Dungdung-aw 1:3 - Ti Baro a Naimbag a Damag Biblia

³ Awan gawayna a tagabu dagiti tattao ti Juda. Napilitda a naitalaw kadagiti pagtaenganda. Agnaeddan iti sabali a dagdaga. Ket awan ti disso a mabalinda a kuna a kukuada. Linawlaw ida dagiti kabusorda ket awan ti paglisianda.

Ti Biblia (1973)

³ Ni Juda naipan iti pannacacayaw maipanggep iti panagsagaba, ken maipanggep iti nadagsen a panagservi; isu makipagtaeng cadagiti nasnacion, awan ti masaracna nga inana: amin dagiti mangamatcamat kencuana isu naabutanda cadagiti nailet a daldalan.

Dungdung-aw 1:3 Iomraidhean Croise

2 Ar-ari 25:11

Kalpasanna, impanna idiay Babilonia dagiti tattao a nagtalinaed iti siudad, dagiti nabati a karpintero ken dagiti simmuko iti ari ti Babilonia.

2 Ar-ari 25:21

iti daga ti Hamat. Sadiay, pinarparigat ida ti ari ket kalpasanna, pinapapatayna ida. Iti kasta, naitalaw dagiti tattao ti Juda ket naipanda iti sabali a pagilian.

2 Ar-ari 25:4

narakrak ti maysa a paset ti bakud ti siudad. Uray no linakub dagiti taga-Babilonia, nakalibas amin a soldado ni Zedekias iti rabii. Nagnada iti hardin ti palasio, linasatda ti ruangan a namagsilpo kadagiti dua a bakud sada nagtataray a nagturong iti Tanap ti Jordan.

2 Ar-ari 25:5

Ngem kinamat ti armada ti Babilonia ni Ari Zedekias ket tiniliwda iti tanap iti asideg ti Jerico. Nawarawara dagiti tattaona.

Jeremias 13:19

Nalakub dagiti il-ili ti Negeb; awan makaasideg kadakuada. Napapanawen dagiti amin a tattao ti Juda. Naitalawda a kas balud iti sabali a daga.”

Jeremias 16:16

Kuna ti Apo, “Mangibaonakto iti adu a mangngalap a mangtiliw kadagitoy a tattao. Kalpasanna, mangibaonakto iti adu a mangnganup a mangsapul kadakuada kadagiti bambantay, turturod ken rukrukib.

Jeremias 24:9

Didigraekto ida tapno agbuteng dagiti amin a nasion ditoy lubong. Rabrabaken, pagang-angawan ken ab-abiento ida dagiti tattao. Pagilunoddanto ti naganda iti amin a lugar a pangiwarawaraak kadakuada.

Jeremias 39:9

Kamaudiananna, innala ni Nebuzaradan a kapitan dagiti guardia dagiti tattao a nabati iti siudad agraman dagiti kimmappon kenkuana, ket impanna ida a kas balud idiay Babilonia.

Jeremias 52:15

Innala ni Nebuzaradan dagiti tattao a natda iti siudad. Innalana pay dagiti simmuko idi iti ari ti Babilonia ken dagiti dadduma kadagiti trabahador. Pinaibaludna ida idiay Babilonia,

Jeremias 52:8

Ngem kinamat ida ti armada ti Babilonia ket tiniliwda ni Zedekias iti tanap nga asideg ti Jerico. Intarayan dagiti amin a soldadona.

Dungdung-aw 2:9

Nagaburan dagiti ruangan; natukkotukkol dagiti balunetda. Napagtalaw a kas balud ti ari agraman dagiti ofisialesna. Saanen a maisuro ti Linteg; awanen ti parmata dagiti profeta nga aggapu ken ni Yahweh.

Dungdung-aw 4:15

“Umadayokayo!” ipukkaw dagiti tattao. “Natulawankayo! Didakam sagsagiden.” Nagalla-allada ngarud kadagiti pagilian; awan a pulos ti nangpasangbay kadakuada.

Dungdung-aw 5:5

Kaskami la asno wenno kamelio a maparparigat, nabannogkamin ngem maiparit nga aginanakami.

Ezekiel 5:12

Apagkatlo dagiti tattaom ti matay iti sakit ken bisin iti uneg ti siudad. Matayto met ti apagkatlo iti gubat iti ruar ti siudad; iwarawarakto ti sabali nga apagkatlo iti amin a lugar ket kamatekto ida iti kampilan.

Deuteronomio 28:48

Agserbikayto ngarud kadagiti kabusor nga ibaon ti Apo a manggubat kadakayo. Mabisinan, mawaw, ken lamolamokayto. Nakakaasikayto. Nakaronto ti panangidadanes dagiti kabusor kadakayo agingga a mataykayo amin.