Daniel 7:4 - Ti Baro a Naimbag a Damag Biblia

⁴ Kasla leon ti umuna ngem adda payakna a kasla agila. Nakitak a naparut dagiti payakna. Naipangato iti rabaw ti daga, ket nagtakder a kasla tao. Naikkan iti panunot ti tao.

Ti Biblia (1973)

⁴ Ti umuna cas la leon ket addaan paypayac ti aguila: siac kinitkitac agingga a dagidi payacna naparparutda, ket naipangato a naggapu iti daga, ket napatacder cadagiti dua a sacsaca a cas maysa a tao; ket isu naiccan iti puso ti tao.

Daniel 7:4 Iomraidhean Croise

2 Samuel 1:23

“Makaay-ayo ken maipatpateg unay da Saul ken Jonatan. Iti panagbiag saanda a nagsina, iti ipapatay nagmaymaysada. Naparpartakda ngem dagiti agila, napigpigsada ngem dagiti leon.

Ti Libro ni Job 25:6

Anianto la ketdin ti tao—dayta nga igges. Iti imatang ti Dios, ania ti pateg ti tao?

Dagiti Salmo 9:20

Ikkam ida iti pagbutnganda, O Apo, tapno maammoanda a tattaoda laeng.

Jeremias 25:38

Binaybay-an ti Apo dagiti tattaona a kas iti panangpanaw ti leon iti rukibna. Nagbalin a disierto ti daga gapu iti nakabutbuteng a gubat ken iti gumilgil-ayab a pungtot ti Apo.

Jeremias 4:13

Kitaenyo, sumungad ti kabusor a kas ulep. Mayarig iti alipugpog dagiti luganna a pakigubat. Naparpardas dagiti kabaliona ngem dagiti agila. Nadadaeltayon! Ditay makalisin!

Jeremias 4:7

Kas iti leon a rummuar iti rukibna, umayen ti agdaddadael kadagiti nasion. Umayna dadaelen ti Juda. Madadaelto dagiti siudadna. Ket mabaybay-andanton a rebrebba nga awan ti agyan kadakuada.

Jeremias 48:40

Inkari ni Yahweh nga addanto nasion a kasla agila a mangsippayot iti Moab.

Jeremias 49:19

Umayakto a kas iti leon a rummuar iti nasamek a bakir a mapan iti nalangto a pagaraban iti abay ti Karayan Jordan. Kellaatekto a kamaten dagiti Edomita ket agtataraydanto a mangpanaw iti dagada. Iturayanto ida ti piliek a pangulo. Siasino ti kas kaniak? Siasino ti kumarit kaniak? Siasino ti agturay a bumusor kaniak?

Dungdung-aw 4:19

Naparpardas ngem ti sippayot ti agila ti panangkamatda kadakami. Inanupdakami kadagiti katurturodan, sinanebdakami iti let-ang.

Ezekiel 17:3

tapno maammoanda ti ibagbagak kadakuada, siak ti Apo a Dios: Adda idi dakkel nga agila a dimteng idiay Bantay Libano. Siuukrad dagiti atitiddog a payakna ken napipintas ken agduduma ti maris dagiti dutdotna. Nangtukkol iti murdong ti kayo a sedro,

Ezekiel 28:2

Kinunana, “Anak ti tao, ibagam iti agturay iti Tiro a siak nga Apo a Dios, kastoy ti kunak kenkuana: ‘Iti kinapalangguadmo, kunam a maysaka a dios. Kas maysa a dios, kunam nga agtugtugawka iti trono a linawlaw dagiti taaw. Nalabit nga ipagarupmo a maysaka a dios, ngem taoka laeng, saanka a dios.

Ezekiel 28:9

Inton umaydaka papatayen, makunamto pay la kadi a maysaka a dios? Inton sangoem dagiti mangpapatay kenka, mataykanto ta saanka met a pudno a dios.

Daniel 2:38

Pinagturaynaka iti amin a tao, animal ken tumatayab iti amin a lugar. Sika ti ulo a balitok.

Daniel 4:36

“Idi nagsubli ti sigud a panunotko, naisubli kaniak ti dayag ti pagariak, ti dayawko ken ti kinatan-okko. Siraragsak dagiti ofisialesko ken dagiti natan-ok a tattaok a nangawat kaniak. Naisubli manen ti turayko a kas ari, ket ad-adda ti pannakabalinko ngem idi.

Daniel 7:12

Naikkat ti pannakabalin dagiti dadduma a narungsot nga animal, ngem napalubosanda nga agbiag iti ababa a tiempo.

Daniel 7:5

Kasla oso ti maikadua nga animal. Agtaktakder kadagiti kammaudi a sakana ket tallo a paragpag ti kagkagatenna. Adda timek a nagkuna kenkuana, “Sige, agpennekka nga aglamut iti karne.”

San Mateo 24:28

“Sadinoman a yan ti bangkay, sadiayto ti paguurnongan dagiti agila.”

Deuteronomio 28:49

Mangyegto ti Apo iti maysa a nasion a bumusor kadakayo. Aggapunto iti adayo a lugar a diyo maawatan ti pagsasaona. Kaslanto agila a mangseppeg kadakayo.

Paltiing 13:2

Kasla leopardo ti nakitak nga animal, kasla agsaksaka nga oso, ken kasla agngiwngiwat a leon. Inted kenkuana ti dragon ti bukodna a pannakabalin, ti trono ken ti naindaklan a turayna.