Dungdung-aw 1:21 - Ti Baro a Naimbag a Damag Biblia

²¹ “Denggem dagiti asugko, awan mangliwliwa kaniak. Maragsakan dagiti kabusorko gapu iti indissuormo a didigra. Yegmo ti aldaw nga inkarim; pagsagabaem dagiti kabusorko a kas iti bukodko a panagsagaba.

Ti Biblia (1973)

²¹ Nangngegda nga agsasainnecac; awan ti mangliwliwa caniac; amin dagiti cabusorco nangngegda ti riribucco; agragsacda gapu ta inaramidmo: sica yegmonto ti aldaw nga inwayangmo, ket isuda mayaspingdanto caniac.

Dungdung-aw 1:21 Iomraidhean Croise

Dagiti Salmo 35:15

Ngem nagragsakda idi naitibkolak, nagkatkatawada a nanglawlaw kaniak. Kinabkabildak dagiti saanko nga am-ammo; saandak a sinardengan a minalmalo.

Dagiti Salmo 37:13

Ngem katawaan ti Apo ti managdakdakes, ta ammona nga asidegen ti ipapatayna.

Dagiti Salmo 38:16

Dimo ipalubos nga agragsak dagiti kabusorko iti pakarigatak, dimo ipalubos a pagtangsitda ti pannakaipababak.

Isaias 14:5

Ginibusan ti Apo ti bileg dagiti nadangkok nga agturay

Isaias 14:6

a sipupungtot a nangidadanes kadagiti tattao ket dida insardeng ti panangparigatda kadagiti nasion a pinarmekda.

Jeremias 30:16

Ngem ita, maalun-onto met dagiti mangalun-on kadakayo, ket maipanawto a kas balud dagiti amin a kabusoryo. Maparigatto met dagiti amin a mangparigat kadakayo, ket masamsamanto met dagiti mangsamsam iti kinabaknangyo.

Jeremias 48:27

Moab, malagipmo ti panangrabrabakmo idi kadagiti Israelita? Imbilangmo ida a kasla ketdin tiniliw ida ti bunggoy dagiti tulisan.

Jeremias 50:11

Kuna ni Yahweh, “Dakayo a taga-Babilonia, sinamsamanyo ti nasionko. Agraragsak ken aglagtolagtokayo a sibaballigi, kaslakayo baka nga agir-irik iti trigo wenno kasla kabalio nga aggargaraigi,

Jeremias 50:15

Ipukkawyo ti ikkis ti gubat iti entero a siudad. Simmukon ti Babilonia. Natibbag ken narpuogen dagiti bakudna. Balsek dagiti taga-Babilonia. Balsenyo ngarud ida ket aramidenyo kadakuada ti kas iti inaramidda kadagiti sabsabali.

Jeremias 50:29

“Ibagayo kadagiti pumapana a rautenda ti Babilonia. Ibaonyo dagiti amin a makaammo nga agpana. Lakubenyo ti siudad! Diyo ipalubos nga adda makalibas. Ibalesyo kenkuana ti amin nga inaramidna kadagiti sabsabali agsipud ta sitatangsit a nangbusor kaniak, siak a Nasantoan ti Israel.

Jeremias 50:31

“Natangsitka, Babilonia, isut' gapuna a siak nga Apo a Dios a Mannakabalin-amin, busorenka. Dimtengen ti panangdusak kenka.

Jeremias 51:24

Kuna ni Yahweh, “Makitadakto a mangbales iti Babilonia. Balsekto dagiti tattaona gapu kadagiti dakes nga inaramidda iti Jerusalem.

Jeremias 51:49

Ti Babilonia ti gapu ti nakatayan dagiti tattao iti entero a lubong. Maparmeken agsipud ta isu ti gapu ti nakatayan ti adu nga Israelita. Siak, ni Yahweh, ti agsasao iti daytoy.”

Dungdung-aw 1:16

“Isut' gapuna nga agar-arubos dagiti luluak. Awan makaliwliwa ken makaparegta kaniak. Pinarmeknakami ti kabusor; awanen natda a sanikua dagiti tattaok.

Dungdung-aw 1:2

Agpatpatnag nga agsangsangit, agar-arubos dagiti luana. Kadagiti nangay-ayat kenkuana, awanen natda a mangliwliwa. Liniputan dagiti gagayyemna, nagbalinda amin a kabusorna.

Dungdung-aw 1:22

“Ukomem ida gapu kadagiti amin a kinadakesda. Dusaem ida a kas iti panangdusam kaniak gapu kadagiti basolko. Nasaem toy pusok, agasugak iti panagtutuokko.”

Dungdung-aw 1:4

No dumteng dagiti nasantoan nga aldaw, Awanen ti umay iti Templo nga agdaydayaw. Agsagsagaba dagiti babbai a para-kanta sadiay, Awanen ti maaramid dagiti papadi no di agsennaay. Kadagiti ruangan ti siudad awanen tattao. Ket agsagsagaba ti Sion iti napalalo.

Dungdung-aw 1:8

Napukawen ti dayawna, lamolamo ken lalaisenda. Agasug ket sibabain a mangilemmeng iti rupana. Tinulawanna ti bagina gaput' nadagsen a basolna.

Dungdung-aw 2:15

Iti dalan a lumabas iti siudad, iwitwitiwit dagiti tattao ti im-imada a mangipakita iti pananglaisda. Agwingiwingda ket katawaanda ti narba a Jerusalem. Kastoy ti ikatawada, “Daytoy kadi ti kunada a napintas a siudad? Daytoy kadi ti pagtangtangsit ti lubong?”

Dungdung-aw 2:16

Laisendaka dagiti amin a kabusormo, napnoanda iti gura a mangmulagat kenka. Aglibbi ken guy-guyabandaka a kunada, “Dinadaelmin ti siudad! Daytoy ti tiempo nga inur-uraymi ket itan nakitami.”

Ezekiel 26:2

Kinunana, “Anak ti tao, daytoy ti ipukpukkaw a siraragsak dagiti tattao iti siudad ti Tiro: ‘Narban ti Jerusalem! Awanen ti pannakabalinna a kas negosiante! Naglukaten kadatayo dagiti ruanganna ket awanen ti kasalisaltayo!’

Joel 3:14

Rinibribu dagiti adda iti Tanap ti Pangeddeng. Dumtengen sadiay ti aldaw ni Yahweh.

Paltiing 18:6

Ipalak-amyo kenkuana ti inaramidna kadakayo. Ibalesyo iti mamindua ti impaayna. Punnoenyo ti kopana iti inumen a napapait ngem ti insaganana kadakayo.