Dungdung-aw 1:6 - Ti Baro a Naimbag a Damag Biblia

⁶ Napukawen ti kinadayag ti Jerusalem. Ugsa nga agtartaray ti kayarigan dagiti pangulona. Itartarayanda dagiti mangan-anup kadakuada. Awanen kanenda ken dida makainana ket maibusen ti pigsada.

Ti Biblia (1973)

⁶ Ket manipud iti anac a babai ti Sion ti amin a dayagna pimmanaw: dagiti piprincipena nagbalinda a cas cadagiti ugsa a lalaki nga awan masaracanda a pagarabanda. Ket napanda nga awan pigsada iti sangoanan dagiti mangcamatcamat cadacuada.

Dungdung-aw 1:6 Iomraidhean Croise

2 Ar-ari 19:21

Kinunana, “Katawaannaka ti siudad ti Jerusalem, Senakerib, ket ang-angawennaka.

2 Ar-ari 25:4

narakrak ti maysa a paset ti bakud ti siudad. Uray no linakub dagiti taga-Babilonia, nakalibas amin a soldado ni Zedekias iti rabii. Nagnada iti hardin ti palasio, linasatda ti ruangan a namagsilpo kadagiti dua a bakud sada nagtataray a nagturong iti Tanap ti Jordan.

2 Ar-ari 25:5

Ngem kinamat ti armada ti Babilonia ni Ari Zedekias ket tiniliwda iti tanap iti asideg ti Jerico. Nawarawara dagiti tattaona.

Dagiti Salmo 50:2

Agraniag ti Dios manipud iti Sion, ti nagpaidumat' pintasna a Sion, awan pagkuranganna.

Dagiti Salmo 96:9

Agrukbabkay iti Nasantoan inton agparang. Agpigergerkayo iti sangoananna, dakayo amin a tattao.

Isaias 1:21

Daydi siudad a napudno, awanen dumana iti balangkantis a babai! Nagtaeng idi sadiay dagiti nalinteg a tattao, ngem ita, pasig a mammapatay ti nabati.

Isaias 12:6

Agpukkaw ken agkanta koma dagiti amin nga agnaed iti Sion! Naindaklan ti Nasantoan a Dios ti Israel, ket agnaed iti sidong dagiti tattaona.”

Isaias 4:5

Kalpasanna, mangyegto ni Yahweh iti ulep ken asuk ken naraniag nga apuy iti ngatoen ti Bantay Sion ken dagiti amin a naurnong sadiay. Agparangto ti ulep iti aldaw ket ti asuk ken apuy iti rabii. Kumotan ken salaknibanto ti dayag ti Dios ti entero a siudad.

Jeremias 13:18

Kinuna ti Apo kaniak, “Ibagam iti ari ken iti inana a reyna nga umulogda manipud iti tronoda, agsipud ta naikkaten dagiti napintas a korona iti uloda.

Jeremias 29:4

“Kuna ti Apo a Mannakabalin-amin a Dios ti Israel kadagiti amin a tattao nga impalubosna nga impanaw ni Nebucadnesar idiay Jerusalem ket impanna a kas balud idiay Babilonia:

Jeremias 47:3

Mangngegdanto ti dalagudog dagiti kabalio, ti karadakad dagiti luglugan a pakigubat dagiti ranitrit dagiti pilpilid. Saanto a sublien dagiti amma dagiti annakda, gapu ta agsalupaypay dagiti imada.

Jeremias 48:41

Sakupennanto dagiti il-ili ken sarikedkedna. Iti dayta nga aldaw, agdanagto dagiti soldado ti Moab a kasla iti panagdanag ti agpasikal.

Jeremias 52:11

Kalpasanna, pinasuatna dagiti mata ni Zedekias sana pinaipan a sikakawar idiay Babilonia. Nagtalinaed ni Zedekias iti pagbaludan agingga iti ipapatayna.

Jeremias 52:13

Pinuoranna ti Templo ken ti palasio ti ari, agraman ti amin a balbalay dagiti natan-ok a tattao idiay Jerusalem.

Ezekiel 24:21

nga ipakaammok kadakayo nga Israelita ti mensahena. Tulawanto ti Apo ti templona—ti sarikedked a pagtangtangsityo ken pagay-ayatyo a kitkitaen ken sarungkaran. Matayto iti gubat dagiti ubbing a kameng ti familiayo a nabati iti Jerusalem.

Ezekiel 24:25

Kinuna ni Yahweh, “Ita, anak ti tao, ikkatek ti natibker a Templo a pagtangtangsit ken pagragsakanda, pagay-ayatda a kitkitaen ken sarsarungkaran. Alaekto dagiti annakda.

Deuteronomio 28:25

“Ipalubosto ti Apo a parmekendakayo dagiti kabusoryo. Maymaysanto ti paggapuanyo a manggubat kadakuada ngem agtataraykayto a mawarawara ket diyonto ammo ti turturongenyo. Agbutengto dagiti amin a tattao ditoy daga a makakita iti mapasamak kadakayo.

Deuteronomio 32:30

Apay a pinarmek ti maysa ti sangaribu? Apay a pinarmek ti dua ti sangapuloribu? Binaybay-an ida ti Apo a Diosda, linaksid ida ti mannakabalin a Diosda.