Dungdung-aw 1:1 - Ti Baro a Naimbag a Damag Biblia

¹ Naglidayen ti kasasaad ti Jerusalem! Adu idi ti taona ngem ita nabaybay-anen. Raraemen idi ti lubong, ngem ita kasla maysan a balo. Katan-okan idi kadagiti siudad ngem nagbalin a tagabu.

Ti Biblia (1973)

¹ Anian ti panagwaywayas ti maysa nga ili a napno idi cadagiti tattao! Isu nagbalin a cas maysa a balo, daydi dackel idi iti nagtengngaan dagiti nasnacion! Daydi princesa cadagiti provincia nagbalin a paiturayan!

Dungdung-aw 1:1 Iomraidhean Croise

1 Ar-ari 4:21

Sakupen ti pagarian ni Solomon ti amin a pagilian manipud Karayan Eufrates iti daya agingga idiay Filistia iti laud ken agingga iti beddeng ti Egipto iti abagatan. Nagbuisda kenkuana ket inturayanna ida iti unos ti panagbiagna.

2 Ar-ari 23:33

Naggibus ti panagturayna idi intalaw ni Neco nga ari ti Egipto ket imbaludna idiay Ribla, iti daga ti Hamat. Pinagbayad ni Neco ti Juda iti 3,750 a kilo a pirak ken dandani tallopulo ket uppat a kilo a balitok a kas buis ti pagilian.

2 Ar-ari 23:35

Inted ni Ari Joakim ti pirak ken balitok a kas buis iti ari ti Egipto. Tapno maitedna ti gatad, pinagbuisna dagiti tattao kas mayannurot iti kinabaknangda.

2 Cronicas 9:26

Isu ti mangituray kadagiti amin nga ari iti sakupna manipud Karayan Eufrates agingga iti Filistia ken ti beddeng ti Egipto.

ESDRAS 4:20

Mamaingel nga ari ti nagturay iti Jerusalem, ket inturayanda ti entero a probinsia ti Laud-ti-Eufrates. Nagsingirda iti buis ken kuarta a nagtaud iti nadumaduma a pamastrekan.

Nehemias 5:4

Kinuna pay ti dadduma, “Immutangkami iti kuarta tapno adda pagbuismi kadagiti talon ken kaubasanmi.

Nehemias 9:37

Maited ti amin nga apit kadagiti ari nga insaadmo gapu ta nagbasolkami. Aramidenda ti kaykayatda kadakami ken kadagiti bakami, ket napalalo ti pannakaparigatmi.”

Dagiti Salmo 122:4

Ditoy ti umayan dagiti tribu; wen, dagiti tribu ti Israel tapno agyamanda ken ni Yahweh kas imbilinna kadakuada.

Isaias 14:12

Sika, ari ti Babilonia, sika a baggak ti agsapa, anian a pannakatnagmo! Pinarmekmo idi dagiti nasion, ngem ita naidasaykan iti daga.

Isaias 22:2

Kumaribuso ti entero a siudad. Umariwawa dagiti tattao. Dagiti soldadom a natay saanda a natay iti kampilan wenno napasag iti paggugubatan.

Isaias 3:26

Agdung-aw ken agsangitto dagiti ruangan ti siudad, ket mayarigto ti mismo a siudad iti babai a lamolamo nga agtugtugaw iti daga.

Isaias 49:21

Iti kasta, kunamto iti bagim, ‘Siasino ti nangted kaniak kadagitoy nga ubbing? Natay dagiti annakko, ket diak naganaken. Naitalawak a kas balud ket nayadayoak— siasino ngarud ti nangpadakkel kadakuada? Maymaysaak a nabati, naggapuan ngarud dagitoy nga ubbing?’”

Isaias 50:5

Inikkannak ti Apo iti pannakaawat, ket diak nagsukir wenno simmina kenkuana.

Isaias 52:2

Wayawayaam ta bagim, Jerusalem. Bumangonka iti ayanmo a tapok, ket agtugawka iti tronom. Ikkatenyo dagiti kawaryo, dakay a balud nga annak ti Sion!

Isaias 52:7

Nagpintas ketdin nga imatangan ti naibaon a sumungsungad iti bantay! Umayna ipakaammo kadagiti kabambantayan ti naimbag a damag ti kappia! Ipakaammona ti balligi ket kunana, “Agarin ti Diosmo, Sion!”

Isaias 54:4

Dika agbuteng—dikanton maibabain; saankanton a malalais. Malipatamton ti kinagulibmo a kas asawa idi ubingka pay. Malipatamton ti nakaay-ay-ay a kasasaadmo a kas balo.

Jeremias 31:7

Kuna ni Yahweh, “Kantaanyo a sirarag-o ti Israel, ti kangrunaan kadagiti nasion. Ikantayo ti pagdaydayawyo ket kunayo, ‘Insalakan ti Apo dagiti tattaona; inispalna dagiti amin a natda iti Israel.’

Jeremias 40:9

Impatalged ni Gedalias daytoy kadakuada, “Saankayo nga agbutbuteng a sumuko kadagiti taga-Babilonia. Agnaedkayo iti daytoy a daga. Agserbikayo iti ari ti Babilonia ket awanto ti pakaan-anoanyo.

Jeremias 42:2

Kinunada kaniak, “Pangngaasim ta ipangagmo ti dawatmi! Ikararagannakami iti Apo a Diostayo. Idawdawatannakam amin a natda. Adukami idi, ngem kas makitam, bassitkamin.

Jeremias 44:2

Kinuna ti Apo a Mannakabalin-amin a Dios ti Israel, “Nakitayo a mismo ti panangdadaelko iti Jerusalem ken kadagiti amin a siudad ti Juda. Langalangda pay laeng agpapan ita ket awan agnaed kadakuada.

Jeremias 44:6

Iti kasta, indissuorko ti unget ken pungtotko kadagiti il-ili ti Juda ken kadagiti lanlansangan ti Jerusalem ket pinuorak ida. Nagbalinda a rebrebba ket nakabutbuteng ti buyada agpapan kadagitoy nga aldaw.

Jeremias 50:23

Mayarig ti Babilonia iti dakkel a martilio a nangburak iti entero a lubong. Ita, natukkotukkolen dayta a martilio. Nakigtot dagiti amin a nasion iti napasamak iti Babilonia.

Jeremias 9:11

Kuna ti Apo, “Pagbalinekto ti Jerusalem a nagrebbaan, a pagnaedan dagiti lobo iti let-ang. Aglangalangto dagiti siudad ti Juda, awanton ti agnaed kadakuada.”

Dungdung-aw 1:19

“Inayabak dagiti kaduak ngem didak kayat a tulongan. Natay dagiti papadi ken agtuturay kadagiti kalsada iti panagbirbirokda iti taraon a pagbiagda.

Dungdung-aw 2:1

Pinagsipnget ti Apo ti Sion gapu iti pungtotna. Pinagbalinna a rebrebba ti nailangitan a dayagna. Iti aldaw ti pungtotna, binaybay-anna uray pay ti pagbatayan dagiti sakana.

Dungdung-aw 2:10

Naulimek dagiti lallakay iti Jerusalem. Agtutugawda iti daga. Tapoktapok dagiti uloda ket nakersang a lupot ti kawesda. Nakadumog dagiti babbalasitang ket mulmulenglenganda ti daga.

Dungdung-aw 4:1

Napukawen ti rimat ti nasudi a balitokmi! Agkaiwara iti kalsada dagiti bato ti Templo.

Dungdung-aw 5:16

Awanen ti nabati iti amin a pagtangtangsitmi, nagbasolkami ket ita, agsagsagabakami.

Ezekiel 26:16

Bumabanto kadagiti tronoda dagiti amin nga ari dagiti nasion nga agbibiahe iti taaw. Ikkatendanto dagiti kagayda ken dagiti nabordaan a kawesda, ket agpigpigergerdanto nga agtugaw iti daga. Makigtotdanto gapu iti mapasamak kenka ket didanto maisardeng ti panagtigergerda.

Ezekiel 26:2

Kinunana, “Anak ti tao, daytoy ti ipukpukkaw a siraragsak dagiti tattao iti siudad ti Tiro: ‘Narban ti Jerusalem! Awanen ti pannakabalinna a kas negosiante! Naglukaten kadatayo dagiti ruanganna ket awanen ti kasalisaltayo!’

Ezekiel 5:5

Kinuna ti Apo a Dios: “Kitaem ti Jerusalem. Binangonko iti tengnga ti lubong, a linikmut dagiti pagilian.

Levitico 26:31

rebbaekto dagiti siudadyo, dadaelekto dagiti lugar a pagrukrukbabanyo ket diakto awaten dagiti idatonyo.

Levitico 26:33

Yegkonto ti gubat kadakayo ket iwarawarakayto kadagiti nadumaduma a pagilian. Awanton ti matagtagitao iti dagayo ket aglangalangto dagiti siudadyo.

Sofonias 2:15

Daytoyto ti mapasamak iti siudad a natangsit unay gapu iti pannakabalinna. Ipagarupna a natalged ket awan ti pakaan-anoanna. Ipagarup dagiti tattaona a ti siudadda ti kabilgan iti lubong. Aglangalangto ket agbalinto nga apon dagiti atap nga animal. Agalinggagetto ti siasinoman a magna sadiay.

Paltiing 18:7

No kasano ti kinapasindayag ken kinabarayuboyna, Kasta met ti rigat ken ladingit nga ipalak-amyo kenkuana. Ta kanayon nga ibagbagana iti bagina: ‘Naisaadak a reyna, saanak a maysa a balo. Diakto aglak-am iti ladingit uray kaano!’