Dungdung-aw 1:7 - Ti Baro a Naimbag a Damag Biblia

⁷ Nadadaelen ti Jerusalem ket itan agmaymaysa. Malagipna ti napukaw a kinapintasna. Idi parmeken dagiti kabusor, awan timmulong kenkuana. Kinatkatawaan dagiti kabusor ti pannakatnagna.

Ti Biblia (1973)

⁷ Ti Jerusalem malagipna bayat dagiti al-aldaw ti panagtutooc ken panagladingitna dagiti amin a macaayayo a cucuana nga adda manipud idi ugma; idi dagiti tattaona natnagda iti ima ti cabusor, ket awan ti nangbadang kencuana, dagiti cabusor nakitada, ket nagang-angawanda dagiti pannacaparigatna.

Dungdung-aw 1:7 Iomraidhean Croise

Ti Libro ni Job 29:2

Agsubli la koma ti sigud a kasasaad, dagidi panawen a panangaywan ti Dios kaniak.

Dagiti Salmo 42:4

Lumdaangak no malagipko ti napalabas: kakuykuyogko idi dagiti mapmapan iti balay ti Dios. Ipanguloak ti naragsak a bunggoy a mangikankanta ken mangipukpukkaw iti pagdaydayaw iti Dios.

Dagiti Salmo 77:3

Lagipek ti Dios ket agasugak; agammirisak ket maupayak.

Dagiti Salmo 79:4

Nagbalinkami nga ang-angaw kadagiti nasion iti likmutmi, katkatawaan ken um-umsiendakami.

Isaias 64:10

Nagbalinen a kasla let-ang dagiti nasantoan a siudadmo. Narba ti Jerusalem ket nagpanawanen.

Isaias 64:11

Nauramen ti Templomi, ti nasagradoan ken napintas a lugar a nagdaydayawan idi kenka dagidi kapuonanmi. Nadadael amin a lugar nga impatpategmi.

Jeremias 37:7

nga ibagak ken ni Zedekias, “Adda iti dalan ti armada ti Egipto nga umay tumulong kenka ngem agawidto met laeng.

Jeremias 48:27

Moab, malagipmo ti panangrabrabakmo idi kadagiti Israelita? Imbilangmo ida a kasla ketdin tiniliw ida ti bunggoy dagiti tulisan.

Dungdung-aw 4:17

Nagsapulkam iti tulong ngem awan nasarakanmi agingga a naumakami. Inur-uraymi ti tulong ti maysa a nasion nga awan ti maitedna kadakami.

Ezekiel 25:3

Ibagam kadagiti Ammonita a denggenda ti sao ti Apo a Dios. Kunak: ‘Maragsakankayo a makakita a natulawan ti Templok, a nadadael ti daga ti Israel ken naitalaw dagiti tattao ti Juda.

Ezekiel 25:6

“Daytoy ti kuna ti Apo a Dios, ‘Nagtitipatkayo ket naglagtolagtokayo iti rag-o, kas pananglaisyo iti daga ti Israel.

Oseas 2:7

Surotennanto dagiti kaayan-ayatna, dinanto makamakam ida. Birokennanto ida ngem awanto ti masarakanna kadakuada. Kalpasanna, kunananto, “Agsubliak ken ni asawak, ta nasaysayaat ti kasasaadko idi iti dennana ngem ita.”

Mikias 4:11

Adu a nasion ti nagmaymaysa a mangdarup kenka. Kunada, “Masapul a madadael ti Jerusalem! Kitaentayo ti pannakarebba daytoy a siudad!”

San Lucas 15:17

Idi makapanunot met laeng, kinunana, ‘Agsobsobraan iti kanen dagiti amin a mangmangged idiay balay ni amak, ket addaak ditoy a matmatay iti bisin!

San Lucas 16:25

“Ngem kinuna ni Abraham, ‘Anakko, laglagipem a kabayatan ti panagbiagmo, naited kenka ti amin nga agkakaimbag a banag idinto a naglak-am ni Lazaro iti rigat. Itan, adda ditoy a maliwliwa ket addaka dita a matutuok.