Dungdung-aw 1:13 - Ti Baro a Naimbag a Damag Biblia

¹³ “Intinnagna ti apuy a gimmil-ayab iti unegko. Impakatna ti silo a nangitublak kaniak. Kalpasanna, binaybay-annak ket kanayon a matutuokak.

Ti Biblia (1973)

¹³ Nanipud ngato impawitna ti apuy iti uneg dagiti tultulangco, ket inatiwna ida; isu inyaplagna ti iket cadagiti sacsacac, insublinac: isu pinagbalinnac a walangwalang ken sicacapuy nga agmalmalem.

Dungdung-aw 1:13 Iomraidhean Croise

Ti Libro ni Job 18:8

Magna iti lugar nga adda batengna, ket agturong iti pakaipalab-oganna.

Ti Libro ni Job 19:6

Saanyo kadi a makita a ti Dios ti akin-aramid iti daytoy? Nangipakat iti palab-og a pakatiliwak.

Ti Libro ni Job 30:30

Ngimmisiten ti kudilko; kasta unay ti gurigorko.

Dagiti Salmo 129:5

Maparmek ken maibabainto koma dagiti amin a gumurgura iti Sion.

Dagiti Salmo 140:5

Nangipakat dagiti natangsit iti pakaipalab-ogak. Nangibatengda iti naiket a tali, ket iti dana, nangikabilda iti paggugubatan.

Dagiti Salmo 22:14

Naibusen ti amin a pigsak, kasla danum a naibuyat. Agkutukoten amin a tultulangko, toy pusok kasla allid a marunaw iti unegko.

Dagiti Salmo 31:10

Immababan ti biagko; gapu iti ladingit ken sangsangitko. Gapu kadagiti pakasikorak, nakapsutakon, marunot pay dagiti tultulangkon.

Dagiti Salmo 35:4

Maibabain ken maabak koma dagiti agpanggep a mangpatay kaniak! Mapasanud ken mariribuk koma dagiti agtarigagay a mangranggas kaniak!

Dagiti Salmo 38:8

Agkakapsutak ket awanen ti pigsak; mariribukan toy pusok, ket agasugak gapu iti ut-ot.

Dagiti Salmo 66:11

Impalubosmo a maipalab-ogkami; nadagsen ti impabaklaymo kadakami.

Exodo 12:9

Diyo kilawen wenno angren ti aniaman a paset no di ket letsonenyo a sibubukel agraman ulo, dagiti saka ken dagiti lalaemna.

Isaias 42:17

Maipababa ken maibabainto dagiti amin nga agtalek iti sinan-dios ken mangibilang kadagiti kinitikitan nga imahen a didiosenda.”

Jeremias 44:6

Iti kasta, indissuorko ti unget ken pungtotko kadagiti il-ili ti Juda ken kadagiti lanlansangan ti Jerusalem ket pinuorak ida. Nagbalinda a rebrebba ket nakabutbuteng ti buyada agpapan kadagitoy nga aldaw.

Dungdung-aw 1:22

“Ukomem ida gapu kadagiti amin a kinadakesda. Dusaem ida a kas iti panangdusam kaniak gapu kadagiti basolko. Nasaem toy pusok, agasugak iti panagtutuokko.”

Dungdung-aw 3:11

Kinamatkamatnak iti kalsada agingga a simmiasiak; tiniliwnak a rinangrangkay sanak binaybay-an.

Dungdung-aw 5:17

Nadagsen dagiti barukongmi, nakudrep ti panagkitami gapu iti kasasangitmi.

Ezekiel 12:13

Ngem isarwagkonto kenkuana ti iketko, ket matiliwto. Ipankonto iti siudad ti Babilonia a pakatayanna nupay dina makita dayta a daga.

Ezekiel 17:20

Isarwagkonto kenkuana ti iket ti maysa a mangnganup ket matiliwto. Ipankonto idiay Babilonia ket dusaekto sadiay ta saan a nagtalinaed a napudno kaniak.

Ezekiel 32:3

Inton aguummong ti adu a nasion, sarwagankanto iti iketko. Sakonto bilinen ida a mangisang-at kenka.

Oseas 7:12

Ngem uray sadino ti pagturonganda, isarruagkonto ti iketko a mangtiliw kadakuada. Dusaekto ida gapu iti kinadakes nga inaramidda.

Nahum 1:6

No agpungtot ni Yahweh, siasino ti makalasat? Siasino ti makalisi iti gumilgil-ayab nga ungetna? Idissuorna ti umap-apuy a pungtotna, matumtumek dagiti bato iti imatangna.

Habakuk 3:16

Mangngegko amin dagitoy ket agkintayegak; agtigerger dagiti bibigko iti buteng. Agkapsut ti bagik, ket agkutukot dagiti tumengko. Anusak nga urayen ti idadateng ti tiempo a panangdusa ti Dios kadagiti mangraut kadakami.

Deuteronomio 28:65

Awanto ti masarakanyo a talna iti sadinoman a lugar. Awanto ti disso a makunayo a kukuayo. Madandanagankayto. Kanayonkayto a masikoran ket maawanankayto iti namnama.

2 Taga-Tesalonica 1:8

Babaen iti gumilgil-ayab nga apuy, dusaennanto dagiti di mangbigbig iti Dios ken dagiti di agtulnog iti Naimbag a Damag maipapan ken ni Apotayo a Jesus.

Hebreo 12:29

Ngamin, mayarig ti Diostayo iti apuy a mangibus.