Dungdung-aw 1:15 - Ti Baro a Naimbag a Damag Biblia

¹⁵ “Amin a kapigsaan a soldadok kinatawaan ti Apo. Nangibaon iti armada a mangdadael kadagiti agtutubo. Imbaddebaddekna dagiti tattaok, kasda la ubas nga ipayatpayatna iti pagpespesan ti arak.

Ti Biblia (1973)

¹⁵ Ti Apo inawanna dagiti amin a mannacabalin a tattaoc iti nagtengngaac; isu nangayab iti gimong a nangayed a maibusor caniac tapno parmekenna dagiti tattaoc nga agtutubo a lallaki: ti Apo imbaddecna ti anac a virgen ti Juda a cas iti pagpespesan ti uvas.

Dungdung-aw 1:15 Iomraidhean Croise

2 Ar-ari 9:33

ket kinuna ni Jehu kadakuada, “Itappuakyo ni Jezebel.” Intappuakda ni Jezebel ket nagparsiak ti darana iti bakud ken kadagiti kabalio. Pinataray ni Jehu dagiti kabalio ken ti luganna a pakigubat iti rabaw ti bangkayna.

Dagiti Salmo 119:118

Laksidem dagiti di agtungpal kadagiti lintegmo, ta awan serserbi dagiti panggepda.

Isaias 28:18

Mawaswasto ti nagtutulaganyo iti patay ket mapunasto ti nagnunumoanyo iti lubong dagiti natay. Inton dumteng ti didigra, maparukmakayto.

Isaias 41:2

“Siasino ti nangsugsog iti maysa a taga-Daya? Siasino ti mamagballigi kenkuana iti sadinoman a papananna? Siasino ti mangted iti bilegna a mangparmek kadagiti ari ken nasnasion? Patapokenna ida babaen iti kampilanna. Warawaraen ida dagiti panana a kas kadagiti taep nga itayab ti angin.

Isaias 5:5

“Kastoy ti aramidek iti kaubasak. Ikkatek dagiti mula a pannakaaladna. Rebbaek ti bakudna ket bay-ak nga araben ken payatpayaten dagiti atap nga animal.

Isaias 63:3

Isungbat ti Apo, “Binaddebaddekko dagiti nasion a kasla ubas ket awan ti immay timmulong kaniak. Pinayatpayatko ida gapu iti pungtotko ket nagparsiak ti darada iti pagan-anayko.

Jeremias 13:24

Iwarawaranakayto ti Apo a kas iti garami nga itayab ti angin-let-ang.

Jeremias 14:17

Imbilin ti Apo kaniak nga ibagak kadagiti tattao ti maipapan iti ladingitko ket kunak: “Aldaw ken rabii nga agarubos koma dagiti luluak, saanak koma a sumardeng nga agsangsangit agsipud ta nasaem ti sugat dagiti tattaok; wen, napalalo ti pannakadunorda.

Jeremias 18:21

Ngem ita, O Apo, bay-am a matay iti bisin dagiti annakda. Bay-am a matayda iti gubat. Bay-am a mabalo dagiti babbai ken matay dagiti annakda. Bay-am a matay iti sakit dagiti lallakay ken matay iti paggugubatan dagiti agtutubo a lallaki.

Jeremias 37:10

Uray no maparmekyo ti entero nga armada ti Babilonia a mangdarup kadakayo, ket dagitinto la nasugatan nga agid-idda kadagiti toldada ti matda, isudanto ti mangparmek iti daytoy a siudad ket puoranda agingga a dumapu.”

Jeremias 50:26

Darupenyo iti amin a suli ket rakrakenyo dagiti nakaidulinan dagiti trigona. Buntonenyo dagiti sinamsamyo! Rebbekenyo ti siudad! Dikayo mangibati iti uray ania.

Jeremias 51:34

Rinangrangkay ti ari ti Babilonia ti Jerusalem ket kinnanna. Kasla dragon a nangalun-on kenkuana; imbukbokna a kasla burnay ti amin a nagyan iti siudad. Innalana ti kinaykayatna ket imbellengna ti natda.

Jeremias 6:11

O Apo, mariknak met a gumil-ayab iti unegko ti pungtotmo kadakuada; saankon a maitured.” Kinuna ngarud ti Apo, “Idissuormo ti pungtotko kadagiti ubbing iti kalsada ken kadagiti ummong dagiti lallaki nga agtutubo. Maipanawto dagiti agassawa ken uray pay dagiti babbaket ken lallakay.

Dungdung-aw 2:21

Kadagiti kalsada, agkaiwara't bangbangkay dagiti ubbing ken nataengan, dagiti agtutubo a babbai ken lallaki, isuda a napapatay iti kampilan. Awan asim a nangpapatay kadakuada iti aldaw ti pungtotmo.

Dungdung-aw 3:34

Ammo ti Apo no napukaw ti namnamatayo iti uneg ti pagbaludan.

Daniel 3:13

Gapu iti daytoy, nagpungtot ni Nebucadnesar, ket pinaayabanna da Sedrac, Mesac ken Abednego.

Joel 3:13

Dakesda la unay; Paraspasem ida a kas iti trigo iti tiempo ti panagani. Pespesem ida a kas iti ubas a maladdit iti napno a pagpespesan agingga nga aglippias ti arak.”

Mikias 7:10

Makitanto daytoy dagiti kabusorko ket maibabaindanto—dagiti nangang-angaw kadakami a kunkunada, “Sadino ti ayan ti Apo a Diosyo?” Makitaminto ti pannakaparmek ken pannakapayatpayatda a kasla pitak kadagiti kalsada.

Malakias 4:3

Inton aldaw a panagtignayko, parmekenyonto dagiti managdakdakes ket arigdanto iti tapok a baddebaddekenyo.

San Lucas 21:24

Addanto dagiti mapapatay iti kampilan ket maipanto ti dadduma a kas balud kadagiti amin a pagilian. Baddebaddekento dagiti Hentil ti Jerusalem, agingga iti panagpatingga dagiti aldaw dagiti Hentil.”

Deuteronomio 28:33

Alaento ti ganggannaet a nasion dagiti amin nga apit a nagbambannoganyo ngem awanto ti maipaay kadakayo no di pasig a pannakaidadanes ken pannakaparparigat.

Hebreo 10:29

Panunotenyo no kasano ti kadagsen ti dusa ti tao a manglalais iti Anak ti Dios, mangumsi iti dara a nangpatalged iti tulag a nangugas kenkuana iti basol ken agsao iti maibusor iti managparabur nga Espiritu!

Paltiing 19:15

Manipud iti ngiwatna, rimmuar ti maysa a natadem a kampilan a pangparmekna kadagiti pagilian. Iturayannanto ida babaen iti baston a landok, ket manipud iti pagpespesan iti ubas, pagayusennanto ti arak ti napalalo a pungtot ti Mannakabalin-amin a Dios.

Uk-ukom 10:8

Iti uneg ti 18 a tawen, pinarparigatda dagiti amin nga Israelita nga agnaed idiay Galaad iti ballasiw ti Karayan Jordan.