Daniel 9:3 - Ti Baro a Naimbag a Damag Biblia

³ Gapu iti daytoy, impasnekko ti nagkararag ken nagdawat ken ni Apo Dios. Nagayunarak, nagkawesak iti nakersang a lupot ken nagtugawak iti dapu.

Ti Biblia (1973)

³ Ket insangoc ti rupac iti Apo a Dios, tapno sapulec babaen ti cararag ken pannakicaasi, agraman panagayunar ken lupot a nakersang ken dapu.

Daniel 9:3 Iomraidhean Croise

2 Samuel 12:16

Nagkararag ni David iti Dios tapno umimbag ti ubing. Saan a nangan iti uray ania, ket tunggal rabii mapan iti kuartona ket agpatpatnag nga agid-idda iti datar.

ESDRAS 10:6

Kalpasanna, pimmanaw ni Ezra iti sangoanan ti Templo ket napan iti kuarto ni Jehohanan nga anak ni Eliasib. Pinalabasna ti rabii sadiay a pulos a saan a nangan ken imminum. Nagpatpatnag a dinungdung-awanna dagitoy nga Israelita gapu ta tinallikudanda ti Dios.

ESDRAS 8:21

Iti igid ti Karayan Ahava, imbilinko nga agayunarkami amin ket agpakumbabakam iti imatang ti Diosmi ken dawatenmi nga idalannakami iti panagdaliasatmi ket salaknibannakami ken dagiti annakmi, agraman dagiti sanikuami.

ESDRAS 9:5

Idi dumtengen ti oras ti panagidaton iti rabii, timmakderak iti ayanko a nagladladingit. Siaaruatak pay laeng iti naray-ab a pagan-anayko. Nagparintumengak ket inkararagko ken ni Yahweh a Diosko:

Nehemias 9:1

Iti maika-24 nga aldaw ti isu met la a bulan, naguummong dagiti Israelita tapno agayunarda. Nagkawesda iti nakersang a lupot ken inikkanda dagiti uloda iti dapu. Daytoy ti mangipakita iti panagladingitda ken panagbabawida kadagiti basbasolda.

Ester 4:16

“Ummongem ti amin a Judio nga adda iti Susa. Agayunarkayo ket idawdawatandak. Dikay mangan wenno uminum iti uray ania iti tallo nga aldaw ken rabii. Agayunarakto met agraman dagiti adipenko a babbai. Kalpasanna, uray no maisalungasing iti linteg, innakto iti ari ket no pakatayak, awatek a siraragsak.”

Ti Libro ni Job 42:6

Isut' gapuna a mabainak iti amin a naisawangko; agbabawiak ket warsiak ti bagik iti tapok ken dapu.

Dagiti Salmo 35:13

Ngem nagladingitak idi masakitda; nagayunarak gapu kadakuada. Nagkararagak a sidudumog,

Isaias 22:12

Ay-ayabannakay idi ti Apo Dios a Mannakabalin-amin tapno agsangit ken agdung-awkayo, kuskosanyo dagiti uloyo ken agarruatkayo iti nakersang a lupot.

Jeremias 33:3

“Awagannak ket sungbatankanto. Ibagakto kenka dagiti nakaskasdaaw ken naindaklan a banag a saanmo pay nga ammo.

Ezekiel 36:37

Kuna ti Apo a Dios, “Palubosakto manen dagiti Israelita nga agpatulong kaniak. Paaduekto ida a kas iti arban dagiti karnero.

Daniel 6:10

Nagawid ni Daniel idi madamagna a nafirmaanen ti bilin. Iti akingngato a kadsaaran ti balayna, adda kuarto a tallo ti tawana a sumango iti Jerusalem. Kas iti masansan nga ar-aramidenna, nagparintumeng iti sangoanan dagiti nakalukat a tawa ket nagkararag iti Dios iti mamitlo iti maysa nga aldaw.

Daniel 9:2

Iti umuna a tawen a panagarina, ad-adalek dagiti nasagradoan a sursurat ket ut-utobek ti kaipapanan dagiti 70 a tawen a panaglangalangto ti Jerusalem kas imbaga ni Yahweh ken ni profeta Jeremias.

Daniel 9:20

Intultuloyko ti nagkararag ket impudnok dagiti basbasolko ken dagiti basbasol dagiti kailiak nga Israelita. Impakpakaasik iti Apo a Diosko a bangonenna manen ti nasantoan a Templona.

Daniel 9:4

Nagkararagak ken ni Yahweh a Diosko ket impudnok ti basol dagiti kailiak. Kastoy ti kararagko: “Apo Dios, naindaklanka ket agraemkami kenka. Napudnoka iti nakitulagam, ket ipakitam ti di agbalbaliw nga ayatmo kadagiti agayat kenka ken agtungpal iti aniaman a bilinmo.

Joel 1:13

Dakayo a papadi nga agserserbi iti altar, agkaweskayo iti nakersang a lupot ket agsangitkayo. Inkay iti Templo ket agpatpatnag nga agsangsangitkayo. Awanen ti trigo wenno arak a maidaton iti Diosyo.

Joel 2:12

Kuna ti Apo: “Ngem uray ita, agbabawikayo iti amin a pusoyo ket agsublikayo kaniak; agayunar, agsangit ken agdung-awkayo.

Jonas 3:5

Namati dagiti taga-Nineve iti mensahe ti Dios. Ngarud, inkeddengda a masapul nga agayunar ti tunggal maysa ket nagkawes dagiti amin a tao iti nakersang a lupot, natan-ok man wenno nanumo, a mangipakita iti panagbabawida.

San Lucas 2:37

ket 84 a tawenen a nabalo. Saan a pimmampanaw iti Templo. Aldaw-rabii a nagdaydayaw iti Dios, nagay-ayunar ken nagkarkararag.

Dagiti Aramid 10:30

Kinuna ni Cornelio, “Iti agarup kastoy nga oras tallo nga aldawen ti napalabas, agkarkararagak ditoy balay iti alas tres ti malem. Pagammoan, nagtakder iti sangoanak ti maysa a lalaki a makapurar ti kawesna.