Daniel 9:2 - Ti Baro a Naimbag a Damag Biblia

² Iti umuna a tawen a panagarina, ad-adalek dagiti nasagradoan a sursurat ket ut-utobek ti kaipapanan dagiti 70 a tawen a panaglangalangto ti Jerusalem kas imbaga ni Yahweh ken ni profeta Jeremias.

Ti Biblia (1973)

² Iti immuna a tawen ti panagarina, siac, ni Daniel, naawatac gapu cadagiti libro ti bilang dagiti tawen a nanipudan ti sao ni Jehova a dimteng ken Jeremias a mammadto, maipaay iti pannacalpas ti pannacalangalang ti Jerusalem, isuda met laeng pitupulo a tawen.

Daniel 9:2 Iomraidhean Croise

2 Cronicas 36:21

Ket natungpal ti sao ni Yahweh idi imbagana ken ni profeta Jeremias, “Aginananto ti daga iti uneg ti 70 a tawen a sukat dagiti Tawen a Panaginana a saan a nangilin.”

ESDRAS 1:1

Iti umuna a tawen a panagturay ni Ciro nga emperador ti Persia, tinignay ni Yahweh ti ari tapno mangipaulog iti bilin a maibasa iti entero a pagarianna. Naaramid daytoy tapno matungpal ti sao ni Yahweh babaen ken ni profeta Jeremias.

Dagiti Salmo 119:24

Paragsakendak a kanayon dagiti pammagbagam; isuda dagiti mangbalbalakad kaniak.

Isaias 64:10

Nagbalinen a kasla let-ang dagiti nasantoan a siudadmo. Narba ti Jerusalem ket nagpanawanen.

Jeremias 1:1

Nailanad iti daytoy a libro ti pakasaritaan ni Jeremias nga anak ni Hilkias. Maysa ni Jeremias kadagiti papadi iti ili ti Anatot iti daga ti Benjamin.

Jeremias 25:18

Imminum ti Jerusalem, dagiti il-ili ti Juda, dagiti ari ken dagiti pangulo tapno aglangalangda ken agbalinda a nakabutbuteng ken nakakigkigtot a buya. Iti kasta, aramatento dagiti tattao ti naganda a pagilunod. (Kasta pay laeng agingga ita.)

Jeremias 26:18

“Idi ni Hezekias ti ari ti Juda, imbaga ni profeta Mica a Morastita kadagiti amin a tattao a kinuna daytoy ti Apo a Mannakabalin-amin, ‘Kaslanto talon a maarado ti Sion; agbalinto ti Jerusalem a gabsuon a batbato, ket agbalinto a bakir ti turod ti Templo.’

Jeremias 26:6

No itultuloyyo ti agsukir, aramidekto iti daytoy a Templo ti kas iti inaramidko iti Silo. Aramatento dagiti amin a nasion a pagilunod ti nagan daytoy a siudad.”

Jeremias 27:7

Agserbinto dagiti amin a nasion kenkuana. Agserbidanto met iti anakna ken iti apokona agingga a dumteng ti tiempo a pannakaparmek ti nasionna. Kalpasanna, agserbinto ti pagilianna kadagiti nabileg a pagilian ken kadagiti mannakabalin nga ar-ari.

Jeremias 29:10

“Kuna ti Apo, ‘Inton maturpos ti Babilonia ti pitopulo a tawenna, sarungkarankayto ket yawidkayo, kas inkarik kadakayo.

Jeremias 7:34

Agbalinto ti daga a let-ang. Gibusakto ti ragsak ken rag-o kadagiti siudad ti Juda ken kadagiti kalkalsada ti Jerusalem. Saanton a mangngeg dagiti naragsak nga ariwawa ti parambak dagiti agkasar.

Dungdung-aw 1:1

Naglidayen ti kasasaad ti Jerusalem! Adu idi ti taona ngem ita nabaybay-anen. Raraemen idi ti lubong, ngem ita kasla maysan a balo. Katan-okan idi kadagiti siudad ngem nagbalin a tagabu.

Ezekiel 29:11

Awanto ti tao wenno animal a bumaddek iti dayta a disso. Iti las-ud ti 40 a tawen, awanto ti agnaed sadiay.

Daniel 9:3

Gapu iti daytoy, impasnekko ti nagkararag ken nagdawat ken ni Apo Dios. Nagayunarak, nagkawesak iti nakersang a lupot ken nagtugawak iti dapu.

Mikias 3:12

Ngarud, gapu kadakayo, maaradonto ti Sion a kas iti maysa a talon. Marebbekto ti Jerusalem ket agbalin a nagrebbaan. Agbalinto met a kabakiran ti bantay nga ayan ti Templo.

Zacarias 1:12

Kinuna ti anghel, “O Apo a Mannakabalin-amin, 70 a tawenen a kapungpungtotmo ti Jerusalem ken dagiti siudad ti Juda. Kaanonto a kaasiam ida?”

Zacarias 7:5

“Ibagam kadagiti tattao iti pagilian ken kadagiti papadi, a no agayunar ken agdung-awda idi iti maikalima ken maikapito a bulan iti las-ud dagitoy pitopulo a tawen, saan a kas pammadayawda kaniak.

San Mateo 24:15

“Iti kasta, inton makitayo ‘Ti Nakabutbuteng a Mangdadael’ nga agtakder iti nasantoan a lugar a kas insao ni profeta Daniel (maawatan koma ti agbasa ti kaipapanan daytoy),

San Marcos 13:14

“Makitayonto ‘Ti Nakabutbuteng a Mangdadael’ nga adda iti di rumbeng a pagsaadanna (maawatan koma ti agbasa ti kaipapanan daytoy). No agnaedkayo idiay Judea iti dayta a tiempo, masapul a kumamangkayo kadagiti bambantay.

Dagiti Aramid 8:34

Kinuna ti ofisial ken ni Felipe, “Sinno kadi ti sarsaritaen ti profeta? Ti bagina kadi wenno sabali?”

1 Timoteo 4:13

Agingga iti yaayko, ipaaymo ti amin nga oras ken pigsam iti pannakaibasa ti Nasantoan a Surat iti publiko, ken iti panangasaba ken panangisuro.

Paltiing 1:3

Nagasat ti mangbasa iti daytoy a libro. Nagasat met dagiti dumngeg kadagitoy naipadto a mensahe ken mangtungpal iti nailanad iti daytoy a libro! Asidegen ti tiempo a mapasamak dagitoy.