Daniel 8:4 - Ti Baro a Naimbag a Damag Biblia

⁴ Binuybuyak ti kalakian a karnero nga agwangwang-it a nakasango iti laud, amianan ken abagatan. Awan ti animal a makaparmek kenkuana wenno makalisi iti pannakabalinna. Inaramidna ti kinaykayatna ket timmangsit.

Ti Biblia (1973)

⁴ Nakitac ti carnero a lalaki nga agdiros nga agpalaud, ken agpaamianan, ken agpaabagatan; ket awan ti uray ania nga animal a macabalin nga agtacder iti sangoananna, ket awan met ti aniaman a macalapsut iti imana; ngem inaramidna ti mayannurot iti pagayatanna, ket intan-ocna ti bagina met laeng.

Daniel 8:4 Iomraidhean Croise

1 Ar-ari 22:11

Maysa kadagiti profeta, ni Zedekias nga anak ni Kenaana, ti nangaramid kadagiti sinan-sara a landok ket kinunana ken ni Ahab, “Kastoy ti sao ti Apo: ‘Dagitoyto ti aramatem a pakigubat kadagiti taga-Siria agingga a maparmekmo ida.’”

Ti Libro ni Job 10:7

Ammom nga awan ti basolko; ammom nga awan ti makaisalakan kaniak iti pannakabalinmo.

Dagiti Salmo 44:5

Babaen iti pannakabalinmo inlugesmo dagiti kabusormi.

Dagiti Salmo 50:22

“Utobenyo daytoy, dakay a di mangikankano kaniak, ta no saan, dadaelenkayo, ket awan ti makaisalakan kadakayo.

Dagiti Salmo 7:2

amangan no kasda la leon a mangipanaw kaniak, ket iti lugar nga awan mangisalakan, lasanglasangendak.

Ezekiel 34:21

Induronyo dagiti masaksakit ket sinangdosangdoyo ida agingga a nayadayoda iti arban.

Daniel 11:16

Aramidento ti rimmaut a taga-Siria ti kaykayatna kadakuada, ket awanto ti sumaranget kenkuana. Agtakderto iti Naikari a Daga ket iturayannanto nga awan mangsingsinga kenkuana.

Daniel 11:36

“Aramidento ti ari ti Siria ti kaykayatna. Ipasindayagnanto a natantan-ok ngem iti uray ania a didiosen ket itangsitnanto a nabilbileg ngem ti Kangatoan a Dios. Maaramidnanto daytoy agingga iti tiempo a panangdusa ti Dios kenkuana. Aramidento ti Dios dagiti inkeddengna nga aramiden.

Daniel 5:19

Gapu iti nagpaiduma a pannakabalinna, nagbuteng ken nagtigerger iti sangoananna dagiti amin a tattao ti nadumaduma a puli ken pagsasao. Pinapatayna dagiti kayatna a mapapatay ket inispalna dagiti kayatna a maispal. Intan-okna dagiti kayatna nga itan-ok ket impababana dagiti kayatna nga ipababa.

Daniel 5:30

Iti dayta met la a rabii, napapatay ni Belsazar nga ari ti Babilonia.

Daniel 7:5

Kasla oso ti maikadua nga animal. Agtaktakder kadagiti kammaudi a sakana ket tallo a paragpag ti kagkagatenna. Adda timek a nagkuna kenkuana, “Sige, agpennekka nga aglamut iti karne.”

Daniel 8:7

Binuyak ti panangdarupna iti karnero. Kasta unay ti pungtotna a simmangdo ket natukkol dagiti dua a sara ti karnero. Awan ti pigsa ti karnero a makiranget. Natulid ken nabaddebaddekan ket awan ti nakaikaluya kenkuana.

Mikias 5:8

Addadanto kadagiti sidong dagiti nasnasion. Mayarigdanto iti leon nga agbirbirok iti taraonna iti bakir wenno iti pagpastoran. Sumrek iti ayan dagiti karnero ket tukmaan ken rangrangkayenna ida. Awan ti mangisalakan kadakuada.

Deuteronomio 33:17

Napigsa ni Jose a kas iti toro a baka; kas iti sara ti atap a baka ti sarana. Dagiti sarana isuda dagiti rinibu a tattao ni Manases, ken dagiti pinullo ribu a tattao ni Efraim. Isuda ti pangsangdona kadagiti nasion ket iduronna ida agingga iti ungto ti daga.”