Daniel 7:9 - Ti Baro a Naimbag a Damag Biblia

⁹ Bayat ti panagbuybuyak, adda nangikabil kadagiti trono. Nagtugaw iti maysa kadagitoy ti maysa a sibibiag iti agnanayon. Napudaw a kas iti niebe ti kawesna, ket kasla puro a de lana ti buokna. Gumilgil-ayab ti tronona a naisaad kadagiti dumardarang a pilid.

Ti Biblia (1973)

⁹ Binuybuyac agingga iti naisaad dagiti trono, ket ti dati a lacay nagtugaw: ti cawesna napudaw a cas la nieve, ket ti booc ti olona, cas la nadalus a dutdot ti carnero; ti tronona sumsumged a gilgilayab, ket dagiti pilpilidna apuy a dumardarang.

Daniel 7:9 Iomraidhean Croise

1 Ar-ari 22:19

Intuloy ni Micaias, “Ita, denggem ti sao ti Apo! Nakitak ti Apo nga agtugtugaw iti tronona sadi langit; agtatakder dagiti anghelesna iti abayna.

2 Cronicas 18:18

Intuloy ni Micaias: “Ita, denggem ti kuna ti Apo. Nakitak ti Apo nga agtugtugaw iti tronona sadi langit; agtatakder dagiti anghelesna iti abayna.

Dagiti Salmo 45:8

Agayamuom ti mirra, aloe, ken kasia iti amin a kawesmo; iti uneg dagiti marfil a palasio linglingayendaka kadagiti nakuerdasan a pagtokaran.

Dagiti Salmo 90:2

Sakbay a pinarsuam dagiti bantay, wenno ti panangpaaddam iti lubong, agnanayonkan a Dios, wen, Dios iti awan inggana.

Dagiti Salmo 93:2

Manipud un-unana, O Apo, natalgeden ti tronom; addakan sakbay ti panangrugi ti panawen.

Isaias 6:1

Idi tawen a pannakatay ni Ari Uzzias, nakitak ti Apo. Situtugaw iti nangato a tronona. Agsaringgayad ti gayadan ti kagayna iti entero a Templo.

Isaias 9:6

Naipasngay kadatayo ti maysa nga ubing! Adda ubing a lalaki a naited kadatayo! Ket isunto ti mangituray kadatayo! Maawaganto iti, “Nakaskasdaw a Mammagbaga,” “Mannakabalin a Dios,” “Agnanayon nga Ama,” “Prinsipe ti Kappia.”

Jeremias 49:38

Papatayekto dagiti ari ken dagiti pangulo ti Elam ket ipasdekkonto ti tronok sadiay.

Ezekiel 1:26

Iti ngatoen ti atep, adda kasla trono a naaramid iti safiro. Adda kasla tao nga agtugtugaw iti trono.

Daniel 7:13

Iti parmatak iti dayta a rabii, nakitak ti kasla anak ti tao a bumabbaba a linikmut dagiti ulep. Immasideg iti Sibibiag iti Agnanayon ket naidatag kenkuana.

Daniel 7:22

Kalpasanna, dimteng ti sibibiag iti agnanayon ket inkalinteganna dagiti tattao ti Kangatoan a Dios. Dimtengen ti tiempo a panangawat dagiti tattao ti Dios iti pannakabalin a mangituray iti pagarian.

Mikias 5:2

Kuna ti Apo, “Betlehem iti Efrata, sika ti maysa kadagiti kabassitan nga ili ti Juda. Ngem pataudek kenka ti maysa a mangituray iti Israel a nagtaud ti kapuonanna idi ugma.”

Habakuk 1:12

O Apo, sikan ti Dios manipud idi punganay. Sika ti Diosko a nasantoan ken agnanayon. O Apo a Diosko ken mangaywan kaniak, pinilim dagiti taga-Babilonia ket pinapigsam ida tapno mabalindakam a dusaen.

San Mateo 17:2

Sadiay, nagbalbaliw ti langa ni Jesus iti imatang dagiti tallo nga adalan: nagraniag ti rupana a kas iti init, ket rimmangrang a kas lawag dagiti pagan-anayna.

San Mateo 28:3

Makapurar a kasla kimat ti langana ken nakapudpudaw ti pagan-anayna.

San Marcos 9:3

Makapurar ti pudaw dagiti pagan-anayna ket awan ti siasinoman ditoy lubong a makapapudaw kas iti kapudawda.

Dagiti Aramid 2:30

Maysa a profeta ni Ari David ket ammona ti inkari ti Dios kenkuana. Insapata ti Dios a pagbalinennanto nga ari a kas kenkuana ti maysa kadagiti kaputotanna.

Dagiti Aramid 2:33

Naitan-ok iti makannawan ti Dios nga Amana ket inawatna kenkuana ti Espiritu Santo kas inkarina. Daytoy ti imbuyatna kas makitkita ken mangmangngegyo ita.

Taga-Filipos 3:9

ket awan ti pagkurangan ti pannakikaysak kenkuana. Awanen ti bukodko a kinalinteg, wen, ti kinalinteg a magun-od babaen iti panagtungpal iti Linteg. Adda kaniakon ti kinalinteg a magun-od babaen iti pammati ken ni Cristo; wen, ti kinalinteg nga agtaud iti Dios, ken maibatay iti pammati.

1 Timoteo 6:16

Isu laeng ti saan a matay. Agnaed iti silaw nga awan ti makaasideg. Awan ti siasinoman a nakakita kenkuana. Awan ti makakita kenkuana. Adda kenkuana ti dayag ken agnanayon a pannakabalin! Amen.

1 Juan 1:5

Daytoy ti mensahe a nangngegmi iti Anakna ken ipakaammomi kadakayo: Ti Dios ket silaw; awan a pulos ti sipnget kenkuana.

Paltiing 1:14

Napudaw a kas iti kapas wenno puraw a delana ti ulo ken dagiti buokna. Kasla gumilgil-ayab nga apuy dagiti matana.

Paltiing 19:18

Umayyo kanen ti lasag dagiti ar-ari, dagiti heneral, dagiti soldado, dagiti kabalio ken dagiti nagsakay kadakuada, dagiti amin a tattao, tagabu ken siwawayawaya, natan-ok ken nanumo.”

Paltiing 20:4

Ket nakakitaak kadagiti trono. Naikkan dagiti nakatugaw sadiay iti pannakabalin a mangukom. Nakitak met dagiti kararua dagiti napapatay gapu iti panangpaneknekda ken ni Jesus ken iti panangipakaammoda iti sao ti Dios. Saanda a nagrukbab iti narungsot nga animal wenno iti ladawanna. Saanda a pinaikkan dagiti muging ken imada iti marka ti narungsot nga animal. Nagungarda ket nakipagturayda ken ni Cristo iti unos ti 1,000 a tawen.

Paltiing 4:2

Pagammoan, addaak iti pannakabalin ti Espiritu ket nakitak sadi langit ti maysa a trono. Adda nakatugaw iti trono.