Daniel 9:4 - Ti Baro a Naimbag a Damag Biblia

⁴ Nagkararagak ken ni Yahweh a Diosko ket impudnok ti basol dagiti kailiak. Kastoy ti kararagko: “Apo Dios, naindaklanka ket agraemkami kenka. Napudnoka iti nakitulagam, ket ipakitam ti di agbalbaliw nga ayatmo kadagiti agayat kenka ken agtungpal iti aniaman a bilinmo.

Ti Biblia (1973)

⁴ Ket nagcararagac ken Jehova a Diosco, ket nagpudnoac, ket kinunac, O Apo, ti dackel ken pagbutngan a Dios, a mangsalimetmet iti tulag ken kinamanangngaasi cadagiti agayat kencuana ken mangtungpal cadagiti bilbilinna,

Daniel 9:4 Iomraidhean Croise

1 Ar-ari 8:23

ket inkararagna: “O Apo a Dios ti Israel, awan ti Dios a kas kenka sadi langit wenno ditoy daga! Tungpalem ti katulagan kadagiti tattaom. Ipakitam ti di agbalbaliw nga ayatmo kadagiti agtulnog kenka iti amin a pusoda.

2 Cronicas 7:14

no agkararagda kaniak ken agbabawida ket tallikudanda ti dakes nga aramidda, ipangagko ida iti langit, pakawanek dagiti basbasolda ket parang-ayek manen ti dagada.

ESDRAS 10:1

Sidudumog ni Ezra iti sangoanan ti Templo, ket agsangsangit a nangipudno kadagitoy a basbasol. Kabayatan ti panagkararagna, linawlaw ti adu nga Israelita—lallaki, babbai ken ubbing—nga agsangsangit met iti nasaem.

Nehemias 1:5

Kinunak, “Apo a Dios ti Langit! Naindaklanka, ket agbutengkami kenka. Mapagtalkanka ket tungpalem ti katulagam kadagiti tattao nga agayat kenka ken agtungpal kadagiti bilbilinmo.

Nehemias 9:32

“O Dios a Diosmi, naindaklanka unay! Nakabutbuteng ken mannakabalinka! Salimetmetam a sipupudno dagiti karim iti katulagam. Manipud iti tiempo a panangidadanes kadakami dagiti ar-ari ti Asiria, adun ti sinagsagabami agpapan ita. Nagsagaba dagiti ar-arimi, dagiti papangulo, papadi ken profetami, dagiti kapuonanmi ken amin a tattaomi. Lagipem kadi ti adu unay a sinagabami.

Dagiti Salmo 32:5

Impudnok kenka dagiti basolko; diak inlimed dagiti labsingko. “Inkeddengko nga ipudno kenka dagiti basbasolko,” kinunak, ket pinakawanmo dagiti amin a salungasingko.

Exodo 20:6

Ngem ipakitak ti panagayatko iti rinibu a kaputotan dagiti agayat kaniak ken mangtungpal kadagiti bilinko.

Jeremias 3:13

Isuna laeng nga annugotem ti basolmo kaniak ket sinukirmo ni Yahweh a Diosmo. Ipudnom kaniak nga inayatmo dagiti didiosen iti sirok ti tunggal nalangto a kayo, ket dimo impangag dagiti bilinko. Siak, ni Yahweh, ti nagsao iti daytoy.

Jeremias 32:23

Ngem idi immayda iti daytoy a daga ket tinagikuada, dida nagtulnog kadagiti bilinmo wenno nagbiag a mayannurot kadagiti pannursurom. Awan tinungpalda kadagiti imbilinmo nga aramidenda. Daytoy ti gapuna nga inyegmo kadakuada amin dagitoy a pannakadadael.

Daniel 6:10

Nagawid ni Daniel idi madamagna a nafirmaanen ti bilin. Iti akingngato a kadsaaran ti balayna, adda kuarto a tallo ti tawana a sumango iti Jerusalem. Kas iti masansan nga ar-aramidenna, nagparintumeng iti sangoanan dagiti nakalukat a tawa ket nagkararag iti Dios iti mamitlo iti maysa nga aldaw.

Daniel 9:3

Gapu iti daytoy, impasnekko ti nagkararag ken nagdawat ken ni Apo Dios. Nagayunarak, nagkawesak iti nakersang a lupot ken nagtugawak iti dapu.

San Lucas 1:72

Inkarina met a kaasianna dagiti ammatayo, Ken laglagipenna ti nasantoan a tulagna,

Taga-Roma 8:28

Ammotayo a kadagiti amin a banag, agtartrabaho ti Dios para iti pagimbagan a kaduana dagiti agayat kenkuana, isuda nga inayabanna kas mayannurot iti panggepna.

Deuteronomio 5:10

Ngem ipariknak ti ayatko kadagiti rinibribu a kaputotan kadagiti agayat kaniak ken agtulnog kadagiti lintegko.

Deuteronomio 7:12

“No ipangagyo dagitoy a bilin ket tungpalenyo ida a sipapasnek, taginayonento ti Apo a Diosyo ti katulaganna kadakayo ken ti di agbalbaliw nga ayatna, kas inkarina kadagidi kapuonanyo.

Deuteronomio 7:21

Dikay agbuteng kadagitoy a tattao. Adda kadakayo ti Apo a Diosyo; naindaklan a Dios ken rumbeng a pagbutngan.

Deuteronomio 7:9

Laglagipenyo a ti Apo a Diosyo ti maymaysa a Dios ken mapagtalkan. Tungpalennanto ti tulagna ket iparangarangnanto ti di agbalbaliw nga ayatna iti rinibu a kaputotan kadagiti agayat kenkuana ken agtulnog kadagiti bilinna,

Santiago 1:12

Nagasat ti tao nga agtalinaed a natibker bayat ti pannakasuotna. Ngamin, no agballigi, awatennanto ti balangat ti biag nga inkari ti Dios kadagiti agayat kenkuana.

Santiago 2:5

Dumngegkayo, ingungotek a kakabsat! Dagiti napanglaw ditoy lubong ti pinili ti Dios tapno mapabaknang ti pammatida ken agbalinda a kameng ti Pagarian nga inkarina kadagiti agayat kenkuana.