Daniel 6:3 - Ti Baro a Naimbag a Damag Biblia

³ Iti saan a nabayag, impakita ni Daniel a nasaysayaat ti trabahona ngem dagiti dadduma a mangipangulo ken dagiti gobernador. Agsipud ta naisangsangayan ti kabaelanna, pinanggep ti ari nga isaad ni Daniel a mangimaton iti entero a pagarian.

Ti Biblia (1973)

³ Idin daytoy a Daniel naisangayan iti ngatoen dagiti presidente ken pangpanguloen, agsipud ta adda kencuana ti mangnibinibi nga espiritu; ket ti ari pinanunotna nga isaad iti ngatoen iti amin iti pagarian.

Daniel 6:3 Iomraidhean Croise

ESDRAS 4:22

Tungpalenyo a dagus daytoy tapno saan a madegdegan ti pannakadangran ti pagarian.”

Nehemias 7:2

Nangikabilak iti dua a tao a mangimaton iti siudad ti Jerusalem: ni Hanani a kabsatko ken ni Hananias a pangulo nga ofisial dagiti agbambantay iti sarikedked. Matalek ken managbuteng iti Dios ni Hananias ket awan pumada kenkuana.

Ester 10:3

Ni laeng Mardokeo a Judio ti sumaruno iti saad ni Ari Xerxes. Raemen ken ipatpateg unay dagiti padana a Judio. Intrabahona ti pagimbagan dagiti kailianna ken ti kinatalged dagiti amin a kaputotanna.

Dagiti Proverbio 17:27

Saan a kanayon nga agsao ti tao nga agtalek iti bagina. Ti tao nga agulimek adda naan-anay a sirmatana.

Dagiti Proverbio 22:29

Ipakitaannak iti tao a napintas ti trabahona ket ipakitak kenka ti tao a nasaysayaat ngem ti kaaduan ken maikari a makikadua kadagiti ari.

Eclesiastes 2:13

Ammok met ketdi a nasaysayaat ti kinasirib ngem ti kinamaag a kas iti lawag a nasaysayaat ngem iti sipnget.

Daniel 5:12

Adda naisangsangayan a kabaelanna ket masirib. Nalaing a mangibaga iti kaipapanan ti tagtagainep, mangipalawag kadagiti burburtia ken mangilawlawag kadagiti palimed. Paayabam ngarud daytoy a tao, ni Daniel (a pinanaganan ti ari iti Beltesazar) ket paipalawagmo kenkuana ti kaipapan amin dagitoy.”

Daniel 5:14

Nadamagko nga adda kenka ti espiritu dagiti didiosen ket nalaingka, addaanka iti pannakaawat ken sirib.

Daniel 5:7

Iti napigsa a timek, pinaayabanna dagiti salamangkero, dagiti mammadles ken dagiti astrologo. Idi dumtengda, kinuna ti ari kadakuada, “Ikkak iti pammadayaw ti siasinoman a makabasa iti naisurat ken makailawlawag iti kayatna a sawen. Makawesanto iti napateg a lupot a nalabaga, maukkoranto iti kuentas a balitok ken maisaadto a maikatlo a kangatoan nga agturay iti pagarian.”

Daniel 9:23

Itay rugiam ti agpakpakaasi iti Dios, sinungbatannaka. Umayko ibaga kenka ti sungbat ta dungdungngoennaka unay ti Dios. Ita, dumngegka a naimbag iti panangilawlawagko iti parmata.