unay! Nakabutbuteng ken mannakabalinka! Salimetmetam a sipupudno dagiti karim iti katulagam. Manipud iti tiempo a panangidadanes kadakami dagiti ar-ari ti Asiria, adun ti sinagsagabami agpapan ita. Nagsagaba dagiti ar-arimi, dagiti papangulo, papadi ken profetami, dagiti kapuonanmi ken amin a tattaomi. Lagipem kadi ti adu unay a sinagabami.

Dagiti Salmo 119:153

Kitaem kadi ti panagsagabak ket isalakannak, gapu ta diak binaybay-an ti lintegmo.

Dagiti Salmo 140:8

O Apo, dimo patgan ti kalikagum dagiti managdakdakes. Dimo pagballigien dagiti dakes a panggepda.

Dagiti Salmo 25:18

Imatangam dagiti amin a ladingit ken sagabaek, ket pakawanem dagiti amin a basolko.

Dagiti Salmo 69:21

Inikkandak iti sabidong idi mabisinak; pinainumdak iti suka idi mawawak.

Exodo 3:17

Inkeddengko nga iruarko ida idiay Egipto ket ipanko ida iti daga dagiti Cananeo, Heteo, Amorreo, Perezeo, Heveo ken Jebuseo. Nadam-eg ken nabunga dayta a daga.

Exodo 3:7

Kinuna ni Yahweh, “Nakitak ti nakakaasi a kasasaad dagiti tattaok idiay Egipto. Nangngegko ti panagdawatda iti tulong gapu iti pannakaparparigatda. Wen, ammok dagiti sagsagabaenda.

Exodo 4:31

Namatida. Idi nangngegda a sinarungkaran ida ni Yahweh ket nakitana ti pannakaparparigatda, nagdumogda sada nagdaydayaw.

Eclesiastes 4:1

Makitak manen dagiti amin a pannakairurumen a maar-aramid ditoy lubong. Agsasangit dagiti mailupitlupit ket awan ti tumulong kadakuada. Awan tumulong kadakuada gapu ta adda bileg kadagiti mangidadanes kadakuada.

Isaias 3:8

Wen, nasentensiaanen a madadael ti Jerusalem! Marmarban ti Juda! Maibusor ken ni Yahweh ti amin a sao ken aramidda. Insultoenda ti Dios iti sango dagiti tattao.

Isaias 37:17

Dumngegka ngarud, O Apo, ket kitaem ti mapaspasamak kadakami. Denggem ti amin a sao ni Senakerib a pangumsi kenka, sika a sibibiag a Dios.

Isaias 37:23

Siasino ti ipagarupmo a linalais ken inum-umsim? Awan ti panagraemmo kaniak, siak a Nasantoan a Dios ti Israel.

Isaias 37:29

Nangngegko ti maipapan iti dayta a pungtot ken kinatangsitmo. Ita, taldenganka ket busalanka saka isubli iti naggapuam. Ipagnaka iti isu met la dalan a nagnaam nga immay.”

Isaias 37:4

Imbaon ti emperador ti Asiria ti kangatoan nga ofisialna a nanglais iti sibibiag a Dios. Sapay koma ta mangngeg ti Apo a Diosmo dagitoy a panglais ket dusaenna dagiti nagsao. Ngarud, ikararagam dagiti makalasat a tattaotayo.”

Isaias 40:2

Paregtaenyo dagiti tattao ti Jerusalem. Ibagayo kadakuada nga umdasen ti nabayag a panagsagsagabada, ket napakawanen dagiti basbasolda. Naan-anay ti panangdusak kadakuada gapu kadagiti amin a basolda.”

Isaias 47:7

Impagarupmo nga agnanayonto a reynaka, ket dimo impapuso dagitoy a bambanag; dimo pinanunot no anianto ti pagbanagan ti amin.

Isaias 51:19

Dua a didigra ti nagdissuor kenka; immay ti gubat a nangdadael iti dagam ket nagbisin dagiti tattaom. Awan ti mangngaasi kenka.

Isaias 54:11

Kuna ti Apo, “Nakaay-ay-ay ken agsagsagabaka, O Jerusalem, siudad nga awan ti mangliwliwa. Bangonek manen dagiti fondasionmo, agkakapateg a bato ti pangtarimaanko.

Jeremias 13:27

Nakitanakayo ni Yahweh a nagaramid iti kagurgurana. Nakitanakay a simmursurot kadagiti didiosen dagiti pagano kadagiti turturod ken taltalon; kaslakayo la lalaki nga aggartem iti asawa ti kaarrubana wenno kasla kalakian a kabalio a kumamat iti kabaian. Asikayo pay, tattao ti Jerusalem! Kaanonto ti panagbalinyo a nadalus?

Jeremias 16:7

Awanto ti makipangan wenno makiinum iti siasinoman tapno liwliwaenna inton matay ti ipatpategna. Awanto ti mangngaasi iti siasinoman, uray pay iti nagpasina iti ama wenno inana.

Jeremias 2:34

Namansaan dagiti pagan-anaymo iti dara dagiti napanglaw ken awan basolna, saan nga iti dara dagiti mannanakaw. “Ngem uray kasta,

Jeremias 48:26

Kinuna ni Yahweh, “Bartekenyo ti Moab agsipud ta sinukirnak. Aglugnakto iti mismo a saruana ket katawaanto dagiti tattao.

Jeremias 5:31

Pasig nga ulbod ti sasawen dagiti profeta. Isuro dagiti papadi ti kaykayatda ket magustoan met ti kasta dagiti tattaok. Ngem anianto ti aramidenda inton agpatingga amin dagitoy?”

Jeremias 50:29

“Ibagayo kadagiti pumapana a rautenda ti Babilonia. Ibaonyo dagiti amin a makaammo nga agpana. Lakubenyo ti siudad! Diyo ipalubos nga adda makalibas. Ibalesyo kenkuana ti amin nga inaramidna kadagiti sabsabali agsipud ta sitatangsit a nangbusor kaniak, siak a Nasantoan ti Israel.

Dungdung-aw 1:17

“Nagpatulongak ngem awan ti tumulong kaniak. Nangayab ti Apo kadagiti kabusor tapno lawlawendak. Narugit a nisnis ti nangibilanganda kaniak.

Dungdung-aw 1:21

“Denggem dagiti asugko, awan mangliwliwa kaniak. Maragsakan dagiti kabusorko gapu iti indissuormo a didigra. Yegmo ti aldaw nga inkarim; pagsagabaem dagiti kabusorko a kas iti bukodko a panagsagaba.

Dungdung-aw 2:13

O Jerusalem, siudad nga ipatpategko, ania ti maibagak? Kasano ti panangliwliwak kenka? Awan pay ti nagsagaba iti kastoy. Di matukod a kas iti taaw ti pannakadidigram; awan ti namnama a maimbaganka.

Dungdung-aw 4:1

Napukawen ti rimat ti nasudi a balitokmi! Agkaiwara iti kalsada dagiti bato ti Templo.

Dungdung-aw 5:1

Lagipem, O Apo, ti napasamak kadakami; talliawennakami ket kitaem ti pannakaibabainmi.

Oseas 2:14

Isut' gapuna nga ipankonto manen iti let-ang. Magun-odkonto manen ti panagayatna babaen kadagiti makaay-ayo a sarita.

Sofonias 2:10

Kastoyto ti pannakadusa dagiti tattao ti Moab ken Ammon gapu iti kinatangsit ken kinapasindayagda ken gapu iti pananglalaisda kadagiti tattao ti Apo a Mannakabalin-amin.

San Juan 11:19

ket adu a taga-Judea ti napan nangliwliwa kada Marta ken Maria gapu iti ipapatay ti kabsatda a lalaki.

Deuteronomio 26:7

Immasugkam iti Apo a Dios dagiti kapuonanmi. Impangagna dagiti asugmi; nakitana ti panagsagaba, pannakaparparigat ken panagladladingitmi.

Deuteronomio 32:27

Ngem diak ipalubos nga agpalangguad dagiti kabusorda, ket ibagada a pinarmekda dagiti tattaok, ket kunada a saan a siak a mismo ti mangdadael kadakuada.’

Deuteronomio 32:29

Dida ammo no apay a naparmekda, dida maawatan ti napasamak kadakuada.

1 Pedro 4:17

Dimtengen ti tiempo a panangukom ti Dios ket umunanto nga ukomenna dagiti bukodna a tattao. No datayo ti pangrugian ti panangukomna, anianto ngata ti pagtungpalan dagiti saan nga agtulnog iti ebanghelio ti Dios?

1 Samuel 1:11

Adda kari a sinapataan ni Ana: “O Apo a Mannakabalin-amin, ipangagnak kadi nga adipenmo. Kitaem ti parikutko ket lagipennak! Wen, dinak koma liplipatan! No ikkannak iti anak a lalaki, ikarik nga idaton kenka iti unos ti panagbiagna, ket pulos a dinanto papukisan ti buokna.”