Dungdung-aw 1:11 - Ti Baro a Naimbag a Damag Biblia

¹¹ Agasug dagiti tattaona nga agsapsapul iti kanenda. Isukatda dagiti gamengda iti taraon tapno agbiagda. “Kitaennak, O Apo,” isangit ti siudad. “Kitaennak nga agsagsagaba.”

Ti Biblia (1973)

¹¹ Amin dagiti tattaona agsainnecda, agsapulda iti tinapay; intedda dagiti macaay-ayo a cucuada nga insucat iti taraon a mangpakired iti cararua: kitaem, O Jehova, ket adtoy; ta siac nagbalinac a nacacaasi.

Dungdung-aw 1:11 Iomraidhean Croise

2 Ar-ari 6:25

Gapu iti daytoy, nagsaknap ti bisin iti siudad. Iti kinakirang ti makan, nailako ti ulo ti asno iti 80 a bagi ti pirak ket lima a bagi ti pirak ti gatad ti kagudua ti litro a balang a lasona.

Dagiti Salmo 79:4

Nagbalinkami nga ang-angaw kadagiti nasion iti likmutmi, katkatawaan ken um-umsiendakami.

Jeremias 15:19

Kastoy ti insungbat ti Apo, “No agsublika kaniak, awatenka manen nga adipenko. No agsaoka iti nasayaat a saan ketdi a dagiti awan serserbina, agbalinkanto manen a profetak. Dagiti tattao ti umayto kenka, saan a sika ti mapanto kadakuada.

Jeremias 19:9

Palawlawanto dagiti kabusor ti siudad ket panggepdanto a patayen dagiti tattaona. Nakabutbutengto ti yeg ti pannakalakub ti siudad agingga nga agkikinnaan dagiti tattao ket kanendanto uray dagiti bukodda nga annak.’”

Jeremias 38:9

“Natan-ok nga Ari, dakes ti inaramid dagitoy a lallaki. Impisokda ni Jeremias iti bubon. Matay la ketdi a matay sadiay iti bisin. Awanen ti makan iti siudad.”

Jeremias 52:6

Iti dayta met la a tawen, iti maikasiam nga aldaw, iti maikapat a bulan, kimmaro ti bisin ket awan ti kanen dagiti tattao.

Dungdung-aw 1:8

Napukawen ti dayawna, lamolamo ken lalaisenda. Agasug ket sibabain a mangilemmeng iti rupana. Tinulawanna ti bagina gaput' nadagsen a basolna.

Dungdung-aw 1:9

Nalaka idi a makita ti kinarugitna. Ngem dina inkankano ti pagbanaganna. Nakaal-alliaw ti pannakaparmekna, awan makaliwliwa kenkuana. Nagballigi dagiti kabusorna, ket agdawat ken ni Yahweh iti panangngaasina.

Dungdung-aw 2:11

Limtegen dagiti matak iti kasasangit; mariribuk ti kararuak. Napakapsutanak iti ladingit gapu iti pannakadadael dagiti kailiak. Matalimudaw dagiti ubbing ken maladaga kadagiti kalsada iti siudad.

Dungdung-aw 2:12

Umasugda kadagiti innada gapu iti bisin ken wawda. Mapasagda kadagiti kalsada a kasda la nasugatan. Main-inutda a matay iti saklot dagiti innada.

Dungdung-aw 2:20

Kitaem, O Apo, kitaem dagiti parparigatem! Rumbeng kadi a sidaen dagiti inna dagiti annak nga inay-ayatda? Rumbeng kadi a mapapatay dagiti papadi ken profeta iti uneg ti santuariom?

Dungdung-aw 5:1

Lagipem, O Apo, ti napasamak kadakami; talliawennakami ket kitaem ti pannakaibabainmi.