Dungdung-aw 1:10 - Ti Baro a Naimbag a Damag Biblia

¹⁰ Sinamsam ti kabusor ti amin a gamengna. Nakitana ti iseserrekda iti mismo a Templo, ti lugar nga iparit ni Yahweh a serken dagiti Hentil.

Ti Biblia (1973)

¹⁰ Ti cabusor inunnatna ti imana cadagiti amin a macaay-ayo a cucuana: ta nakitana a dagiti nasnacion simrecda iti santuariona, maipanggep cadagidiay nangibilinam a saanda coma a sumrec iti gimongmo.

Dungdung-aw 1:10 Iomraidhean Croise

2 Cronicas 36:18

Sinamsam ti ari ti Babilonia ti amin nga alikamen iti uneg ti Templo agraman dagiti sanikua ti ari ken dagiti ofisialesna, ket impanna dagitoy idiay Babilonia.

Nehemias 13:1

Idi maibasbasa ti Linteg ni Moises kadagiti tattao, nakadanonda iti maysa a paset a nagkuna a maiparit ti Ammonita wenno Moabita a tumipon kadagiti tattao ti Dios.

Isaias 63:18

Dandanin papanawen a mamimpinsan dagiti kabusormi dagiti tattaom ket tinulawanda ti Templo.

Jeremias 15:13

Kinuna ti Apo kaniak, “Ibaonkonto dagiti kabusorda a mangipanaw kadagiti sanikua ken gameng dagiti tattaok, tapno madusada gapu iti basol nga inaramidda iti entero a daga.

Jeremias 20:5

Pasamsamkonto kadagiti kabusorda ti amin a kinabaknang daytoy a siudad. Pasamsamkonto met dagiti napateg a sanikuada ken uray pay dagiti napateg a gameng dagiti ari ti Juda. Ipandanto idiay Babilonia.

Jeremias 27:19

Idi impanaw ni Ari Nebucadnesar ni Jeconias nga anak ni Jehoyakim nga ari ti Juda, agraman dagiti natan-ok a lallaki iti Juda ken Jerusalem, imbatina dagiti monmon, palanggana a pagyanan ti danum, dagiti batay ken dagiti dadduma nga alikamen ti Templo.)

Jeremias 27:21

“Denggenyo ti kunak, siak, ni Yahweh a Mannakabalin-amin a Dios ti Israel, maipanggep kadagiti alikamen a nabati iti Jerusalem, iti Templo ken iti palasio ti ari:

Jeremias 50:28

Nagkamang idiay Sion dagiti nagtalaw idiay Babilonia ket imbagada ti panangibales ti Apo a Diostayo iti dakes nga inaramid ti Babilonia iti Templona.)

Jeremias 51:51

Kunayo, ‘Naibabain ken naumsikami. Awan a pulos gawaymi ta immay dagiti ganggannaet ket simrekda iti nasantoan a lugar iti Templo.’

Jeremias 52:13

Pinuoranna ti Templo ken ti palasio ti ari, agraman ti amin a balbalay dagiti natan-ok a tattao idiay Jerusalem.

Dungdung-aw 1:7

Nadadaelen ti Jerusalem ket itan agmaymaysa. Malagipna ti napukaw a kinapintasna. Idi parmeken dagiti kabusor, awan timmulong kenkuana. Kinatkatawaan dagiti kabusor ti pannakatnagna.

Ezekiel 44:7

Tinulawanda ti Templo babaen iti panangipalubosda a sumrek dagiti ganggannaet a di nakugit a tattao a saan nga agtulnog kaniak—iti Templo bayat ti pannakaidatag ti taba ken dara dagiti sakrifisio a maidaton kaniak. Ngarud, sinalungasing dagiti tattaok ti nagtutulaganmi gapu kadagiti amin a nakababain nga aramidda.

Ezekiel 7:22

Diakto bumibiang uray no rabngisenda ti Templok, uray no serken dagiti mannanakaw ket tulawanda.

Ezekiel 9:7

Kinuna ti Dios kadakuada, “Tulawanyo ti Templo. Punnoenyo ti paraangan kadagiti bangkay. Rugianyon ti agtrabaho!” Ngarud, rinugianda ti nagpapatay kadagiti tattao iti siudad.

San Marcos 13:14

“Makitayonto ‘Ti Nakabutbuteng a Mangdadael’ nga adda iti di rumbeng a pagsaadanna (maawatan koma ti agbasa ti kaipapanan daytoy). No agnaedkayo idiay Judea iti dayta a tiempo, masapul a kumamangkayo kadagiti bambantay.

Deuteronomio 23:3

“Saan a maibilang kadagiti tattao ti Apo ti maysa nga Ammonita wenno Moabita—wenno ti siasinoman a kaputotanda uray iti maikasangapulo a kaputotan.

Deuteronomio 23:4

Didakay inikkan iti kanen ken danum idi magnakayo iti dagada kalpasan ti iruruaryo idiay Egipto. Tinangdananda ketdi ni Balaam nga anak ni Beor a taga-Peor iti probinsia ti Mesopotamia tapno ilunodnakayo.