Daniel 7:6 - Ti Baro a Naimbag a Damag Biblia

⁶ Bayat ti panagbuybuyak, adda sabali nga animal a nakitak. Kasla leopardo ti langana. Adda uppat a payak iti bukotna a kasla payak ti tumatayab. Uppat ti ulona. Kasla adda pannakabalinna.

Ti Biblia (1973)

⁶ Iti calpasan daytoy siac kinitac, ket adtoy, ti maysa a sabali nga umasping iti maysa a leopardo, nga adda uppat a payac ti tumatayab iti bucotna; ket ti animal adda met uppat nga olona; ket ti panagturay naited kencuana.

Daniel 7:6 Iomraidhean Croise

Ezekiel 17:3

tapno maammoanda ti ibagbagak kadakuada, siak ti Apo a Dios: Adda idi dakkel nga agila a dimteng idiay Bantay Libano. Siuukrad dagiti atitiddog a payakna ken napipintas ken agduduma ti maris dagiti dutdotna. Nangtukkol iti murdong ti kayo a sedro,

Daniel 10:20

Kinunana, “Ammom kadi no apay a naibaonak kenka? Immayak tapno ipakaammok kenka ti nailanad iti Libro ti Kinapudno. Ita, masapul nga agsubliak ket gubatek dagiti anghel a guardia ti Persia. Kalpasan dayta, agparangto ti anghel a mangbambantay iti Grecia. Awan ti makatulong kaniak malaksid ken ni Miguel, ti anghel a guardia ti Israel.

Daniel 2:39

Kalpasan ti panagturaymo, tumaudto ti sabali nga imperio, ngem saanto a mannakabalin a kas iti pagariam. Kalpasanna, addanto tumaud a maikatlo nga imperio a bronse a mangituray iti entero a daga.

Daniel 7:4

Kasla leon ti umuna ngem adda payakna a kasla agila. Nakitak a naparut dagiti payakna. Naipangato iti rabaw ti daga, ket nagtakder a kasla tao. Naikkan iti panunot ti tao.

Daniel 7:5

Kasla oso ti maikadua nga animal. Agtaktakder kadagiti kammaudi a sakana ket tallo a paragpag ti kagkagatenna. Adda timek a nagkuna kenkuana, “Sige, agpennekka nga aglamut iti karne.”

Oseas 13:7

Ngarud, darupenkayo a kas iti leon. Arigko ti leopardo nga agur-uray kadakayo iti igid ti dalan.

Paltiing 13:2

Kasla leopardo ti nakitak nga animal, kasla agsaksaka nga oso, ken kasla agngiwngiwat a leon. Inted kenkuana ti dragon ti bukodna a pannakabalin, ti trono ken ti naindaklan a turayna.