Daniel 5:1 - Ti Baro a Naimbag a Damag Biblia

¹ Iti maysa a rabii, inawis ni Ari Belsazar ti sangaribu nga ofisialesna a dumar-ay iti dakkel a padaya, ket nagiinumda iti arak.

Ti Biblia (1973)

¹ Ni ari Balsasar nangaramid iti maysa a dackel a rambac a maipaay cadagiti sangaribo a pangoloenna, ket imminum iti arac iti sangoanan dagiti sangaribo.

Daniel 5:1 Iomraidhean Croise

Genesis 40:20

Kasangay ti ari iti maikatlo nga aldaw, ket nangipaay iti maysa a padaya para kadagiti amin nga ofisialesna. Winayawayaanna ti agiserserbi iti arak ken ti pangulo a panadero, ket indatagna ida kadagiti ofisialesna.

Ester 1:3

Iti maikatlo a tawen a panagarina, impaayanna iti padaya dagiti amin nga ofisiales ken dadduma nga agtuturay iti pagarianna. Dimmar-ay dagiti pangulo dagiti armada ti Persia ken Media agraman dagiti gobernador ken natatan-ok a tattao kadagiti probinsia.

Isaias 22:12

Ay-ayabannakay idi ti Apo Dios a Mannakabalin-amin tapno agsangit ken agdung-awkayo, kuskosanyo dagiti uloyo ken agarruatkayo iti nakersang a lupot.

Isaias 22:14

Kinuna kaniak ti Apo Dios a Mannakabalin-amin, “Saan a mapakawan daytoy a kinadakesda bayat ti panagbiagda.” Daytoy ti sao ti Apo Dios a Mannakabalin-amin.

Jeremias 50:35

Kuna ni Yahweh, “Agdisso ti kampilan iti Babilonia! Mapapatay dagiti tattaona, dagiti agtuturay ken mamasiribna.

Jeremias 51:39

Naagumda kadi? Isaganaakto ida iti padaya. Bartekekto agingga a kasta unay ti ragsakda. Maturogdanto ket didanto agriing.

Jeremias 51:57

Bartekekto dagiti agtuturay ken dagiti mamasiribna, dagiti papangulo ken dagiti soldadona. Maturogdanto ket didanton makariing. Daytoy ti saok nga ari, siak, ni Yahweh a Mannakabalin-amin.

Daniel 5:30

Iti dayta met la a rabii, napapatay ni Belsazar nga ari ti Babilonia.

Nahum 1:10

Mauramkayto agingga a dumapukayo, dakayo a mammartek, a kas iti siitsiitan a mula ken garami a nagango.