Daniel 7:2 - Ti Baro a Naimbag a Damag Biblia

² ti nakitak iti dayta a rabii: Agang-angin iti napigsa manipud iti amin a suli ket kibkiburenna ti rabaw ti taaw.

Ti Biblia (1973)

² Ni Daniel nagsao ket kinunana, Nakitac iti parparmatac iti rabii, ket adtoy, dagiti uppat nga angin ti langit dimteng a kellaat iti dackel a taaw.

Daniel 7:2 Iomraidhean Croise

Isaias 17:12

Kumaribuso dagiti nabileg a pagilian. Mayarig ti arimbangawda iti daranudor ti baybay ken iti panagbettak dagiti dadakkel a dalluyon.

Jeremias 49:36

Paganginekto iti napigsa iti amin a suli idiay Elam. Iwarawarakto dagiti tattao iti amin a disso agingga a pagbakwitan dagiti tattao ti amin a lugar.

Jeremias 51:42

Dimmakkel ti baybay ket linapunos dagiti nadawel a dalluyon ti Babilonia.

Daniel 11:4

Ngem inton kapigsa ti bilegna, marpuogto ti pagarianna ket mabingbingayto iti uppat a paset. Awanto ti ari nga agtaud iti kaputotanna. Sabalinto dagiti agturay iti lugarna ngem awanto ti bilegda a kas kenkuana.

Daniel 2:19

Iti dayta a rabii, babaen iti maysa a parmata, naipakaammo ken ni Daniel ti nasao a palimed. Iti kasta, dinaydayawna ti Dios ti langit. Kinunana:

Daniel 7:13

Iti parmatak iti dayta a rabii, nakitak ti kasla anak ti tao a bumabbaba a linikmut dagiti ulep. Immasideg iti Sibibiag iti Agnanayon ket naidatag kenkuana.

Daniel 7:7

Madama pay la nga agbuybuyaak idi makitak ti maikapat a narungsot nga animal. Nakabutbuteng a matmatan ken kasla nagpaiduma ti pigsana. Dadakkel dagiti ngipenna a landok; kinaremkem ken linamotna dagiti tiniliwna sana imbaddebaddek dagiti aniaman a natda. Saan a kas kadagiti immun-una nga animal. Adda sangapulo a sarana.

Daniel 8:2

Iti parmata, pagammoan la ta nadlawko nga addaak iti nabakudan a siudad ti Susa, iti probinsia ti Elam. Agtaktakderak iti igid ti Karayan Ulai,

Daniel 8:8

Timmangsit a timmangsit ti kalding, ngem idi kapigsa ti pannakabalinna, natukkol ti sarana. Iti nakaikkatanna, nagtubo ti uppat a dadakkel a sara. Aggigiddiat ti turong ti tunggal sara.

Zacarias 6:5

Kinunana, “Dagitoy dagiti uppat nga angin. Kagapgapuda iti saklang ti Apo ti entero a daga.”

San Mateo 24:31

Aguninto ti dakkel a trumpeta, ket ibaonto ti Anak ti Tao dagiti anghelesna kadagiti uppat a suli ti lubong sadanto urnongen dagiti tattao a pinili ti Dios, manipud iti maysa a pungto ti daga agingga iti sabali.”

Paltiing 17:15

Kinuna pay ti anghel kaniak: “Dagiti nakitam a danum a pagtugtugawan ti immoral a babai, isuda dagiti adu a tattao iti amin a puli ken pagilian.

Paltiing 7:1

Kalpasanna, nakitak ti uppat nga angheles nga agtaktakder iti uppat a suli ti daga. Tengtenglenda dagiti uppat nga angin tapno saan nga agpuyupoy iti rabaw ti daga, iti taaw wenno iti aniaman a puon ti kayo.