Dungdung-aw 1:8 - Ti Baro a Naimbag a Damag Biblia

⁸ Napukawen ti dayawna, lamolamo ken lalaisenda. Agasug ket sibabain a mangilemmeng iti rupana. Tinulawanna ti bagina gaput' nadagsen a basolna.

Ti Biblia (1973)

⁸ Ti Jerusalem nacabasol iti nacalcaldaang unay; gapuna a nagbalin a cas narugit; amin dagiti nangdaydayaw kencuana uyuyawenda, ta nakitadan ti kinalamolamona: wen, agsainnec, ket aglicuden.

Dungdung-aw 1:8 Iomraidhean Croise

Genesis 3:7

Apaman a nakapanganda, naaddaanda iti pannakaawat ket nabigbigda a lamolamoda. Iti kasta, namagsasaipda kadagiti bulong ti kayo nga igos a pinangabbongda iti bagida.

1 Ar-ari 9:6

Ngem no tallikudandak, sika wenno dagiti kaputotam, no diyo tungpalen dagiti bilin ken linteg nga ipaalagadko kadakayo, ket agserbi ken agdaydayawkayo kadagiti didiosen,

1 Ar-ari 9:7

pagtalawekto dagiti tattaok nga Israelita iti daga nga intedko kadakuada. Baybay-akto daytoy a Templo a kinonsagrarko a pagdaydayawan dagiti tattao kaniak. Sarsaritaendanto ti Israel ket lalaisento dagiti tattao iti amin a lugar.

1 Ar-ari 9:9

Ket isungbatto dagiti dadduma, ‘Gapu ta binaybay-an dagiti tattao ti Apo a Diosda a nangiruar kadagiti kapuonanda iti daga ti Egipto. Insapatada ti kinapudnoda kadagiti didiosen ket nagdaydayaw ken nagserbida kadakuada. Daytoy ti gapuna nga indissuor ti Apo daytoy a didigra kadakuada.’”

Isaias 47:3

Makitadanto ti kinalamolamom a kas babai a tagabu, maimatangandanto ti pannakaipababa ken pannakaibabainmo. Agibalesakto ket awan ti makaatipa.”

Jeremias 13:22

Saludsodenyo no apay a napasamak kadakayo daytoy? Apay a naray-ab dagiti pagan-anayyo? Apay a naramrameskayo? Napasamak dagitoy agsipud ta nadagsen unay ti basolyo.

Jeremias 13:26

Uksobento ti Apo ti pagan-anayyo, ket ibabainnakayto.

Jeremias 15:4

Pagbalinekto ida a pagbutbutngan dagiti pagarian ti lubong gapu iti dakes nga inaramid ni Manases nga anak ni Hezekias iti Jerusalem idi isu ti ari idiay Juda.”

Jeremias 24:9

Didigraekto ida tapno agbuteng dagiti amin a nasion ditoy lubong. Rabrabaken, pagang-angawan ken ab-abiento ida dagiti tattao. Pagilunoddanto ti naganda iti amin a lugar a pangiwarawaraak kadakuada.

Jeremias 32:23

Ngem idi immayda iti daytoy a daga ket tinagikuada, dida nagtulnog kadagiti bilinmo wenno nagbiag a mayannurot kadagiti pannursurom. Awan tinungpalda kadagiti imbilinmo nga aramidenda. Daytoy ti gapuna nga inyegmo kadakuada amin dagitoy a pannakadadael.

Jeremias 34:17

Iti kasta, siak, ni Yahweh, kunak kadakayo a saandak a tinungpal. Saanyo a winayawayaan dagiti padayo a Hebreo. Ala ngarud, ikkankayo iti wayawayayo; wayawaya a matay iti gubat, angol ken bisin. Pagbutngekto amin a nasion iti lubong gapu iti aramidko kadakayo.

Jeremias 4:31

Nakangngegak iti kasla asug ti agpaspasikal, kasla ikkis ti babai nga agdadamo nga aganak. Um-umkis ti Sion! Al-alawenna ti angesna. Igawgaw-atna dagiti imana a kunkunana, “Saanakon a makalisi! Umayen dagiti mangpapatay kaniak.”

Jeremias 6:28

Napalalo ti kinasukirda; agpagnapagnada a mamarpardaya. Kasda la bronse ken landok; naigamerda amin iti kinadakes.

Dungdung-aw 1:11

Agasug dagiti tattaona nga agsapsapul iti kanenda. Isukatda dagiti gamengda iti taraon tapno agbiagda. “Kitaennak, O Apo,” isangit ti siudad. “Kitaennak nga agsagsagaba.”

Dungdung-aw 1:17

“Nagpatulongak ngem awan ti tumulong kaniak. Nangayab ti Apo kadagiti kabusor tapno lawlawendak. Narugit a nisnis ti nangibilanganda kaniak.

Dungdung-aw 2:10

Naulimek dagiti lallakay iti Jerusalem. Agtutugawda iti daga. Tapoktapok dagiti uloda ket nakersang a lupot ti kawesda. Nakadumog dagiti babbalasitang ket mulmulenglenganda ti daga.

Dungdung-aw 4:21

Agkatawakayo latta, tattao ti Edom ken Uz; agragsakkayo ita ta adda pay panawenyo. Umayto met ti pannakadidigrayo. Agbasingbasingkayonto iti bartekyo. Maibabain gapu ta lamolamokayo.

Ezekiel 23:29

Gapu ta kaguradaka, alaendanto ti amin a nagbannogam, ket panawandakanto a lamolamo. Malukaisanto ti kinabalangkantismo. Ti kinaderrep ken ti kinabalangkantismo

Ezekiel 23:46

Kastoy ti kuna ti Apo a Dios, “Mangyegka iti bunggoy a mangriribuk kadakuada ken mangsamsam kadagiti sanikuada.

Ezekiel 39:23

Maammoanto dagiti nasion a naitalaw dagiti Israelita gapu kadagiti basolda kaniak. Binaybay-ak ida a parmeken dagiti kabusorda ket natayda iti gubat.

Oseas 2:10

Iti sango dagiti kaayan-ayatna ikkatek amin a kawesna agingga a lamolamo ket awanto ti makaisalakan kenkuana iti pannakabalinko.

Oseas 2:3

No dina isardeng ti aramidna, labusak ket bay-ak a lamolamo a kas iti daydi nga aldaw a pannakaipasngayna, a kas iti aldaw a pannakayanakna. Pagbalinek a natikag a daga nga awan ti agtubo a mula, ket matayto iti waw.

Paltiing 3:18

Ngarud, ibalakadko kenka a gumatangka kaniak iti balitok a nagugoran iti apuy tapno bumaknangka. Gumatangka met iti puraw a pagan-anay a pagkawesmo tapno saan a makita ti nakababain a kinalamolamom. Gumatangka pay iti agas ta matam tapno makakitaka.

1 Samuel 2:30

Siak, ni Yahweh a Dios ti Israel, ti nangikari idi iti familiam ken iti kaputotam nga agserbida kaniak a padi iti agnanayon. Ngem ita, ibabawikon! Ta raemek laeng dagiti agraem kaniak, ket umsiek met dagiti mangumsi kaniak.