Dungdung-aw 1:14 - Ti Baro a Naimbag a Damag Biblia

¹⁴ “Nakita ti Apo dagiti basolko, pinagtitiponna ida. Inyukkorna iti tengngedko ket kimmapuyak gapu iti dagsenda. Inyawatnak kadagiti kabusorko, awan gawayko kadakuada.

Ti Biblia (1973)

¹⁴ Ti sangol dagiti panagsalungasingco mareppet babaen ti imana; maisiglotda, dimtengda agingga iti tengngedco; isu pinucawna ti pigsac: ti Apo inyawatnac cadagiti im-imada, maibusor cadagidiay diac macatacderen.

Dungdung-aw 1:14 Iomraidhean Croise

Dagiti Proverbio 5:22

Matiliw ti managdakdakes iti kinadakesna, ket ti bunga ti basolna ti mangipalab-og kenkuana.

Isaias 14:25

Dadaelekto dagiti taga-Asiria nga adda iti dagak nga Israel ket payatpayatek ida kadagiti bantayko. Wayawayaakto dagiti tattaok iti panangtagabu dagiti Asirio kadakuada. Ikkatekon dagiti nadagsen nga awitda.

Isaias 47:6

Nakaungetak kadagiti tattaok, ket diak imbilang idan a kukuak. Inyawatko ida iti pannakabalinmo, ket saanmo a kinaasian ida, uray dagiti duduogan pinarigatmo ida.

Jeremias 25:9

‘Paayabakto dagiti amin a tattao iti amianan agraman ni adipenko a Nebucadnesar nga ari ti Babilonia. Ibaonkonto ida a manggubat iti daytoy a nasion, kadagiti nagnaed kenkuana ken kadagiti amin a nasion a kabangibangna. Pukawekto ida a mamimpinsan. Agnanayonto nga aglangalang ti dagada ket agbalindanto a pagsidsiddaawan ken pagbutbutngan. Siak, ni Yahweh, ti nagsao iti daytoy.

Jeremias 27:12

Kastoy met laeng ti imbagak ken ni Zedekias nga ari ti Juda, “Paiturayanka iti ari ti Babilonia. Agserbika kenkuana ken kadagiti tattaona ket agbiagkanto.

Jeremias 27:8

“Ngem no addanto nasion wenno pagarian a saan a paiturayan ken ni Nebucadnesar, yegkonto a kas pangdusak ti gubat, bisin ken angol agingga a dadaelen a mamimpinsan ti ari ti Babilonia dayta a nasion wenno pagarian.

Jeremias 28:13

nga ibagak ken ni Hananias, “Kinuna ti Apo a Mannakabalin-amin a Dios ti Israel a mabalinmo a tukkolen ti kayo a sangol ngem suktannanto iti landok. Mangikabilto iti landok a sangol kadagitoy a nasion ket agserbidanto ken ni Nebucadnesar nga ari ti Babilonia. Kinunana pay nga uray dagiti atap nga animal agserbidanto ken ni Nebucadnesar.”

Jeremias 32:3

Pinaibaludnak sadiay ni Ari Zedekias ta pinabasolnak a nangiwarwaragawag a kastoy ti kinuna ni Yahweh, “Yawatko daytoy a siudad iti ari ti Babilonia

Jeremias 32:5

Maipanto ni Zedekias idiay Babilonia ket agyanto sadiay agingga a sarungkarak. Uray no makigubat kadagiti taga-Babilonia, saanto nga agballigi. Siak, ni Yahweh, ti nagsao iti daytoy.”

Jeremias 37:17

Pinaayabannak ni Zedekias ket idi addaakon iti palasio, nagsaritakami a dudua. “Adda kadi ibaga ti Apo?” sinaludsodna. “Adda,” insungbatko. “Mayawatkanto iti pannakabalin ti ari ti Babilonia.”

Ezekiel 11:9

Iruarkayo iti siudad, ket yawatkayo iti pannakabalin dagiti ganggannaet. Inkeddengko a mapapataykayo

Ezekiel 21:31

Mariknamto ti pungtotko no idissuorko kenka a kas gumilgil-ayab nga apuy. Yawatkanto kadagiti nadawel a tattao, dagiti eksperto nga agdadael.

Ezekiel 23:28

Kastoy ti kuna ti Apo a Dios, “Yawatkanto kadagiti tattao a kagurguram ken nauman kenka.

Ezekiel 25:4

Agsipud ta naragsakankayo, ibaonkonto dagiti tribu iti akindaya a let-ang a mangsakup kadakayo. Agkampodanto iti dagayo ket agnaeddanto sadiay. Isudanto ti mangan iti bunga ken uminum iti gatas nga agpaay koma kadakayo.

Ezekiel 25:7

Gapu iti inaramidyo, yawatkayto kadagiti nasion a mangtakaw ken mangsamsam kadagiti sanikuayo. Dadaelenkayto a mamimpinsan ket saankayton a maibilang a nasion. Awanton ti bukodyo a pagilian. Iti kasta, maammoanyonto a siak ni Yahweh.’”

Oseas 5:14

Narungsotakto a kas iti leon a mangdarup kadagiti tattao ti Israel ken Juda. Panawakto ida kalpasan ti panangrangrangkayko kadakuada. Ulodekto a yadayo ida ket awanto ti makaispal kadakuada.

Mikias 2:3

Isut' gapuna a kuna ti Apo, “Adda didigra nga isagsaganak nga idissuor kadakayo ket awanto ti makalasat. Dikayton magna a sipapalangguad inton dumteng ti aldaw a panagsagabayo.

Deuteronomio 28:48

Agserbikayto ngarud kadagiti kabusor nga ibaon ti Apo a manggubat kadakayo. Mabisinan, mawaw, ken lamolamokayto. Nakakaasikayto. Nakaronto ti panangidadanes dagiti kabusor kadakayo agingga a mataykayo amin.