Dungdung-aw 1:18 - Ti Baro a Naimbag a Damag Biblia

¹⁸ “Nagsukirak ngem nalinteg ti inaramid ti Apo. Denggendak, tattao iti amin a disso, kitaenyo ti panagtutuokko. Naitalaw a kas balud dagiti annakko nga agtutubo.

Ti Biblia (1973)

¹⁸ Ni Jehova nalinteg; ta siac sinalungasingco ti bilinna: denggenyo, dawatec cadacayo, dacayo amin a tattao, ket kitaenyo ti ladingitco: dagiti babbalasangco ken babbaroc macayawanda.

Dungdung-aw 1:18 Iomraidhean Croise

1 Ar-ari 13:21

ket imbagana iti profeta a taga-Juda, “Kuna ti Apo a dika nagtungpal kenkuana ket dimo inaramid ti imbilinna.

ESDRAS 9:13

Kalpasan amin dagitoy a napasamak kadakami a dusami gapu kadagiti basol ken labsingmi, ammomi a sika a Diosmi, dinusanakam iti nalaglag-an ngem ti rumbeng koma a dusami, ket impalubosmo nga agbiagkami.

Nehemias 9:26

“Ngem immalsa dagiti tattaom, ket saanda a nagtulnog kenka; tinallikudanda ti Lintegmo. Pinatayda dagiti profeta a nangballaag kadakuada, a nangibaga kadakuada nga agsublida kenka. Masansan a laisendaka.

Nehemias 9:33

Nalinteg ti inaramidmo iti panangdusam kadakami, napudnoka ngem nagbasolkami.

Dagiti Salmo 107:11

gapu ta sinukirda dagiti bilin ti Dios, ket linaksidda ti pannursuro ti Kangatoan.

Dagiti Salmo 119:137

Nalintegka, O Apo, ket nalinteg met dagiti pangngeddengmo.

Dagiti Salmo 119:75

Ammok, O Apo, a nalinteg dagiti pangngeddengmo, ket dinusanak ta napudnoka kaniak.

Dagiti Salmo 145:17

Nalinteg ti Apo iti amin a dalanna ken naasi iti amin nga aramidna.

Exodo 9:27

Pinaayaban ti ari da Moises ken Aaron ket kinunana kadakuada, “Bigbigek itan a siak ti nagbasol! Nalinteg ti Apo. Siak ken dagiti tattaok ti nakabasol.

Jeremias 12:1

“O Apo, no agreklamoak kenka, maipakita a nalintegka. Ngem sadino ti ayan ti hustisia? Apay a narang-ay ti panagbiag dagiti managdakdakes? Apay nga agballigi dagiti manangallilaw?

Jeremias 32:23

Ngem idi immayda iti daytoy a daga ket tinagikuada, dida nagtulnog kadagiti bilinmo wenno nagbiag a mayannurot kadagiti pannursurom. Awan tinungpalda kadagiti imbilinmo nga aramidenda. Daytoy ti gapuna nga inyegmo kadakuada amin dagitoy a pannakadadael.

Jeremias 4:17

Lakubendanto ti Jerusalem, kas kadagiti lallaki a mangguguardia iti maysa a talon agsipud ta binusorna ti Apo. Daytoy ti sao ti Apo.

Jeremias 49:12

“No uminum iti kopa ti pannakadusa dagiti saan a rumbeng a madusa, dakayto la ketdin? Dusaenkayto a dusaen. Masapul nga uminumkayo iti kopa ti pannakadusa!

Dungdung-aw 1:12

“Kitaendak!” ipukkawna iti amin a lumabas. “Dinusanak ti Apo iti aldaw ti pungtotna. Awan pakayaspingan ti ladingitko nga impalak-amna.

Dungdung-aw 3:42

“Nagbasol ken nagsukirkami kenka, O Apo, ket dinakami pay pinakawan agpapan ita.

Dungdung-aw 5:16

Awanen ti nabati iti amin a pagtangtangsitmi, nagbasolkami ket ita, agsagsagabakami.

Daniel 9:5

Nagbasolkami. Dakeskami, ket saan a naimbag ti inaramidmi. Sinukirmi dagiti imbilinmo nga aramidenmi. Tinallikudanmi ti naimbag nga impakitam kadakami.

Daniel 9:7

Sika, O Apo, kanayon a nalinteg ti aramidmo, ngem dakami, kanayon a nakababain ti aramidmi. Wen, dakami amin a tattao ti Juda ken Jerusalem, kasta met dagiti amin nga Israelita nga inwarawaram kadagiti nadumaduma a pagilian gapu ta saanda a napudno kenka.

Amos 8:13

Iti dayta nga aldaw, matalimudawto iti waw uray pay dagiti napipintas a babbalasang ken napipigsa a babbaro.

Sofonias 3:5

Ngem adda pay laeng ni Yahweh iti siudad. Aramidenna ti naimbag ket pulos a di agaramid iti dakes. Binigat nga awan duadua a yegna ti hustisia kadagiti tattaona. Ngem awan babain dagiti managdakdakes sadiay. Kankanayon nga agaramidda iti dakes.

Zacarias 1:6

Babaen kadagiti adipenko a profeta, nangtedak kadagiti kapuonanyo kadagiti ballaag ken bilin. Saanda a nangikaskaso ket sinagabada ti dusa ti kinasukirda. Nagbabawida met laeng ket binigbigda a dinusak ida kas maikari kadakuada ken kas inkeddengko nga aramiden.’”

Taga-Roma 2:5

Ngem gapu ta natangken ti panagul-ulom ken nasukirka, nakarkaronto ti pannakadusam inton Aldaw a maiparangarang ti pungtot ti Dios ken ti nalinteg a panangukomna.

Taga-Roma 3:19

Ita, ammotayo a ti amin a linaon ti Linteg agpaayda kadagiti agbibiag iti babaen ti Linteg. Adda ti Linteg tapno sumardeng amin a pambar dagiti tattao ket idatagna ti entero a lubong tapno ukomen ti Dios.

Deuteronomio 32:4

“Ti Apo ti nabileg a mangsalaknib kadakayo, naan-anay ken nalinteg amin nga aramidna. Mapagtalkan ken napudno ti Diosyo, nalinteg ken naimbag ti aramidna.

Uk-ukom 1:7

Kinuna ni Adonibezek, “Inikkatko ti tangan ti ima ken saka dagiti 70 nga ar-ari ket nagpidpidutda iti murkat iti sirok ti lamisaanko. Binalesnakon ti Dios gapu iti inaramidko kadakuada.” Naipan ni Adonibezek idiay Jerusalem, ket sadiay ti nakatayanna.

1 Samuel 15:23

Dakes a kas iti panagkulam ti panagsukir kenkuana ket maysa a basol ti kinatangsit kas iti panagdayaw kadagiti didiosen. Gapu ta linaksidmo ti bilin ti Apo, linaksidnaka nga ari.”